Deuteronomio 34
34
Moisësë chiminpachina Yosëri paꞌpitërinsoꞌ
1Israiroꞌsa tonitahuaton, Moapo inotëro quëran Moisësësoꞌ, Nipo motopiroꞌsaquë pantacaso marëꞌ notërin. Pisca motopi huiꞌnimotënꞌpaꞌ pomosoontarin. Ina motopisoꞌ Quirico ninano notënanquë yaꞌhuërin. Ina quëran Siniorori yaꞌipi Carata noꞌpaꞌ aꞌnotërin. Tano israiroꞌsa huënton, noꞌpaꞌ macacasoꞌ nininquë huarëꞌ aꞌnotërin. 2Nipitari, Iprain, Manasisi, inapitanta noꞌpaꞌ macacaiso nininsoꞌ aꞌnotërin. Cotanta noꞌpaꞌ macacaso nininsoꞌ, aꞌnotërin. Marë pancaiꞌ itopiquë huarëꞌ aꞌnotërin. 3Niquipi partinta aꞌnotërin. Cortaniiꞌ motopiananta aꞌnotërin. Quirico quëran canonamatë, Soaro ninanoquë huarëꞌ paꞌmarinsonta aꞌnotërin. Quiricosoꞌ, “Palmeraroꞌsa ninanoꞌ,” itopi antaꞌ.
4Naporoꞌ Siniorori itapon: “Iso mini noꞌpaꞌ, Apraan, Isaco, Cacopo, inapita: ‘Caso Yosëco niꞌto, iso noꞌpaꞌ shiparimapita quëtarahuë,’ taꞌto shaꞌhuitërahuësoꞌ. Quëmaora yaꞌpiranën quëran chachin niꞌcamaso nohuantato, aꞌnotëranquën. Napoaponahuëꞌ, quëmasoꞌ co inaquë yaꞌconaranhuëꞌ,” itërin.
5Ina pochin Yosë piyapinën Moisësë itopiso chiminin. Moapo noꞌpaquë chachin chiminin. Siniorori shaꞌhuitërinso chachin ninin. 6Nani chiminpachina, Siniorori Moapo parti aꞌna motopianaquë paꞌpitërin. Piti-pior notënanquë paꞌpitërin. Napoaponahuëꞌ, iso quirica ninshitasoco huarëntaꞌ, co insonta paꞌpitërinsoꞌ nohuitërinhuëꞌ. 7Pasa cato shonca piꞌipitapasoꞌ chiminin. Chini mashorapaso niꞌton, co yaꞌpirionta sanpachátërapirinhuëꞌ naporin. 8Cara shonca tahuëri israiroꞌsaꞌ, Moisësë chimininso yonquiatonaꞌ, naꞌnërápi. Moapo inotëro parti napopi. Inachintopiso niꞌton, inanapo tahuëri naꞌnëtopi.
9Moisësë coꞌhuara chiminyátëraponhuëꞌ, Cosoi marëꞌ Yosë nontërin. Sëꞌhuamotorahuaton huaꞌan acocaso marëꞌ, nontërin. Napoaton Siniorori catahuarin noya yonquiaton, israiroꞌsa camaicasoꞌ. Camaitohuachina, yaꞌipi israiroꞌsari natëpi. Siniorori Moisësë shaꞌhuitërinso chachin nipi.
10-12Napoaponahuëꞌ, co huachi onporo tëranta israiroꞌsa yaꞌhuërinquë pënëntonaꞌpi Moisësë pochin yaꞌhuaantarinhuëꞌ. Inaíchin Siniororëꞌ aꞌninquëchin ninontërin. Siniorori camairin niꞌton, nani maꞌsha paꞌpi huëhuëpiro nininsopita Iquipito copirno anaꞌintacaso marëꞌ ninin. Ina catahuapisopita huaꞌanoꞌsaꞌ, yaꞌipi piyapinënpita, inapitanta anaꞌintacaso marëꞌ naporin. Israiroꞌsa niꞌtonënquënta chiníquën nanantaton, maꞌpitaso nicaton aꞌpayanin. Ina piquëransoꞌ, co huachi insonta ina pochin nanitaparinhuëꞌ.
Currently Selected:
Deuteronomio 34: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
