Ek 11
11
1Chatsihinq chi anchal aach'ool,
ut sa' junaq kutan taak'ul reeqaj.
2Chawotz li k'aru wank aawe
rik'in wuqub' malaj waqxaqib' laawamiiw,
xb'aan naq ink'a' nakanaw
jo'q'e taachalq rahilal sa' xb'een li tenamit.
3Wi q'eqmoyink ru li choql,
nachalk li hab' sa' xb'een li ch'och'.
Naq nat'ane'k junaq che',
juntaq'eet wi nat'ane'k sa' xjayal releb'l iq' malaj junpak'al:
li na'ajej taat'ane'q wi', aran tkanaaq.
4Li ani yo xk'a'uxl chirix li iq', ink'a' taa'awq,
ut li naka'yank choql, ink'a' taaq'oloq.
5Laa'at ink'a' nakanaw b'ar naxik li iq',#11,5 Jn 3,8. chi moko chanru nak'ub'laak li k'uula'al rik'in li xna'.#11,5 Sal 139,13-16. Jo'kan ajwi' ink'a' nakanaw k'aru naxb'aanu li Yos, laj Winqob'resihom re choxach'och'.
6Aw laawiyaj eq'la, ut aw wi' chik ewu, xb'aan naq ink'a' nakanaw b'arwan li taa'elq chi us, ma li xawaw xb'enwa malaj li moqon, malaj us taa'elq xkab'ichal.
7K'ajo' xsahil rilb'al li kutan saqenk. 8Ab'anan us ta najtaq roq li qayu'am ut sahaq qach'ool chiruheb' li chihab' a'in, tento xjultikankil naq taachalq li aak'ab' sa' qab'een, ut naab'alaqeb' li aak'ab'il kutan. Ut chixjunil li chalk re sa' qab'een, maak'a' rajb'al.
Cho'q reheb' li toj saajeb'
9Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom. 10Najtob'resihomaq eerib' rik'in li ookel k'a'uxl ut isihomaq li rahilal sa' leech'ool, xb'aan naq eb' li sahil kutan sa' leesaajilal te'raqe'q sa' junpaat chi maak'a' rajb'al.
Currently Selected:
Ek 11: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.