1 Reyes 9
9
Yosë Saromonëꞌ anoyatërinsoꞌ
1-3Saromon Yosë chinotacaso pëiꞌ, inaora huaꞌanëntacaso pëiꞌ, inapita tënirin. Naporahuaton maꞌpitaso nicacasoꞌ yonquirinsopitantaꞌ, tënirin. Inapita tënihuachina, naquëranchin Siniorori yaꞌnotaantarin. Capaonquë yaꞌnotërinso pochachin nitaton, itapon: “Pëi anitatonco nontërancoso marëꞌ nani natananquën. Napoaton inaquë nontiinacoso marëꞌ acorahuë. Ina yonquiato cari aꞌpairápo. 4Quëmasoꞌ tataparinco pochachin cancantaton natëco. Ama nonpinaton, canamaso yonquiquësohuëꞌ. Noꞌtëquënáchin piyapiꞌsa yonquirapiquëꞌ. Nani carima pënënanquëmaꞌ. Nani anitotëranquëma noꞌtëquën natëamacosoꞌ. Canpita capininta onpopinsona niniꞌcamasoꞌ, nani anitotëranquëmaꞌ. 5Ina pochin nipatan, quëmá quëran pipipisopitaráchin israiroꞌsa huaꞌanëntaponaꞌ. Tataparinco nani shaꞌhuitërahuë: ‘Ca nohuanto quëmá quëran pipipisopitaráchin israiroꞌsa huaꞌanëntaponaꞌ,’ itërahuë. 6-7Napoaponahuëꞌ, quëmahuë nipon, quëmá quëran pipipisopitahuë nipon, pënëntërahuësopita, camaitërahuësopita aꞌpoatomaꞌ, nisha nisha mamanshiroꞌsa moshahuatamaꞌ, israiroꞌsa noꞌpaꞌ quëtërahuë quëran ocoiarahuë. Chinotamacoso marëꞌ pëi acorahuësontaꞌ, aꞌpoarahuë. Inapotohuatënquëmaꞌ, nisha nisha nacionquë yaꞌhuëpisopita tëhuayatáponënquëmaꞌ. 8Iso pëi noyápiachin nipirinhuëꞌ, ca nohuanton inimicoroꞌsari ohuatohuachinaꞌ, naꞌpiroꞌsaraꞌ yamorápon. Ina nicatona naꞌhuëroꞌsasoꞌ, tëhuaponaꞌ. Tëhuapona pochin inahua capini ninatanapi: ‘¿Onpoatoncha Siniorori napotërin nicaya?’ niitaponaꞌ. 9Naporoꞌ aꞌnari itapon: ‘Siniorori nosoroaton shimashonënapita Iquipito quëran ocoirin. Ocoipirinhuëꞌ, inapitaso nisha nisha mamanshiroꞌsa moshacaiso marëꞌ ina aꞌpopi. Napoaton Yosërinta inapita aꞌporahuaton poꞌpin aparisitërin,’ itapon,” itërin. 10-28(-)
Currently Selected:
1 Reyes 9: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
