Knt 1
1
1A'an a'in li xchaq'alil ru b'ich#1,1a Li Hu a'in naxk'ut chiqu li xchaab'ilal ut li xloq'al li rahok: Jwal kaw rib' li Rahok jo' li Kamk. Li xxamlel li Rahok a'an tiqwal xam, tz'aqal xam li nachalk rik'in li Yos! (Knt 8,6). Sa' li Hu a'in jun li winq ut jun li ixq neke'xb'icha chanru naq neke'xra rib' chirib'ileb' rib'. Sa' li Hu a'in natawmank ajwi' ru naq li Yos naxra li xtenamit ut li Jesukriist naxra li x'Iklees, jo' jun b'eelomej naxra li rixaqil. Sa' li Najter Chaq'rab' natawmank naq jo'ka'in li xrahom li Yos rik'in li xtenamit (cf. Os 2,21; Is 1,21; 50,1; 54,6-7; 62,4-5; Jr 2,2; 3,1.6-12; Ez 16; 23). Cho'q reheb' laj paab'anel kristiyan, jo' naq li b'eelomej ut li rixaqil wankeb' chi sum'aatin, jo'kan ajwi' naq te'wanq chi sum'aatin eb' laj paab'anel rik'in li Kriist (Ef 5,23-32). k'uub'anb'il xb'aan laj Salomón.#1,1b 1 R 4,32; Knt 3,9-11.
Li xtz'ub'um li xsum'aatin
Li ixq
2Chinaatz'ub' rik'in xsahil li xtz'uumal aawe!
K'ajo' xsahil laarahom chiru li chaab'il b'iin,
3q'axal sa chik chiru rutz'b'al laasununkil b'an!
Laa'at jo'kat sununkil b'an li nahoye'k,
jo'kan naq nakate'xra eb' li ixqa'al.
4K'amin chawix, aanilaqo!
Chinaawoksi sa' laawarib'aal, at in'awab'ej,
re toosaho'q ut tooninq'ehiq qakab'ichal,
ut q'axal chik tqayal xsahil laarahom chiru li b'iin!
Jo'kan pe' naq raarookat!
Xsik'b'al li sum'aatin sa' xtiqwal li kutan
Li ixq
5Q'eqmoyink lintib'el, ut ch'ina'usin ajwi',
ex rixqilal Jerusalén;
q'eqin jo' li xmuheb'aaleb' laj Kedar,
jo'eb' li xt'ilkem eb' laj Salmá.
6Meek'e reetal naq q'eqin:
a' li saq'e xk'atok re lintib'el.
Eb' li ralal xk'ajol linna' xe'josq'o'k wik'in
ut xine'xk'e chi xk'aak'alenkil li awimq uub',
ab'an li wawimq laa'in, lin'uub', ink'a' xink'aak'ale.
7At inrahom, ye we
b'ar yookat chi xb'eresinkil laaketomq,
b'ar nakak'eheb' chi hilank wa'leb',
re naq ink'a' jo'aqin jun li ixq tz'aptz'o xnaq' ru,#1,7 Jun li ixq tz'aptz'o xnaq' ru (cf. Gn 38,14) malaj jun li ixq aj b'eeninel rib'.
li naxik chirixeb' li xketomq eb' laawamiiw.
Eb' laj b'ichanel
8Wi ink'a' nakanaw, at xchaq'alilat ru sa' xyanqeb' li ixq,
taaqe li xnums eb' li ketomq
ut chab'eresiheb' laachib'aat
chi xk'atq li xmuheb'aaleb' laj k'aak'alehom ketomq.
B'ichank naq xe'xtaw rib'eb'
Li winq
9Chanchanat li ixqikawaay
li naxik chiruheb' li xkaar laj Parahón,
at xsumwaanm!
10K'ajo' xch'ina'usal eb' laako sa' xyanqeb' laaka'xik,
jwal ch'ina'us laakux sa' xyanqeb' li q'ol!
11Tqayiib' ka'xik oor cho'q aawe,
wanq xsahob' ru yiib'anb'il rik'in plaat.
Li ixq
12Naq sotso li awab'ej chiru li xwarib'aal,
linsununkil b'an naxpuka li xb'ook.
13Linrahom chanchan jun q'aal chi miir,
li nahilank chire linch'ool.
14Linrahom chanchan sununkil b'an
li nachalk sa' li awimq re En-gadi.
Li winq
15K'ajo' aach'ina'usal, at xsumwaanm,
k'ajo' xchaq'al aawu!
Chanchaneb' mukuy xsa'eb' laawu.
Li ixq
16Q'axal ch'ina'usat, at inrahom,
sachb'ach'oolej aawilb'al!
Li qahilob'aal a'an li pach'aya';
17eb' li yaw a'aneb' xtz'amb'ahil li qochoch,
ut eb' li saqichaj a'aneb' li qamuhel re xraab'al qib' chiqib'il qib'.
Currently Selected:
Knt 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.