Knt 2
2
Li ixq
1Laa'in ruutz'u'ujil li ru taq'a,
laa'in chanchanin li saqihix li wank sa'eb' li tzuultaq'a.
Li winq
2Chanchan junaq saqihix sa'eb' li k'ix,
jo'kan linrahom sa' xyanqeb' li ixqa'al.
Li ixq
3Jo' xche'el li mansaan sa' xyanqeb' li che' sa' k'iche'b'aal,
jo'kan linrahom sa' xyanqeb' li saaj winq.
Ninrahi hilank sa' xmu,
ut q'axal sa cho'q we naq ninlow li ru.
Li ixq
4Xinroksi sa' rochochil li ninq'e,
ut li reetalil li naheelank sa' inb'een, a'an li rahok!
5K'ehomaq inkawub' rik'in k'uluj yiib'anb'il rik'in chaqi uub',
k'ehomaq chaq inmansaan re naq tk'ulunq linch'ool,
xb'aan naq kamk we chi rahok.
6Li xtz'e uq' wank rub'el linjolom
ut rik'in li xnim uq' ninxmetzo.
7Nintz'aama cheru, ex rixqilal Jerusalén,
sa' xk'ab'a'eb' li kej ut li yuk li wankeb' sa' k'iche',
meerajsi ut meerisi xwara linrahom,
toj a'an yaal re.#2,7 Knt 3,5; 8,4.
Ak xnume'k li hab'alq'e
Li ixq
8Jun xyaab' kuxej! A'an li raaro inb'aan!
Wanle' chaq, yo chaq chi pisk'ok sa' xb'eeneb' li tzuul,
taapisk'okje'q sa' xb'eeneb' li b'ool.
9Linrahom chanchan junaq kej
malaj jun ch'ina yuk.
Ilomaq, xaqxo anaqwan chirix li tz'ak,
yo chaq chi ilok sa' li b'entaan,
nach'uukink chaq sa' li reex.
Li winq
10Xtikib' aatinak linrahom ut xye we:
“Xaqlin, at inrahom,
k'ajo' xchaq'al aawu; kim wik'in.
11“K'e reetal, ak xnume'k li hab'alq'e,
xch'anaak li hab' ut xyamaak.
12“Ak wankeb' li uutz'u'uj sa'eb' li tzuultaq'a,
xwulak xq'ehil li b'ichank
ut li xyaab' li mukuy na'ab'imank sa' li qana'aj.
13“Ak xe'ok chi uuchink li xche'el li iig,
ut eb' li uub' k'ajo' xsununkil li ratz'umeb'.
Xaqlin, at inrahom,
k'ajo' xchaq'al aawu; kim wik'in.
14“At inmukuy, li nakamuq aawib' sa'eb' li saqoonak,
sa'eb' li na'ajej ch'a'aj xtawb'al,
k'ut chiwu laawilob'aal,
kanab'in rab'inkil xyaab' laakux,
xb'aan naq jwal sa rab'inkil xyaab' laakux
ut k'ajo' xch'ina'usal laawu.
15“Chapomaqeb' li yak,
eb' li kok' yak
li neke'xsach li awimq uub',
a'eb' li qa'uub' li yookeb' chi atz'umak”.
Li ixq
16Linrahom a'an we laa'in,
ut laa'in rehin a'an
li nak'aak'alenk sa' xyanqeb' li saqihix.#2,16 Knt 6,3.
17Naq toj maji' nachalk xmaayus li kutan
ut taanajto'q li aak'ab',
sutq'in chaq, at inrahom,
jo'qat junaq kej
malaj jun ch'ina yuk
sa' li tzuul Béter.
Currently Selected:
Knt 2: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.