2 Samuel 14
14
Tapi Apësaronë nanan anoyatopisoꞌ
(Huaꞌqui quëran Tapisoꞌ, huiꞌninpitari nanitopi huachi. Siniorori Natan quëran iráca Tapi shaꞌhuitërin. Ina nanicaso marëꞌ Amonisoꞌ, oshin tapirin. Inasoꞌ, Tamara itopi. Paꞌpina quëransoꞌ inarachin nicaponahuëꞌ, aꞌshina quëranso nisha. Napoaponahuëꞌ, cato piꞌi quëran pochin ina yoꞌin miáchin nininsoari, Amon atëpatërin. Inasoꞌ, Apësaron itopi. Oshin napotërinso marëꞌ iꞌhuërëtaton napotërin. Iin mashonën inapotaton, shiin yaꞌhuërinquë taꞌarin. Quisoro ninanoquë shiinsoꞌ copirno niꞌton, inaquë cara piꞌipi yacapatërin. Inaquë nicasoꞌ, Coaposo ina huëntacaso marëꞌ Tapi nontërin.) 21Napotohuachina aꞌna tahuëri Tapisoꞌ Coapo itapon:
—Niꞌquëꞌ. Natanancosoꞌ, nani nohuantërahuë. Apësaron isëquë huënantacaso marëꞌ paapaquëꞌ. Paaparahuaton nontoonquë huënantaꞌin, itërin. 22Napotohuachina, inaso Tapi mosharin. Isonin quëran noꞌpaquë huarëꞌ monshorahuaton mosharin. Ina quëran copirno noya yaꞌhuëcaso marëꞌ shaꞌhuitaton itapon:
—Sinioro noya catahuainquën. Tëhuënchachin noya niꞌnancosoꞌ, ipora tahuëri anitotëranco. Quëmasoꞌ copirnonquën nipiranhuëꞌ, shaꞌhuitëranquënsoꞌ nicaton anitotëranco, itërin. 23-24Napotahuaton, Coaposo pacacaso marëꞌ huanirin. Naporoꞌ Tapiri itaantapon:
—Apësaron quëpatan, ama niꞌincosohuëꞌ. Pëinënquë noꞌtëin, itërin. Coaposo Quisoroquë paꞌsahuaton, Apësaron quënanconin. Inaquë nontahuaton Quirosarinquë quënantarin. Nani canquintahuachina, Apësaronso yaꞌhuërinquë noꞌtëërin. Co paꞌpin niꞌninhuëꞌ.
25Apësaronso yaꞌipi israiroꞌsa quëran, noya noyapin niꞌtërin. Ina marëꞌ naní quëran paꞌyatopi. Co máquën tëranta tëhuërinhuëꞌ. 26Nani piꞌiquë aꞌnaroíchin niyaꞌitërin. Quëquën niꞌton, pëꞌhuaton niyaꞌitërin. Napotohuachina ainënsoꞌ, cato quiro naꞌcon quëꞌnin. Pëꞌtënan Copirno nohuantërinsoanpiquë pëꞌtënpachinara, inanapo quëꞌnin. 27Naporahuaton cara huiꞌninpita quëmapiꞌsa yaꞌhuëtërin. Aꞌnara sanapinta noyápiroyanchin yaꞌhuëtërin. Inasoꞌ, Tamara itërin.
28Cato piꞌipi pochin Quirosarinquë yaꞌhuërin. Napoaponahuëꞌ, co paꞌpin niꞌshátërarinhuëꞌ. 29Napoin quëran Coapo nontacaso marëꞌ piyapinën aꞌparin: “Copirno shaꞌhuitëquëꞌ, inarëꞌco nanan anoyachi,” tënin huaꞌanëhuë. Taꞌcaso nanan aꞌpatërin. Napotopirinhuëꞌ, inaso co nohuantërinhuëꞌ pacacasoꞌ. Napohuachina naquëranchin nanan aꞌpataantarin. Naporonta co nohuantaantarinhuëꞌ.
30Napohuachina Apësaronsoꞌ, piyapinënpita camairin:
—Niꞌquëꞌ. Coapo iminën caquën pirayan yaꞌhuërin. Sipataráchin shaꞌninsoꞌ nani cayarin. Paatoma ina iꞌchinpitocoꞌ, itërin.
Natanahuatonaꞌ, inahuaso iꞌchinpitonpi. 31Inapotohuachinara Apësaron pëinënquë aꞌnaroáchin Coapo paꞌnin:
—¿Onpoatonta piyapinënpita iminëhuë iꞌchinpitërinaco? itërin.
32—Poꞌpin yonquiato naporahuë: “¿Maꞌmarëcha Quisoro quëran huëꞌnahuë nicaya? inaquë nisarahuë naporini, noya noya niitohuëꞌ,” tënahuë. Ina Coapori copirno shaꞌhuichin taꞌto, piyapinëhuë catoro aꞌpatopiranquënhuëꞌ, co huëꞌnanhuëꞌ. Iporaso huachi shaꞌhuitonquë copirno niꞌchinaꞌi. Tëhuërahuëso marëꞌ yatëpahuachinco tëpachinaꞌinco, itërin.
33Napotohuachina, inaso, copirno shaꞌhuitoonin. Ina natanaton, inaso Apësaron amatërin. Paꞌpinquë canquihuachina, isonin quëran noꞌpaquë huarëꞌ monshorahuaton mosharin. Inarinta apinorahuaton nontërin.
Currently Selected:
2 Samuel 14: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
