Ap 1
1
Xtiklajik li hu
1A'an a'in li kik'utb'esiik chiru li Jesukriist#1,1 Apokalipsis sa' aatinob'aal griego naraj naxye: li k'aru kik'utb'esiik. Sa' li hu a'in li Yos naxk'ut li xyaalalil li tz'aptz'ookil na'leb' chirix li roso'jikeb' li kutan, sa' xk'ab'a' li xk'anjel li Jesus jo' ajwi' sa' xk'ab'a' li xk'anjel li apóstol Jwan. xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos; 2ut a'in naxye naq tz'aqal yaal chixjunil li xyehom li Yos ut li kixk'utb'esi li Jesukriist: a'an a'in chixjunil li k'aru kiril.
3Us xaq re li taa'iloq re xsa' li hu a'in. Us xaq reheb' li te'ab'inq re li raatin propeet a'in ut te'xk'e xch'ool chirix li tz'iib'anb'il arin, xb'aan naq li xq'ehil nach' chik wank.
Xk'eeb'al sahil ch'oolej
4Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal 5ut sa' xk'ab'a' li Jesukriist, laj ch'olob'anel xyaalal, li paab'ajel,#1,5-7 Sal 89,28.38; Ex 19,6; Is 55,4; Dn 7,13; Zak 12,10.14. li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el. 6A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!
7K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.
8“Laa'in li Alfa ut li Omega”,#1,8 Li Alfa ut li Omega a'aneb' li xb'een leetr ut li roso'jik sa' aatinob'aal griego. Li Jesus a'an li xtiklajik ut li roso'jik chixjunil (cf. Ap 21,6; 22,13). chan li Qaawa', li Nimajwal Yos li wank, li ak wan chaq ut li chaalel.
Li rilom laj Jwan sa' moy u
9Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus. 10Sa' xkutankil li Qaawa',#1,10 Cf. Mt 28,1; Hch 20,7. kinreechani li Musiq'ej ut kiwab'i chiwix jun kawil xyaab' kuxej, kama' xyaab' li tronpeet, yo chi xyeeb'al we: 11“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.
12Toja' naq kinsutq'isi wib' re rilb'al k'a' chi kuxil yo chi aatinak wik'in ut, naq kinsutq'isi wib', kiwil wuqub' chi xna'aj kanteel yiib'anb'ileb' rik'in oor, 13ut sa' xyiheb' li xna'aj kanteel kiwil kama' jun li K'ajolb'ej,#1,13 Li K'ajolb'ej a'an li Jesus, li Kriist, laj raqol aatin sa' xb'eeneb' chixjunil (cf. Dn 10,5-6.9). tiqto rik'in jut-aq', b'ak'b'o li re xch'ool rik'in k'aamalsa' oor. 14Li xjolom ut eb' li rismal jwal saqeb' kama' li saqinoq', jo' li ratz'am ke; li xsa' ru kama' li raq'xam, 15eb' li roq kama'eb' li chaab'il q'anch'iich' chaab'ilob'resinb'il sa' xam, ut li xyaab' xkux jo' xyaab' li k'iila ha'.#1,15 Ez 43,2. 16Sa' li xnim uq' wankeb' wuqub' chi chahim ut sa' re na'elk chaq jun li jutz' ch'iich' ka'pak'al xq'esnal, ut li xnaq' ru kama' li saq'e naq nalemtz'unk chi k'ajo' xtiqwal.
17Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l, 18laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq. 19Tz'iib'a li k'aru xawil: li yo chi k'ulmank ut li taak'ulmanq moqon. 20A'an a'in xyaalalil li tz'aptz'ookil na'leb' chirix li wuqub' chi xna'aj kanteel oor: li wuqub' chi chahim a'aneb' li x'ánjel li wuqub' chi Iklees, ut li wuqub' chi xna'aj kanteel a'aneb' li wuqub' chi Iklees.
Currently Selected:
Ap 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.