Hechos 3
3
Apia anoyatërinsoꞌ
1Aꞌna tahuëri piꞌi tëhuërënahuasoꞌ, Pitro paꞌsarin Yosë chinotopiso pëiquë. Naporoꞌ ora niyontonatonaꞌ, Yosë nontopi. Coansharëꞌ paꞌsapirinhuëꞌ. 2Inaquë aꞌna quëmapi quënanconpi. Nasitërin quëran huarëꞌ co nanitërinhuëꞌ iratacasoꞌ. Nani tahuëri Yosë chinotopiso pëiquë quëpapi. Aꞌna yaꞌcoanaquë acopi, “Noyápiachin,” itopiquë. Inaquë acopi coriqui maꞌpatacaso marëꞌ. Piyapiꞌsaꞌ Yosë chinotopiso pëiquë yaꞌconpachinara, coriqui maꞌpatërin. 3Pitro, Coansha, inapita yaꞌconasoiꞌ, apiari quënanin. Quënanahuaton, coriqui quëtacaisoꞌ nohuantopirinhuëꞌ. 4Pitro, Coansha inapitari niꞌsahuatonaꞌ:
—Niꞌcoi iyasha, itërin Pitrori.
5“Coriqui quëtarinco,” taꞌton, nëꞌpëtarin. 6Pitroriso nipirinhuëꞌ:
—Co coriqui yaꞌhuëtopirincohuëꞌ, nanitato, anoyataranquën. Quisocristo Nasaritoquë yaꞌhuërinsoꞌ nanan quëtërinco niꞌton, anoyataranquën. Ina nohuanton, noyataran. Huanirahuaton, noya iratëquëꞌ, itërin.
7Inchinan imira quëran masahuaton, ahuanirin. Aꞌnaroáchin caꞌyopirain nantërë chachin chinirin. 8Ina quëran pashitiquintarahuaton, huanirin. Iratarin. Pitro, Coansha, inapita Yosë chinotopiso pëiquë yaꞌconpachinara, inapitarë chachin apiantaꞌ yaꞌconin. Noya irataton, niirárin. “Ma noyacha Yosëso paya,” tosárin. 9Inapohuachina, yaꞌipi piyapiꞌsari niꞌpi. “Ma noyacha Tata Yosë catahuarinco paya,” taꞌton, iratárin. 10Niꞌsahuatonaꞌ, piyapiꞌsari nohuitopi niꞌton, paꞌyanpi. “Isosoꞌ quëmapi, Yosë chinotopiso pëiꞌ yaꞌcoananënquë huënsërahuaton, coriqui maꞌpachantërinsoꞌ. ¿Onporahuatoncha noya iratërin nicaya?” nitopi.
Yosë chinotopiso pëiquë Pitro pënëntërinsoꞌ
11Apia anoyatërinsosoꞌ: “Ama patocosohuëꞌ,” taꞌton, Pitro, Coansha inapita co aꞌporinhuëꞌ. Cara chachin “Saromon ishpananën,” itopiquë paꞌpachinara, notohuaroꞌ piyapiꞌsaꞌ manorahuatonaꞌ, inaquë niyontonpi. “Ma noyacha niꞌton, apia aꞌnaroáchin anoyatërin paya,” taꞌtonaꞌ, paꞌyanpi. 12Inapita niꞌsahuaton, Pitrori itapon: “¿Onpoatontaꞌ iyaroꞌsaꞌ iso quëmapi nicatomaꞌ, paꞌyanamaꞌ? ¿Onpoatontaꞌ quiyantaꞌ niꞌsaramacoi? Co quiyaora nanitaparaihuëꞌ anoyataꞌhuaisoꞌ. Co quiyasoꞌ noya noyacoihuëꞌ. Yosë nohuanton noyataton, iratarin. 13Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ. 14Quisososoꞌ noyasáchin ninin. Co piꞌpisha tërantaꞌ oshahuanpirinhuëꞌ, co nohuantëramahuëꞌ. ‘¿Intaꞌ ocoichinquëmaꞌ?’ itohuachinquëmara, tëpatonaꞌpi huayonamaꞌ. 15Quisoso mini ananpirinpoaso nipirinhuëꞌ, atëpatëramaꞌ. Tëpapirinahuëꞌ, Yosëri ananpitaantarin. Quiyasoꞌ niꞌnai. 16‘Quisoso catahuarincoi,’ taꞌtoi, iso apia nohuitëramasoꞌ anoyatërai. Inantaꞌ: ‘Inasoꞌ, catahuarinco mini,’ taꞌton, noya paꞌsarin niꞌnamaꞌ canpitantaꞌ.
17Quisoso Yosë quëran oꞌmapirinhuëꞌ, co nitotëramahuëꞌ. Napoaton, iyaroꞌsaꞌ, atëpatëramaꞌ. Huaꞌanoꞌsanëmantaꞌ co nitotopihuëꞌ. 18Iráca pënëntonaꞌpiroꞌsaꞌ ninotonaꞌ, ninshitopi. ‘Aꞌna tahuëri Cristo parisitapon,’ topi. Yosë nohuanton, ninopi. Ninopiso pochachin parisitërin. 19Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ. 20Quisocristo imapatamaꞌ, anoyacancantarinquëmaꞌ niꞌton, sano cancantaramaꞌ. Aꞌna tahuërintaꞌ ina chachin aꞌpatimantarinquëmaꞌ. Canpita marëꞌ nani Yosëri acorin. 21Iráca quëran huarëꞌ Yosë nohuanton, noya pënëntonaꞌpiroꞌsaꞌ ninopi. ‘Aꞌna tahuëri Yosëri yaꞌipiya anoyatarin,’ topi. Anoyataquë huarëꞌ inápaquë Quisoso yaꞌhuantarin. 22Iráca Moisësëri ninoton, shimashonënpoapita shaꞌhuitërin: ‘Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inasoꞌ Israiro quëmapi. Pënënpachinquëmaꞌ, yaꞌipi natëcoꞌ. 23Insosona co natëhuachinhuëꞌ, yaꞌhuërama quëran ocoimiatamaso yaꞌhuërin,’ tënin.
24Yaꞌipi pënëntonaꞌpiroꞌsaꞌ iso tahuëriꞌsaꞌ ninopi. Samoiro quëran huarëꞌ napopi. 25Yosë nohuanton, ninshitërinënquëmaꞌ, nitotëramaꞌ. Yosë chachin naporinsoꞌ natanamaꞌ. Shimashonënpita nontohuachina, yonquirinquëmaꞌ canpitantaꞌ. Iráca Apraan itërin: ‘Caora nohuanto, catahuaranquën. Quëma shiparinpita quëran yaꞌipi piyapiꞌsaꞌ noya cancantapi,’ itërin Yosëri. 26Canpitaꞌton yonquiatënquëmaꞌ, huiꞌnin ananpitaantarahuaton, aꞌparin catahuainquëmaso marëꞌ. Ina catahuahuachinquëmaꞌ, co noyahuëꞌ ninamasopita naniantaramaꞌ. Ina quëran nóya cancantaramaꞌ. Ina marëꞌ Quisoso aꞌpaimarin,” itërin.
Currently Selected:
Hechos 3: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 3
3
Apia anoyatërinsoꞌ
1Aꞌna tahuëri piꞌi tëhuërënahuasoꞌ, Pitro paꞌsarin Yosë chinotopiso pëiquë. Naporoꞌ ora niyontonatonaꞌ, Yosë nontopi. Coansharëꞌ paꞌsapirinhuëꞌ. 2Inaquë aꞌna quëmapi quënanconpi. Nasitërin quëran huarëꞌ co nanitërinhuëꞌ iratacasoꞌ. Nani tahuëri Yosë chinotopiso pëiquë quëpapi. Aꞌna yaꞌcoanaquë acopi, “Noyápiachin,” itopiquë. Inaquë acopi coriqui maꞌpatacaso marëꞌ. Piyapiꞌsaꞌ Yosë chinotopiso pëiquë yaꞌconpachinara, coriqui maꞌpatërin. 3Pitro, Coansha, inapita yaꞌconasoiꞌ, apiari quënanin. Quënanahuaton, coriqui quëtacaisoꞌ nohuantopirinhuëꞌ. 4Pitro, Coansha inapitari niꞌsahuatonaꞌ:
—Niꞌcoi iyasha, itërin Pitrori.
5“Coriqui quëtarinco,” taꞌton, nëꞌpëtarin. 6Pitroriso nipirinhuëꞌ:
—Co coriqui yaꞌhuëtopirincohuëꞌ, nanitato, anoyataranquën. Quisocristo Nasaritoquë yaꞌhuërinsoꞌ nanan quëtërinco niꞌton, anoyataranquën. Ina nohuanton, noyataran. Huanirahuaton, noya iratëquëꞌ, itërin.
7Inchinan imira quëran masahuaton, ahuanirin. Aꞌnaroáchin caꞌyopirain nantërë chachin chinirin. 8Ina quëran pashitiquintarahuaton, huanirin. Iratarin. Pitro, Coansha, inapita Yosë chinotopiso pëiquë yaꞌconpachinara, inapitarë chachin apiantaꞌ yaꞌconin. Noya irataton, niirárin. “Ma noyacha Yosëso paya,” tosárin. 9Inapohuachina, yaꞌipi piyapiꞌsari niꞌpi. “Ma noyacha Tata Yosë catahuarinco paya,” taꞌton, iratárin. 10Niꞌsahuatonaꞌ, piyapiꞌsari nohuitopi niꞌton, paꞌyanpi. “Isosoꞌ quëmapi, Yosë chinotopiso pëiꞌ yaꞌcoananënquë huënsërahuaton, coriqui maꞌpachantërinsoꞌ. ¿Onporahuatoncha noya iratërin nicaya?” nitopi.
Yosë chinotopiso pëiquë Pitro pënëntërinsoꞌ
11Apia anoyatërinsosoꞌ: “Ama patocosohuëꞌ,” taꞌton, Pitro, Coansha inapita co aꞌporinhuëꞌ. Cara chachin “Saromon ishpananën,” itopiquë paꞌpachinara, notohuaroꞌ piyapiꞌsaꞌ manorahuatonaꞌ, inaquë niyontonpi. “Ma noyacha niꞌton, apia aꞌnaroáchin anoyatërin paya,” taꞌtonaꞌ, paꞌyanpi. 12Inapita niꞌsahuaton, Pitrori itapon: “¿Onpoatontaꞌ iyaroꞌsaꞌ iso quëmapi nicatomaꞌ, paꞌyanamaꞌ? ¿Onpoatontaꞌ quiyantaꞌ niꞌsaramacoi? Co quiyaora nanitaparaihuëꞌ anoyataꞌhuaisoꞌ. Co quiyasoꞌ noya noyacoihuëꞌ. Yosë nohuanton noyataton, iratarin. 13Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ. 14Quisososoꞌ noyasáchin ninin. Co piꞌpisha tërantaꞌ oshahuanpirinhuëꞌ, co nohuantëramahuëꞌ. ‘¿Intaꞌ ocoichinquëmaꞌ?’ itohuachinquëmara, tëpatonaꞌpi huayonamaꞌ. 15Quisoso mini ananpirinpoaso nipirinhuëꞌ, atëpatëramaꞌ. Tëpapirinahuëꞌ, Yosëri ananpitaantarin. Quiyasoꞌ niꞌnai. 16‘Quisoso catahuarincoi,’ taꞌtoi, iso apia nohuitëramasoꞌ anoyatërai. Inantaꞌ: ‘Inasoꞌ, catahuarinco mini,’ taꞌton, noya paꞌsarin niꞌnamaꞌ canpitantaꞌ.
17Quisoso Yosë quëran oꞌmapirinhuëꞌ, co nitotëramahuëꞌ. Napoaton, iyaroꞌsaꞌ, atëpatëramaꞌ. Huaꞌanoꞌsanëmantaꞌ co nitotopihuëꞌ. 18Iráca pënëntonaꞌpiroꞌsaꞌ ninotonaꞌ, ninshitopi. ‘Aꞌna tahuëri Cristo parisitapon,’ topi. Yosë nohuanton, ninopi. Ninopiso pochachin parisitërin. 19Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ. 20Quisocristo imapatamaꞌ, anoyacancantarinquëmaꞌ niꞌton, sano cancantaramaꞌ. Aꞌna tahuërintaꞌ ina chachin aꞌpatimantarinquëmaꞌ. Canpita marëꞌ nani Yosëri acorin. 21Iráca quëran huarëꞌ Yosë nohuanton, noya pënëntonaꞌpiroꞌsaꞌ ninopi. ‘Aꞌna tahuëri Yosëri yaꞌipiya anoyatarin,’ topi. Anoyataquë huarëꞌ inápaquë Quisoso yaꞌhuantarin. 22Iráca Moisësëri ninoton, shimashonënpoapita shaꞌhuitërin: ‘Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inasoꞌ Israiro quëmapi. Pënënpachinquëmaꞌ, yaꞌipi natëcoꞌ. 23Insosona co natëhuachinhuëꞌ, yaꞌhuërama quëran ocoimiatamaso yaꞌhuërin,’ tënin.
24Yaꞌipi pënëntonaꞌpiroꞌsaꞌ iso tahuëriꞌsaꞌ ninopi. Samoiro quëran huarëꞌ napopi. 25Yosë nohuanton, ninshitërinënquëmaꞌ, nitotëramaꞌ. Yosë chachin naporinsoꞌ natanamaꞌ. Shimashonënpita nontohuachina, yonquirinquëmaꞌ canpitantaꞌ. Iráca Apraan itërin: ‘Caora nohuanto, catahuaranquën. Quëma shiparinpita quëran yaꞌipi piyapiꞌsaꞌ noya cancantapi,’ itërin Yosëri. 26Canpitaꞌton yonquiatënquëmaꞌ, huiꞌnin ananpitaantarahuaton, aꞌparin catahuainquëmaso marëꞌ. Ina catahuahuachinquëmaꞌ, co noyahuëꞌ ninamasopita naniantaramaꞌ. Ina quëran nóya cancantaramaꞌ. Ina marëꞌ Quisoso aꞌpaimarin,” itërin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.