Ef 5
5
1Chek'am eere rik'in li Yos jo'qex li ralal xk'ajol raarookex xb'aan, 2ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.
3Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel. 4Jo'kan ajwi' li tz'ajb'eetalil na'leb', li seeraq' maak'a' na'ok wi' ut li xiikil ch'uch'ib'k: eb' a k'a'aq re ru a'in moko us ta. Li tento xb'aanunkil, a'an li yoxink. 5Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos. 6Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin. 7Mex'okenk rik'ineb', 8xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk. 9Xb'aan naq li naruuchin li saqenk a'an chixjunil li chaab'ilal, tiikilal ut li yaal.
10K'ehomaq reetal k'aru nawulak chiru li Qaawa', 11ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al. 12Xutaanal ajwi' xyeeb'al li b'arwan neke'xb'aanu eb' a'an chi muqmu. 13Ab'anan chixjunil a'an, naq nach'olob'aak xyaalal, na'elk chi kutankil, 14xb'aan naq chixjunil li k'utk'u, sa' kutan saqenk chik wank. Jo'kan naq nayeemank:
“Ajsi aawu laa'at li yookat chi wark,
waklin sa' xyanqeb' li kamenaq
ut sa' aab'een taakutano'q li Kriist”.#5,14 Eb' li aatin a'in neke'chalk chaq sa' jun najter himno re li Iklees. Cf. Fil 2,6-11; 1 Ti 3,16; 6,15-16; 2 Ti 2,11-13.
15Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'. 16Meekoleb' li kutan a'in xb'aan naq moko useb' ta li yookohatq chi rilb'al. 17Jo'kan naq mexwank chi maak'a' eena'leb', chetawaq b'an ru li naraj li Qaawa'.
18Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej. 19Naq wanqex chi ch'utch'u, yehomaq saalm, himno ut loq'laj b'ich; chexb'ichanq ut chexwajb'aq chiru li Qaawa' chi anchal eech'ool. 20Sa' xk'ab'a' li Qaawa' Jesukriist chexyoxinq junelik chiru li Yos Yuwa'b'ej rik'in chixjunil.
Chepaab'aq eerib' cherib'il eerib' sa' leejunkab'al
(Kol 3,18—4,1)
21Chepaab'aq eerib' cherib'il eerib' sa' xk'ab'a' roxloq'inkil li Kriist. 22Eb' li ixq che'xpaab' li xb'eelom jo' naq neke'xpaab' li Qaawa', 23xb'aan naq li b'eelomej a'an xjolomil li ixaqilb'ej jo' li Kriist a'an xjolomil li Iklees, ut tz'aqal aj kolol re li xtz'ejwal. 24Jo' naq li Iklees naxpaab' li Kriist, jo'kanaqeb' ajwi' eb' li ixq: che'xpaab' li xb'eelom rik'in chixjunil.
25Ex b'eelomej, chera leerixaqil jo' naq li Kriist kixra li Iklees ut kixq'axtesi rib' sa' xk'ab'a' a'an 26re xsantob'resinkil: kixch'ajob'resi rik'in li ha' ut li raatin, 27re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.
28Jo'kan ajwi' eb' li winq tento te'xra li rixaqil, kama' naq neke'xra li xtz'ejwaleb'. Ani naxra li rixaqil naxra ajwi' rib'. 29Maajun wa junaq xik' kiril li xtz'ejwal, naxch'oolani b'an ut naxra, jo' ajwi' naxb'aanu li Kriist re li Iklees. 30Xb'aan naq xcha'alo li xtz'ejwal.
31Jo' naxye li Santil Hu: “Li winq tixkanab' xna' xyuwa', tixlaq'ab' rib' rik'in li rixaqil, ut junajaqeb' aj chik chi tz'ejwalej te'kanaaq chi xkab'ichaleb'”.#5,31 Gn 2,24. 32K'ajo' xchamal li na'leb' a'in: yookin chi xyeeb'al chirix li Kriist ut li Iklees. 33Jo'kan utan li junjunq sa' eeyanq chixra li rixaqil jo' naq naxra rib'; ut li ixaqilb'ej chiroxloq'i li xb'eelom.
Currently Selected:
Ef 5: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Ef 5
5
1Chek'am eere rik'in li Yos jo'qex li ralal xk'ajol raarookex xb'aan, 2ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.
3Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel. 4Jo'kan ajwi' li tz'ajb'eetalil na'leb', li seeraq' maak'a' na'ok wi' ut li xiikil ch'uch'ib'k: eb' a k'a'aq re ru a'in moko us ta. Li tento xb'aanunkil, a'an li yoxink. 5Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos. 6Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin. 7Mex'okenk rik'ineb', 8xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk. 9Xb'aan naq li naruuchin li saqenk a'an chixjunil li chaab'ilal, tiikilal ut li yaal.
10K'ehomaq reetal k'aru nawulak chiru li Qaawa', 11ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al. 12Xutaanal ajwi' xyeeb'al li b'arwan neke'xb'aanu eb' a'an chi muqmu. 13Ab'anan chixjunil a'an, naq nach'olob'aak xyaalal, na'elk chi kutankil, 14xb'aan naq chixjunil li k'utk'u, sa' kutan saqenk chik wank. Jo'kan naq nayeemank:
“Ajsi aawu laa'at li yookat chi wark,
waklin sa' xyanqeb' li kamenaq
ut sa' aab'een taakutano'q li Kriist”.#5,14 Eb' li aatin a'in neke'chalk chaq sa' jun najter himno re li Iklees. Cf. Fil 2,6-11; 1 Ti 3,16; 6,15-16; 2 Ti 2,11-13.
15Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'. 16Meekoleb' li kutan a'in xb'aan naq moko useb' ta li yookohatq chi rilb'al. 17Jo'kan naq mexwank chi maak'a' eena'leb', chetawaq b'an ru li naraj li Qaawa'.
18Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej. 19Naq wanqex chi ch'utch'u, yehomaq saalm, himno ut loq'laj b'ich; chexb'ichanq ut chexwajb'aq chiru li Qaawa' chi anchal eech'ool. 20Sa' xk'ab'a' li Qaawa' Jesukriist chexyoxinq junelik chiru li Yos Yuwa'b'ej rik'in chixjunil.
Chepaab'aq eerib' cherib'il eerib' sa' leejunkab'al
(Kol 3,18—4,1)
21Chepaab'aq eerib' cherib'il eerib' sa' xk'ab'a' roxloq'inkil li Kriist. 22Eb' li ixq che'xpaab' li xb'eelom jo' naq neke'xpaab' li Qaawa', 23xb'aan naq li b'eelomej a'an xjolomil li ixaqilb'ej jo' li Kriist a'an xjolomil li Iklees, ut tz'aqal aj kolol re li xtz'ejwal. 24Jo' naq li Iklees naxpaab' li Kriist, jo'kanaqeb' ajwi' eb' li ixq: che'xpaab' li xb'eelom rik'in chixjunil.
25Ex b'eelomej, chera leerixaqil jo' naq li Kriist kixra li Iklees ut kixq'axtesi rib' sa' xk'ab'a' a'an 26re xsantob'resinkil: kixch'ajob'resi rik'in li ha' ut li raatin, 27re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.
28Jo'kan ajwi' eb' li winq tento te'xra li rixaqil, kama' naq neke'xra li xtz'ejwaleb'. Ani naxra li rixaqil naxra ajwi' rib'. 29Maajun wa junaq xik' kiril li xtz'ejwal, naxch'oolani b'an ut naxra, jo' ajwi' naxb'aanu li Kriist re li Iklees. 30Xb'aan naq xcha'alo li xtz'ejwal.
31Jo' naxye li Santil Hu: “Li winq tixkanab' xna' xyuwa', tixlaq'ab' rib' rik'in li rixaqil, ut junajaqeb' aj chik chi tz'ejwalej te'kanaaq chi xkab'ichaleb'”.#5,31 Gn 2,24. 32K'ajo' xchamal li na'leb' a'in: yookin chi xyeeb'al chirix li Kriist ut li Iklees. 33Jo'kan utan li junjunq sa' eeyanq chixra li rixaqil jo' naq naxra rib'; ut li ixaqilb'ej chiroxloq'i li xb'eelom.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.