Sal 111
111
SAALM 111 (110)
Jwal loq' li xb'aanuhom li Qaawa'
1Aleluya!
Tinnima ru li Qaawa' chi anchal linch'ool,
sa' xyanqeb' li tiikeb' ru xyu'am ut sa' li loq'laj ch'utam.
2Makach'in xnimal li xb'aanuhom li Qaawa';
jo'k'ihaleb' li neke'rahok re, junelik wank sa' xch'ooleb'.
3K'ajo' xloq'al ut xchaab'ilal li naxb'aanu linYos;
li xtiikilal xch'ool wank chi junelik!
4Kixb'aanu sachb'ach'oolej li tento xjultikankil.
Li Qaawa' a'an aj uxtaan ut natoq'ob'ank u.
5Kixk'e xtzekemq eb' li neke'paab'ank re,
ut junelik wank sa' xch'ool li xloq'laj Sumwank.
6Kixk'ut xwankileb' li xb'aanuhom chiru li xtenamit,
ut kixk'e chi reechaniheb' li xna'ajeb' li maak'a'eb' xpaab'aal.
7Chixjunil li naxb'aanu, a'an chaab'il ut tz'aqal yaal;
paab'ajel chixjunileb' li xchaq'rab':
8xaqxookeb' sa' xna'aj chi junelik,
ut tento xpaab'ankil sa' xyaalal ut tiikilal.
9Kixk'am chaq li kolb'a ib' cho'q re li xtenamit
ut kixk'ojob' li xSumwank chi junajwa:
q'axal sant ut xiwajel li Qaawa'!
10Li xtiklajik li choxahil na'leb' a'an roxloq'inkil li Qaawa';#111,10 Job 28,28; Pr 1,7; 9,10; Eklo 1,14.
q'axal wankeb' xna'leb' li neke'k'anjelank re a'an.
Li Qaawa' a'an xk'ulub' naq taanimaaq ru chi junelik.
Currently Selected:
Sal 111: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
