Ef 4
4
Chexwanq sa' junajil
1Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere, 2q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok, 3cheyalaq eeq'e chi xk'uulankil li junajil li nachalk rik'in li Musiq'ej, sa' xk'ab'a' li tuqtuukilal li najit'ok eere. 4Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'. 5Jun ajwi' chi Qaawa', jun chi paab'aal, jun chi kub'iha', 6jun chi Yos ut jun qaYuwa' chiqajunilo, li wank sa' xb'een chixjunileb', sa' xyanq chixjunileb' ut rik'in chixjunileb'.
7Chiqajunjunqal k'eeb'il qe li rusilal li Yos jo' chanru kixsi qe li Kriist. 8Jo'kan naq naxye li Santil Hu:
“Naq kitaqe'k sa' choxa,
kixk'ameb' chirix li wankeb' sa' tz'alam
ut kixk'e xmaataneb' li poyanam”.#4,8 Sal 68,19.
9K'aru xyaalal naq “kitaqe'k”? Naraj naxye naq xb'enwa kikub'eek taq'a, sa' ruuchich'och'. 10Li kikub'e chaq, a'an ajwi' li kitaqe'k sa' xb'een chixjunil sa' choxa re xnujob'resinkil chixjunil. 11Ut A'an wan ajwi' kixxaqab'eb'#4,11 Cf. Ro 12,6-8; 1 Ko 12,4-11.28. cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel. 12Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist, 13toj reetal taaqeechani li junajil chiqajunilo; junajaq li qapaab'aal ut junajaq ru li xnawb'al ru li Ralal li Yos, toj reetal naq laa'aqo li Winq tz'aqal re ru,#4,13 A'an li Kriist rochb'een li xTz'ejwal. tz'aqalaq qe qu jo' naq tz'aqal re ru li Kriist.
14Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob', 15tqak'anjela b'an li yaal rik'in li rahok, ut chi jo'kan took'iiq sa' chixjunil toj reetal toowulaq rik'in li jolomej, a'an li Kriist.
16A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.
Li ak' yu'am sa' xk'ab'a' li Kriist
17A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb', 18q'oqyink ru li xk'a'uxeb' ut ab'leb' sa' li xyu'am li Yos, xb'aan naq maak'a' neke'xnaw ut kaweb' li xjolom. 19Eb' a'an maak'a' chik neke'reek'a sa' li raanmeb', xe'xq'axtesi b'an rib' chi wank sa' li jo'maajo'il na'leb', k'ajo' naq neke'xyal xq'e chi xb'aanunkil chixjunil li k'a'aq re ru chi maa'usilal.
20Ab'anan maawa' a'in li Kriist li xetzol laa'ex, 21wi relik chi yaal naq eerab'ihom aatinak chirix ut wi A'an li tzolb'ilex wi' chaq, jo' chanru li yaal wank rik'in li Jesus. 22Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'. 23Ak'ob'resinb'ilaq taxaq leek'a'uxl xb'aan li Musiq'ej 24ut tiqtooqex rik'in li Ak' Winq yoob'tesinb'il jo' xjalam u li Yos, sa' li tiikilal ut santilal li nachalk sa' xk'ab'a' li yaal.
25Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in,#4,25 Zak 8,16. xb'aan naq qacha'al qib' chiqib'il qib'. 26Wi texjosq'oq, k'ehomaq reetal naq mexmaakob'k;#4,26 Sal 4,5. mixulq'i li saq'e chi toj yooq leejosq'il, 27chi moko chek'e xna'aj laj tza eerik'in.
28Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.
29Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.
30Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.
31Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal. 32Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.
Currently Selected:
Ef 4: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Ef 4
4
Chexwanq sa' junajil
1Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere, 2q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok, 3cheyalaq eeq'e chi xk'uulankil li junajil li nachalk rik'in li Musiq'ej, sa' xk'ab'a' li tuqtuukilal li najit'ok eere. 4Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'. 5Jun ajwi' chi Qaawa', jun chi paab'aal, jun chi kub'iha', 6jun chi Yos ut jun qaYuwa' chiqajunilo, li wank sa' xb'een chixjunileb', sa' xyanq chixjunileb' ut rik'in chixjunileb'.
7Chiqajunjunqal k'eeb'il qe li rusilal li Yos jo' chanru kixsi qe li Kriist. 8Jo'kan naq naxye li Santil Hu:
“Naq kitaqe'k sa' choxa,
kixk'ameb' chirix li wankeb' sa' tz'alam
ut kixk'e xmaataneb' li poyanam”.#4,8 Sal 68,19.
9K'aru xyaalal naq “kitaqe'k”? Naraj naxye naq xb'enwa kikub'eek taq'a, sa' ruuchich'och'. 10Li kikub'e chaq, a'an ajwi' li kitaqe'k sa' xb'een chixjunil sa' choxa re xnujob'resinkil chixjunil. 11Ut A'an wan ajwi' kixxaqab'eb'#4,11 Cf. Ro 12,6-8; 1 Ko 12,4-11.28. cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel. 12Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist, 13toj reetal taaqeechani li junajil chiqajunilo; junajaq li qapaab'aal ut junajaq ru li xnawb'al ru li Ralal li Yos, toj reetal naq laa'aqo li Winq tz'aqal re ru,#4,13 A'an li Kriist rochb'een li xTz'ejwal. tz'aqalaq qe qu jo' naq tz'aqal re ru li Kriist.
14Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob', 15tqak'anjela b'an li yaal rik'in li rahok, ut chi jo'kan took'iiq sa' chixjunil toj reetal toowulaq rik'in li jolomej, a'an li Kriist.
16A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.
Li ak' yu'am sa' xk'ab'a' li Kriist
17A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb', 18q'oqyink ru li xk'a'uxeb' ut ab'leb' sa' li xyu'am li Yos, xb'aan naq maak'a' neke'xnaw ut kaweb' li xjolom. 19Eb' a'an maak'a' chik neke'reek'a sa' li raanmeb', xe'xq'axtesi b'an rib' chi wank sa' li jo'maajo'il na'leb', k'ajo' naq neke'xyal xq'e chi xb'aanunkil chixjunil li k'a'aq re ru chi maa'usilal.
20Ab'anan maawa' a'in li Kriist li xetzol laa'ex, 21wi relik chi yaal naq eerab'ihom aatinak chirix ut wi A'an li tzolb'ilex wi' chaq, jo' chanru li yaal wank rik'in li Jesus. 22Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'. 23Ak'ob'resinb'ilaq taxaq leek'a'uxl xb'aan li Musiq'ej 24ut tiqtooqex rik'in li Ak' Winq yoob'tesinb'il jo' xjalam u li Yos, sa' li tiikilal ut santilal li nachalk sa' xk'ab'a' li yaal.
25Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in,#4,25 Zak 8,16. xb'aan naq qacha'al qib' chiqib'il qib'. 26Wi texjosq'oq, k'ehomaq reetal naq mexmaakob'k;#4,26 Sal 4,5. mixulq'i li saq'e chi toj yooq leejosq'il, 27chi moko chek'e xna'aj laj tza eerik'in.
28Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.
29Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.
30Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.
31Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal. 32Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.