Deuteronomio 25
25
1Aꞌnaquëma nanan yaꞌhuëtohuachinquëmaꞌ, coisëroꞌsa sacatërinquë pacoꞌ. Inapita noyá natanarinquëmaꞌ. Insosona tëhuëhuachin, noꞌtëquën anaꞌintacaso shaꞌhuitapi. Co tëhuërinsopitasohuëꞌ nipirinhuëꞌ, co anaꞌintaponahuëꞌ. 2Tëhuënaꞌpi huihuicaiso nipachin, coisë camaitapon noꞌpaquë apiꞌpatonaꞌ, huihuicaisoꞌ. Inapotatona tëhuërinso marëꞌ ina niꞌtonënquë chachin noꞌtëquën anaꞌintapi. 3Huihuihuachinasoꞌ, ama inso tëranta catapini shoncaro aquëtë huihuiinasohuëꞌ. Ama naꞌcon naꞌcon aparisitatona atapanacaso marëhuëꞌ, inayara huihuiinaꞌ.
4Toro asacatohuatamaꞌ, aꞌcacoꞌ. Iꞌnataton toꞌnorayahuachin, ama tonpoanantocosohuëꞌ. Tananpitocoꞌ piꞌpian piꞌpian coshachin,” itërin.
Co huiꞌnahuanyátërasoihuëꞌ chiminpachinaꞌ, onpocaisona yaꞌhuërinsoꞌ
5Naquëranchin Moisësëri israiroꞌsa nontaantarin: “Aꞌna tahuëri nanitopi pocacaisoꞌ: Cato quëmapiꞌsa ina noꞌparáchin huaꞌanëntaponahuëꞌ, aꞌnaso co huiꞌnahuanyátërasohuëꞌ, saꞌin ayananpirin. Inapohuachin, sanapisoꞌ co nisha quëmapiri masarinhuëꞌ. Soꞌinco iini chachin maantacaso yaꞌhuërin. Inapohuachina, noꞌtëquën nisarin. 6Yaꞌnan quëmapiaꞌhua huiꞌnahuaninsoꞌ, iinco apoarin. Ama iinco nininën Israiro huënton quëran ayacaso marëhuëꞌ inapoarin. 7Napoaponahuëꞌ, coꞌsoꞌ imoroëni yamapachinhuëꞌ, sanapiso huaꞌanoꞌsa sacatërinquë paꞌsarin. Inaquë ansianoꞌsa shaꞌhuitapon: ‘Inachintërëhuaso aꞌpoaton, imoya co yamanincohuëꞌ. Co nohuantërinhuëꞌ iinco nininën Israiro huëntonquë yaꞌhuëcasoꞌ,’ itapon. 8-9Napohuachina, ansianoꞌsari amatahuatona macacaso marëꞌ nontaponaꞌ. Nani nontopirinahuëꞌ co nohuantohuachinhuëꞌ, imoroëni ansianoꞌsa niꞌtonënquë, aꞌnara sapatën ocoitahuaton ipirayatapon. Inapotahuaton itapon: ‘Quëmapisoꞌ, iinco nosoroaton yaꞌhuërënamën huiꞌnahuanacaso yaꞌhuërin. Coꞌsoꞌ yainapohuachinhuëꞌ poꞌtacaso yaꞌhuërin,’ itarin. 10Inapotohuachina, naní quëran israiroꞌsari ina quëmapi quëmopinënpita apoyataponaꞌ: ‘Sapatën ocoitopisoꞌ quëmopinënpita,’ itaponaꞌ,” itërin Moisësë. 11-19(-)
Currently Selected:
Deuteronomio 25: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
