Knt 7
7
Li winq
1K'ajo' xch'ina'usal eb' laawoq
sa'eb' laaxaab', at xrab'in xnimal ru winq!
Eb' li xq'oot laayiitoq chanchaneb' li q'ol
yiib'anb'ileb' xb'aan xseeb'al jun li winq tzolb'il chi us.
2Chanchan li kuk laach'up,
b'arwi' ink'a' nalajk li sununkil b'iin.
Laasa' kama' wi' jun tuub' chi triiw
li sutsu chi uutz'u'uj.
3Eb' laatu' chanchaneb' wi' wiib' ral li kej
kok' luteb';#7,3 Knt 4,5.
4laakux kama' wi' jun najt xteramil kab'l yiib'anb'il rik'in marfil,
xsa'eb' laawu jo'keb' li ha' li wank Jesbón,
chi xk'atq li Rokeb'aal Bat-Rabín;
laawu'uj chanchan li najt xteramil kab'l re Líbano,
li wank sa' xka'yab'aal Damaask.
5Chanchan wi' li tzuul Karmeel laajolom,
ut eb' laawismal kama'eb' li kaqi noq':
li raanm jun awab'ej eechaninb'il xb'aan li xk'oloxil.
6K'ajo' laach'ina'usal,
k'ajo' xchaq'alil aawu,
at inrahom, at insahilal!
7Laajunxaqalil chanchan wi' xteram jun toon chi kala'
ut eb' laatu' kama' jun kuut chi ruheb'.
8Xinye sa' inch'ool: Tintaqe'q sa' ru'uj li kala'
ut tinxok chaq li ru.
Eb' laatu' jo'kaqeb' taxaq li junq chiil chi uub',
ut laasununkil jo' taxaq xsununkil li mansaan.
9Sa' laawe chanchan li b'iin jwal chaab'il
li tiik naxik wan wi' linrahom,
ut naxt'aqresi li xtz'uumal qe li nokooxiiqank chi wark.
Sa' li awimq uub' ut sa' rochoch linna'
Li ixq
10Laa'in rehin linrahom,
ut chiwix laa'in naxik li xch'ool.
11Kim, at inrahom,
yo'o sa' k'aleb'aal;
tqanumsi li q'oqyink rub'el xche'el li asaprán.
12Toj eq'la tooxik sa'eb' li awimq uub'
ut tqil chaq ma yo chi atz'umak li xtoonal li uub',
ma ak x'ok chi tuxmek,
ma yookeb' chi atz'umak li granaad.
Aran tinq'axtesi wib' ut tatinra!
13Sununk li xb'ook eb' li winqil q'een;
chire li qochoch wank k'iila paay chi sahil ki'q'een:
eb' li ru li toje' xinxok jo'wi' eb' li ak chaqi,
ut xink'uula cho'q aawe, at inrahom!
Currently Selected:
Knt 7: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.