Hechos 4
4
Pitro, Coansha, inapita mapisoꞌ
1Pitrori aꞌchintohuachina, naꞌa piyapiꞌsaꞌ natanapi. Coansharintaꞌ pënënin. Pënëntasoiꞌ, corto huaꞌanoꞌsaꞌ canquipi. Ponisiaroꞌsaꞌ huaꞌanën, satosioroꞌsaꞌ, inapitantaꞌ canquipi. 2Piyapiꞌsaꞌ aꞌchintopiso marëꞌ noꞌhuipi. “Quisoso nanpiantarin niꞌton, nanpiantacasoꞌ yaꞌhuërin,” topiso marëꞌ noꞌhuipi. 3Napoaton cato chachin mapi. Iꞌhuaraya niꞌton, tashinan pëiquë poꞌmopi. “Tashiraya natahuanꞌ,” taꞌtonaꞌ, napotopi. Naporoꞌ tashiꞌ inaquë tahuërianpitopi. 4Naꞌa piyapiꞌsaso nipirinhuëꞌ nanamën natanahuatonaꞌ, natëpi. Nani aꞌnatërápo huaranca pochin quëmapiꞌsaꞌ Quisoso imasapi.
5Tahuëririnquë yaꞌipi cotio huaꞌanoꞌsaꞌ niyontonpi. Corto huaꞌanoꞌsaꞌ, ansianoꞌsaꞌ, maistroꞌsaꞌ, inapita huëꞌpi. Quirosarinquë chachin niyontonpi. 6Nisha nisha corto huaꞌanoꞌsaꞌ huëꞌpi. Anasë chini chiníquën nanantërinsoꞌ, Caihuasë, Coansha, Aricantro, inapita huëꞌpi. Corto huaꞌanoꞌsaꞌ quëmopinënpitarë chachin niyontonpi. 7Pitro, Coansha, inapita maconahuatonaꞌ, ahuancanapipi natanacaiso marëꞌ.
—¿Onporahuatomataꞌ chiníquën nanantatomaꞌ, apia anoyatëramaꞌ? ¿Intaꞌ nanan quëtërinquëmaꞌ anoyatacamasoꞌ? itopi.
8Ispirito Santori noyá yaꞌcoancantërin niꞌton, Pitrori itapon:
—Natanco huaꞌanoꞌsanquëmaꞌ ninamasoꞌ. 9Tëhuënchachin co quiyaora nanitëraihuëꞌ apia anoyataꞌhuaisoꞌ. “¿Onporahuatomataꞌ anoyatëramaꞌ?” itëramacoi niꞌton, 10noꞌtëquën shaꞌhuitaranquëmaꞌ, nitotocoꞌ. Yaꞌipi israiroꞌsaꞌ nitochinaꞌ. Quisocristo Nasaritoquë yaꞌhuërinsoꞌ nanan quëtërincoi anoyataꞌhuaisoꞌ. Ina catahuarincoi niꞌton, anoyatërai. Yosëri aꞌpaimapirinhuëꞌ, canpitarisoꞌ corosëquë apatanantëramaꞌ. Tëpapiramahuëꞌ, Yosëri ananpitaantarin. Ina nohuanton iso quëmapi nani noyataton, isëquë huanirarin. 11Niꞌcochi. Yosë quiricanënquë naporin: “Pëiꞌ ninaꞌpiroꞌsaꞌ pëihuachinaꞌ, aꞌna naꞌpiraꞌ quënanpirinahuëꞌ, co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin,” tënin. Quisocristosoꞌ ina naꞌpi pochin. Canpita co nohuantopiramahuëꞌ, Yosëri noya noya niꞌnin. 12Quisocristoíchin anoyacancantërinpoaꞌ. Co aꞌna nanitërinhuëꞌ nichaꞌëinpoasoꞌ. Inaíchin nanitërin nichaꞌëinpoasoꞌ, itërin Pitrori.
13Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi. 14Quëmapi nani noyatërinsoꞌ inaquë huanirarin niꞌton, co nanitopihuëꞌ “Nonpinápi,” taꞌcaisoꞌ. 15Pitro, Coansha, inapita aipiran aꞌparahuatonaꞌ, inahua capini ninontapi.
16—¿Maꞌtaꞌ isopita onpotahuaꞌ? Apia nani anoyatopi. Yaꞌipi Quirosarinquë yaꞌhuëpisopita nitotopi. Nani niꞌpi. Co nanitërëhuahuëꞌ “Nonpinápi,” taꞌcasoꞌ. 17Nipirinhuëꞌ, ama aquëtëꞌ piyapiꞌsari natëcaiso marëhuëꞌ pënëanhuanꞌ. “Ama huachi Quisoso nanamën shaꞌhuicosohuëꞌ,” itahuaꞌ, nitopi.
18Ina quëran amatantarahuatonaꞌ, pënënpi. “Ama aquëtëꞌ aꞌchintantacosohuëꞌ. Ama Quisoso nanamën shaꞌhuitantacosohuëꞌ,” itopi. 19-20Napotopirinahuëꞌ, Pitro Coansharë chachin co yanatëtopihuëꞌ.
—Yosë natëtoi, co nanitëraihuëꞌ canpita natëcaꞌhuainquëmasoꞌ. Co quiyasoꞌ nanitëraihuëꞌ taꞌtahuaisoꞌ. Niꞌnaisoꞌ shaꞌhuirápoi. Natanaisontaꞌ shaꞌhuirápoi. “Co Yosë natëcasoꞌ yaꞌhuërinhuëꞌ,” ¿tënamaꞌ ti? itopi.
21-22“Co natëhuatamacoihuëꞌ, anaꞌintarainquëmaꞌ,” itahuatonaꞌ, aꞌpapi. Apia anoyatërinsoꞌ nani catapini shonca naꞌcon piꞌipitërin niꞌton, yaꞌipi piyapiꞌsari paꞌyatopi. “Yosëíchin nanitërin anoyatacasoꞌ. Ma noyacha Yosëso paya,” topi yaꞌipi piyapiꞌsaꞌ. Napoaton huaꞌanoꞌsari co nanitopihuëꞌ anaꞌintacaisoꞌ.
Yosë nontopisoꞌ
23Nani Pitro, Coansha, inapita aꞌpahuachinara, imapisopitataquë paantarahuatonaꞌ, shaꞌhuiconpi. “Corto huaꞌanoꞌsaꞌ, ansianoꞌsaꞌ, inapita chiníquën pënëninacoi ama aꞌchinaꞌhuaiso marëhuëꞌ,” itopi. 24Napotohuachinara, napopianachin yonquiatonaꞌ, Yosë nontopi: “Quëmasáchin Sinioro chini chiníquën nanantëran. Isoroꞌpaꞌ, inápaquë yaꞌhuërinsopita, iiroꞌsaꞌ, yaꞌipi maꞌsharoꞌsaꞌ, inapita acoran. 25Quëma nohuanton, iráca Tata masho Tapi ninshitërin. Inasoꞌ noya natërinquënsoꞌ. Ispirito Santori ayonquirin niꞌton, noꞌtëquën ninshitaton, itapon:
‘Inpio nacionoꞌsaquë yaꞌhuëpisopita, co noꞌtëquën yonquipihuëꞌ.
Sinioro co quëꞌyatonaraihuëꞌ pinosapi:
“Huëco canpoari minsëahuaꞌ,”
taꞌtonaꞌ, maꞌsha onpotacaisoꞌ yonquirapi.
26Copirnoroꞌsaꞌ, huaꞌanoꞌsaꞌ, inapita niyontonpi.
Sinioro ahuëcaiso marëꞌ nishaꞌhuitapi.
Copirno huayoninso chachin Cristoso nipirinhuëꞌ, co nohuantopihuëꞌ,’ tënin Tapi iráca ninshitaton.
27Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi. 28Quëmaso nipirinhuëꞌ chini chiníquën nanantëran. Co nohuantëranhuëꞌ naporini, co nanitapaitonahuëꞌ. Iráca quëran huarëꞌ yonquiran ina chiminacasoꞌ niꞌton, aparisitopi. 29Iporasoꞌ Sinioro, quiyantaꞌ noꞌhuirinacoisoꞌ, nitotëran. Quëmasáchin yanatërainquën niꞌton, catahuacoi chiníquën cancantatoi, quëma nanamën shaꞌhuii. 30Caniaꞌpiroꞌsantaꞌ quëmari anoyatëquëꞌ. ‘Yosë huiꞌnin chachin nanan quëtërincoi,’ topatoi, catahuacoi piyapiꞌsaꞌ noyachinaꞌ. Ina niꞌpachinaꞌ, yonquiapi huachi,” itopi Yosë nontatonaꞌ.
31Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.
Imapisopita capini ninosoropisoꞌ
32Yaꞌipi Quisoso natëpisopita noya niniꞌtonaꞌ, yaꞌhuëpi. Napopianachin yonquipi. Aꞌnaya aꞌnaya pahuantohuachinara, niquëtopi. Co mantaꞌ niapiratopihuëꞌ. 33Caꞌtanoꞌsaꞌ naꞌcon shaꞌhuirapi. “Sinioro Quisoso nanpiantarin. Nani niꞌnai,” topachinara, naꞌa piyapiꞌsaꞌ noya natanpi. Yosëri yaꞌipiya catahuarin. 34Napohuachina, co aꞌnaya tërantaꞌ maꞌsha pahuantërinhuëꞌ. Aꞌnaya aꞌnaya noꞌpanën, pëinën, maꞌshanën, inapita yaꞌhuëtohuachinara, paꞌanpi. 35Paꞌanahuatonaꞌ, coriqui canapisoꞌ caꞌtanoꞌsaꞌ quëtopi piyapiꞌsaꞌ quëtacaiso marëꞌ. Aꞌnaya aꞌnaya pahuantohuachinara, quëtopi. 36Naporoꞌ aꞌna quëmapi yaꞌhuërin. Cosi itopisoꞌ. Caꞌtanoꞌsari nisha nininën acotopi. Pirnapi itopi. Pirnapisoꞌ: “Achinicancantonaꞌpi,” tapon naporin. Inasoꞌ Nihui huënton quëmapi, Chipriquë huaꞌhuatërinsoꞌ. 37Inantaꞌ noꞌpanën paꞌanin. Paꞌanahuaton, yaꞌipi coriqui canarinsoꞌ caꞌtanoꞌsaꞌ quëtërin pahuantërinsopita quëtacaiso marëꞌ.
Currently Selected:
Hechos 4: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 4
4
Pitro, Coansha, inapita mapisoꞌ
1Pitrori aꞌchintohuachina, naꞌa piyapiꞌsaꞌ natanapi. Coansharintaꞌ pënënin. Pënëntasoiꞌ, corto huaꞌanoꞌsaꞌ canquipi. Ponisiaroꞌsaꞌ huaꞌanën, satosioroꞌsaꞌ, inapitantaꞌ canquipi. 2Piyapiꞌsaꞌ aꞌchintopiso marëꞌ noꞌhuipi. “Quisoso nanpiantarin niꞌton, nanpiantacasoꞌ yaꞌhuërin,” topiso marëꞌ noꞌhuipi. 3Napoaton cato chachin mapi. Iꞌhuaraya niꞌton, tashinan pëiquë poꞌmopi. “Tashiraya natahuanꞌ,” taꞌtonaꞌ, napotopi. Naporoꞌ tashiꞌ inaquë tahuërianpitopi. 4Naꞌa piyapiꞌsaso nipirinhuëꞌ nanamën natanahuatonaꞌ, natëpi. Nani aꞌnatërápo huaranca pochin quëmapiꞌsaꞌ Quisoso imasapi.
5Tahuëririnquë yaꞌipi cotio huaꞌanoꞌsaꞌ niyontonpi. Corto huaꞌanoꞌsaꞌ, ansianoꞌsaꞌ, maistroꞌsaꞌ, inapita huëꞌpi. Quirosarinquë chachin niyontonpi. 6Nisha nisha corto huaꞌanoꞌsaꞌ huëꞌpi. Anasë chini chiníquën nanantërinsoꞌ, Caihuasë, Coansha, Aricantro, inapita huëꞌpi. Corto huaꞌanoꞌsaꞌ quëmopinënpitarë chachin niyontonpi. 7Pitro, Coansha, inapita maconahuatonaꞌ, ahuancanapipi natanacaiso marëꞌ.
—¿Onporahuatomataꞌ chiníquën nanantatomaꞌ, apia anoyatëramaꞌ? ¿Intaꞌ nanan quëtërinquëmaꞌ anoyatacamasoꞌ? itopi.
8Ispirito Santori noyá yaꞌcoancantërin niꞌton, Pitrori itapon:
—Natanco huaꞌanoꞌsanquëmaꞌ ninamasoꞌ. 9Tëhuënchachin co quiyaora nanitëraihuëꞌ apia anoyataꞌhuaisoꞌ. “¿Onporahuatomataꞌ anoyatëramaꞌ?” itëramacoi niꞌton, 10noꞌtëquën shaꞌhuitaranquëmaꞌ, nitotocoꞌ. Yaꞌipi israiroꞌsaꞌ nitochinaꞌ. Quisocristo Nasaritoquë yaꞌhuërinsoꞌ nanan quëtërincoi anoyataꞌhuaisoꞌ. Ina catahuarincoi niꞌton, anoyatërai. Yosëri aꞌpaimapirinhuëꞌ, canpitarisoꞌ corosëquë apatanantëramaꞌ. Tëpapiramahuëꞌ, Yosëri ananpitaantarin. Ina nohuanton iso quëmapi nani noyataton, isëquë huanirarin. 11Niꞌcochi. Yosë quiricanënquë naporin: “Pëiꞌ ninaꞌpiroꞌsaꞌ pëihuachinaꞌ, aꞌna naꞌpiraꞌ quënanpirinahuëꞌ, co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin,” tënin. Quisocristosoꞌ ina naꞌpi pochin. Canpita co nohuantopiramahuëꞌ, Yosëri noya noya niꞌnin. 12Quisocristoíchin anoyacancantërinpoaꞌ. Co aꞌna nanitërinhuëꞌ nichaꞌëinpoasoꞌ. Inaíchin nanitërin nichaꞌëinpoasoꞌ, itërin Pitrori.
13Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi. 14Quëmapi nani noyatërinsoꞌ inaquë huanirarin niꞌton, co nanitopihuëꞌ “Nonpinápi,” taꞌcaisoꞌ. 15Pitro, Coansha, inapita aipiran aꞌparahuatonaꞌ, inahua capini ninontapi.
16—¿Maꞌtaꞌ isopita onpotahuaꞌ? Apia nani anoyatopi. Yaꞌipi Quirosarinquë yaꞌhuëpisopita nitotopi. Nani niꞌpi. Co nanitërëhuahuëꞌ “Nonpinápi,” taꞌcasoꞌ. 17Nipirinhuëꞌ, ama aquëtëꞌ piyapiꞌsari natëcaiso marëhuëꞌ pënëanhuanꞌ. “Ama huachi Quisoso nanamën shaꞌhuicosohuëꞌ,” itahuaꞌ, nitopi.
18Ina quëran amatantarahuatonaꞌ, pënënpi. “Ama aquëtëꞌ aꞌchintantacosohuëꞌ. Ama Quisoso nanamën shaꞌhuitantacosohuëꞌ,” itopi. 19-20Napotopirinahuëꞌ, Pitro Coansharë chachin co yanatëtopihuëꞌ.
—Yosë natëtoi, co nanitëraihuëꞌ canpita natëcaꞌhuainquëmasoꞌ. Co quiyasoꞌ nanitëraihuëꞌ taꞌtahuaisoꞌ. Niꞌnaisoꞌ shaꞌhuirápoi. Natanaisontaꞌ shaꞌhuirápoi. “Co Yosë natëcasoꞌ yaꞌhuërinhuëꞌ,” ¿tënamaꞌ ti? itopi.
21-22“Co natëhuatamacoihuëꞌ, anaꞌintarainquëmaꞌ,” itahuatonaꞌ, aꞌpapi. Apia anoyatërinsoꞌ nani catapini shonca naꞌcon piꞌipitërin niꞌton, yaꞌipi piyapiꞌsari paꞌyatopi. “Yosëíchin nanitërin anoyatacasoꞌ. Ma noyacha Yosëso paya,” topi yaꞌipi piyapiꞌsaꞌ. Napoaton huaꞌanoꞌsari co nanitopihuëꞌ anaꞌintacaisoꞌ.
Yosë nontopisoꞌ
23Nani Pitro, Coansha, inapita aꞌpahuachinara, imapisopitataquë paantarahuatonaꞌ, shaꞌhuiconpi. “Corto huaꞌanoꞌsaꞌ, ansianoꞌsaꞌ, inapita chiníquën pënëninacoi ama aꞌchinaꞌhuaiso marëhuëꞌ,” itopi. 24Napotohuachinara, napopianachin yonquiatonaꞌ, Yosë nontopi: “Quëmasáchin Sinioro chini chiníquën nanantëran. Isoroꞌpaꞌ, inápaquë yaꞌhuërinsopita, iiroꞌsaꞌ, yaꞌipi maꞌsharoꞌsaꞌ, inapita acoran. 25Quëma nohuanton, iráca Tata masho Tapi ninshitërin. Inasoꞌ noya natërinquënsoꞌ. Ispirito Santori ayonquirin niꞌton, noꞌtëquën ninshitaton, itapon:
‘Inpio nacionoꞌsaquë yaꞌhuëpisopita, co noꞌtëquën yonquipihuëꞌ.
Sinioro co quëꞌyatonaraihuëꞌ pinosapi:
“Huëco canpoari minsëahuaꞌ,”
taꞌtonaꞌ, maꞌsha onpotacaisoꞌ yonquirapi.
26Copirnoroꞌsaꞌ, huaꞌanoꞌsaꞌ, inapita niyontonpi.
Sinioro ahuëcaiso marëꞌ nishaꞌhuitapi.
Copirno huayoninso chachin Cristoso nipirinhuëꞌ, co nohuantopihuëꞌ,’ tënin Tapi iráca ninshitaton.
27Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi. 28Quëmaso nipirinhuëꞌ chini chiníquën nanantëran. Co nohuantëranhuëꞌ naporini, co nanitapaitonahuëꞌ. Iráca quëran huarëꞌ yonquiran ina chiminacasoꞌ niꞌton, aparisitopi. 29Iporasoꞌ Sinioro, quiyantaꞌ noꞌhuirinacoisoꞌ, nitotëran. Quëmasáchin yanatërainquën niꞌton, catahuacoi chiníquën cancantatoi, quëma nanamën shaꞌhuii. 30Caniaꞌpiroꞌsantaꞌ quëmari anoyatëquëꞌ. ‘Yosë huiꞌnin chachin nanan quëtërincoi,’ topatoi, catahuacoi piyapiꞌsaꞌ noyachinaꞌ. Ina niꞌpachinaꞌ, yonquiapi huachi,” itopi Yosë nontatonaꞌ.
31Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.
Imapisopita capini ninosoropisoꞌ
32Yaꞌipi Quisoso natëpisopita noya niniꞌtonaꞌ, yaꞌhuëpi. Napopianachin yonquipi. Aꞌnaya aꞌnaya pahuantohuachinara, niquëtopi. Co mantaꞌ niapiratopihuëꞌ. 33Caꞌtanoꞌsaꞌ naꞌcon shaꞌhuirapi. “Sinioro Quisoso nanpiantarin. Nani niꞌnai,” topachinara, naꞌa piyapiꞌsaꞌ noya natanpi. Yosëri yaꞌipiya catahuarin. 34Napohuachina, co aꞌnaya tërantaꞌ maꞌsha pahuantërinhuëꞌ. Aꞌnaya aꞌnaya noꞌpanën, pëinën, maꞌshanën, inapita yaꞌhuëtohuachinara, paꞌanpi. 35Paꞌanahuatonaꞌ, coriqui canapisoꞌ caꞌtanoꞌsaꞌ quëtopi piyapiꞌsaꞌ quëtacaiso marëꞌ. Aꞌnaya aꞌnaya pahuantohuachinara, quëtopi. 36Naporoꞌ aꞌna quëmapi yaꞌhuërin. Cosi itopisoꞌ. Caꞌtanoꞌsari nisha nininën acotopi. Pirnapi itopi. Pirnapisoꞌ: “Achinicancantonaꞌpi,” tapon naporin. Inasoꞌ Nihui huënton quëmapi, Chipriquë huaꞌhuatërinsoꞌ. 37Inantaꞌ noꞌpanën paꞌanin. Paꞌanahuaton, yaꞌipi coriqui canarinsoꞌ caꞌtanoꞌsaꞌ quëtërin pahuantërinsopita quëtacaiso marëꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.