Jueces 15
15
1-2Huaꞌquimiachin quëran trico nitërinsoꞌ macacaso tahuëriꞌsa nanirin. Naporoꞌ Sansonsoꞌ saꞌin nicapon paꞌmantarin. Ina quëtacaso marëꞌ chipoaꞌhua quëpatomarin. Camarahuaton miꞌsën itapon:
—Saꞌahuë patoananënquë nicapo yaꞌcoanahuë, itërin. Miꞌsëniso napoaponahuëꞌ, co nohuantërinhuëꞌ. Napoaton itapon:
—Coꞌtama nohuantëranhuëꞌ, taꞌto, aꞌnara amiconën naporo caꞌtaninquënsoꞌ, quëtërahuë. Napoaponahuëꞌ, caiaꞌhuainso noya noyaron nichinapon chachin, ina maquëꞌ. Cainpain yaꞌhuërënamën maquë topirahuë, itërin. 3Napotopirinhuëꞌ, Sansonisoꞌ itapon:
—¡Iꞌyan! Napotëramaco niꞌquëhuarëꞌ, iporasoꞌ huiristinoꞌsanquëma maꞌsha onpotaranquëmaꞌ. Inapotohuatënquëma canpitaora tëhuënëmaquë napotaranquëmaꞌ, itërin. 4Napotahuaton paꞌnin. Cara pasa anporo huinan anashi maconin. Inapita masahuaton, cato cato tonporin. Huinamëna quëran inapotëraꞌpiarin. Inapotahuaton ina huáncana ina huáncana aꞌnara yanatëtë tonpoantëraꞌpiarin. 5Yaꞌipi tonpoantohuachina, yanatëtëroꞌsa iꞌchinpitëraꞌpiarin. Inapotahuaton huiristinoꞌsa tricoronëna huáncana aꞌparin. Inapotohuachina trico macatona imopisopita huëyarin. Co mashátërapisopitahuëntaꞌ huëyarin. Oparoroꞌsanta huëyarahuaton, oripororoꞌsa quëran huarëꞌ huëyarin.
6Huiristinoꞌsasoꞌ, natantápatona nitotopi huachi: “Sanson naporin. Miꞌsëni saꞌin osërëtahuaton, amiconën acoantërin. Ina iꞌhuërëtacaso marëꞌ naporin,” itopi. Ina natantatonaꞌ, sanapisoꞌ paꞌpinë chachin maconpi. Aꞌpërahuatonaꞌ, cato chachin tëpapi. 7Naporoꞌ Sansonsoꞌ taantarin:
—Naporamaso marëꞌ ¡Yosë niꞌsárinco iꞌhuërëtaranquëmaꞌ! Inapotaꞌhuanquëma huarëꞌ tananpitaranquëmaꞌ, tënin. 8Napotaton huiristinoꞌsa ahuëmiatërin. Inapotaton notohuaroꞌ tiquirin. Ina piquëran Itan natëtëana itopiquë paꞌsahuaton yaꞌhuëconin.
Mora cohuiratëquë huiristinoꞌsa tiquirinsoꞌ
9Huiristinoꞌsasoꞌ, israiroꞌsa huëcapaipi. Nii itopiquë huarëꞌ huëꞌpi. Inaquë nëꞌmëtë pëinëna ótënaꞌpiapi. Ina noꞌpasoꞌ, Cota huënton noꞌpanënquë yaꞌhuërin. 10Napohuachinara, inahuariso huiristinoꞌsa natanpi:
—¿Onpoatonta iporaso huëcatoma yaahuëtaantaramaꞌ? itopi.
—Sanson macapoi huëꞌnai. Ahuërincoi niꞌton, iꞌhuërëtaꞌhuaiso marëꞌ huëꞌnai, itopi huiristinoꞌsari.
11Ina natanatonaꞌ, cara huaranca Cota huënton sontaroꞌsari Sanson paapapi. Itan natëtëanataquë paaparahuatonaꞌ:
—¡Huiristinoꞌsasoꞌ, canpoa quëran chini chiníquënoꞌsa nipisoꞌ, nani nitotëran! ¡Noꞌhuipirinënhuëꞌ isëquë huëcaton quiyanta naꞌintarancoi! itopi.
—Canta maꞌsha onpotërinaco niꞌton, topinan iꞌhuërëtërahuë, tënin Sanson. 12Napotohuachina:
—Quiyaso macatëinquën huiristinoꞌsaquë yocaꞌhuainquënso marëꞌ huëꞌnai, itopi.
—Yoscoarëꞌ taꞌtoma nipachin, ama canpita chachin tëpamacoso marëhuëꞌ shaꞌhuitoco, itërin Sansoni.
13—Yoscoarëꞌ co tëparainquënhuëꞌ. Topinan masahuatëinquën huiristinoꞌsaquë yoꞌcoanainquën, itopi. Napotatona cato caporin nasharinquë tonpopi. Inapotatona naꞌpirin quëran ocoipi. 14Nii itopiquë canconpachinara huiristinoꞌsasoꞌ, capa cancantatona noncarorëꞌnachin nacapitapi. Capa cancantapirinahuëꞌ, Sinioro ispiritonëni Sanson yaꞌcoancantërin. Naporoꞌ tanpaquën, imirin, inapita tonpopisoꞌ oshitërin. Rino piꞌshi pënquë aꞌpërëso pochin nitaton oshitërin. 15Naporahuaton mora cohuiratë manin. Co noya yaniyátërarinsohuëꞌ masahuaton, inaquë ahuëaton huaranca huiristinoꞌsa tëparin. 16Inapotahuaton tapon:
—Mora cohuirachaquë, aꞌna imo, cato imo imorahuë.
Mora cohuirachaquë huaranca huiristino sontaroꞌsa tëparahuë, tënin.
17Ina quëran mora cohuiratë tëꞌyatërin. Napoaton ina noꞌpasoꞌ: Namato-nii#15.17 Namato-niisoꞌ: Cohuiratë motopiaꞌhua tapon naporin., itopi. 18Naporahuaton Sansonsoꞌ paꞌpi yamororin. Yamoroton Sinioro nontërin: “Quëma catahuaranco niꞌton, ina nápo inimicoroꞌsa minsërahuë. Inaporahuë piquëransoꞌ, co ipora yamoro tëpaincoso nohuantëranhuëꞌ. Yamoro tëpahuachincosoꞌ, isopita piyapiroꞌsa nonëhuë tëhuaponaꞌ. Co marcahuanpirinahuëꞌ, nonëhuë tëhuaponaꞌ,” itërin. 19Naporoꞌ Siniorori, Niiquë nanin yaꞌhuërinsoꞌ, iꞌsohuatërin. Iꞌsohuatohuachina iꞌsha pipirin niꞌton, ina oꞌoton chiníquën cancantërin. Napoaton inaquë noꞌpa quëran iꞌsha pipirinsosoꞌ, iso quirica ninshitasoco huarëntaꞌ, In-acori#15.19 In-acorisoꞌ: Yosë nontohuachina, iꞌsha pipirinquë tapon naporin. itapi. 20Sansonsoꞌ, cato shonca piꞌipi israiroꞌsa huaꞌanëntërin. Huiristinoꞌsari ina parti huaꞌanëntasoiꞌ, naporin.
Currently Selected:
Jueces 15: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
