Kol 4

1Ex aj eechal k'anjel, cheb'aanu li b'arwan tiik ut uxk naraj rik'ineb' laj k'anjel cheru: chiwanq sa' eech'ool naq laa'ex ajwi' wank aj Eechal eere sa' choxa.

Xk'eeb'al xna'leb'eb' laj paab'anel

2Chek'e eech'ool chi tijok chi junelik, ut chexyo'leq rik'in yoxink. 3Chextijoq ajwi' chiqix laa'o re naq li Yos chixte taxaq rokeb'aal li Aatin chiqu, re xpuktesinkil resil li xmuqmuukil na'leb' li Kriist. Sa' xk'ab'a' a'an wankin sa' tz'alam; 4ab'anan chextijoq re naq tinruhanq xk'eeb'al chi nawe'k jo' tento sa' inb'een xb'aanunkil.

5Chiwanq eena'leb' sa' xyanqeb' li maawa'eb' kristiyan, ut meekoleb' li kutan a'in. 6Junelik chex'aatinaq sa' usilal, chiwanq xyaalal leeraatin re naq teenaw xsumenkil chixjunileb' jo' chanru xk'ulub'.

Xchaq'rab'inkileb' laj Kolosas

7Laj Tíkiko,#4,7 Chirix laj Tíkiko: cf. Hch 20,4; Ef 6,21-22; 2 Ti 4,12; Tit 3,12. li wiitz'in raaro inb'aan, chaab'il aj k'anjel ut wech moosil chiru li Qaawa', tixk'e chenaw chixjunil li yookin chi xb'aanunkil. 8A'an tz'aqal aj e naq tintaqla eerik'in: re naq teerab'i wesil ut tixk'ojob' eech'ool. 9Rochb'eenaq ajwi' laj Onésimo#4,9 Chirix laj Onésimo: cf. Flm 10-12. leekomon naq taaxik, a'an qachaab'il ut raarookil iitz'in. A'aneb' te'xk'e chenaw chixjunil li xk'ulmank arin.

10Neke'xtaqla xsahil eech'ool laj Aristarko,#4,10 Chirix laj Aristarko: cf. Hch 19,29. Chirix laj Markos: cf. Hch 12,12; 2 Ti 4,11. li wochb'een naq k'eeb'ilo sa' tz'alam, jo'wi' laj Markos, ralal re laj Bernabé. Ak eek'ulum eetaqlankil chirix laj Markos; wi taawulaq eerik'in, chek'ul sa' xyaalal. 11Naxtaqla ajwi' xsahil eech'ool laj Jesus, laj Justo neke'xye re. Ka'ajeb' wi' a'in sa' xyanqeb' laj Judiiy neke'okenk wochb'eeneb' chirix li xnimajwal awab'ejihom li Yos, ut xe'xk'e xk'ojob'ankil inch'ool. 12Naxtaqla xsahil eech'ool laj Epafras,#4,12 Chirix laj Epafras: cf. Kol 1,7. a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos. 13Laa'in ninch'olob' ajwi' li yaal chirix naq q'axal nekexk'oxla, jo' ajwi' naxk'oxlaheb' laj Laodicea ut eb' laj Hierápolis. 14Naxtaqla xsahil eech'ool laj Lukas, laj b'anonel raaro inb'aan, jo'wi' laj Demas.#4,14 Chirix laj Lukas: cf. 2 Ti 4,11; Flm 24. Chirix laj Demas: cf. 2 Ti 4,10; Flm 24.

15Chek'e xsahilaleb' xch'ool laj paab'anel aj Laodicea; chek'e ajwi' xsahil xch'ool laj Ninfas ut li Iklees li nach'utlaak sa' rochoch. 16Akaq x'ilmank xsa' li hu a'in sa' eeyanq, chek'e ajwi' chi ile'k sa' li x'Iklees eb' laj Laodicea. Ut li hu xintaqla rik'ineb' laj Laodicea#4,16 Wan neke'yehok naq li hu a'in tz'iib'anb'il reheb' laj Laodicea a'an li hu Efesios nayeemank re. ilomaq ajwi' xsa' laa'ex. 17Cheye re laj Arkipo:#4,17 Chirix laj Arkipo: cf. Flm 2. “Chak'e sa' aach'ool li k'anjel kik'ehe'k aawe sa' xk'ab'a' li Qaawa', ut chayal aaq'e chi xb'aanunkil chi us”.

18Laa'in laj Pablo nintz'iib'a li xsahil eech'ool a'in rik'in wuq'.#4,18 Cf. 1 Ko 16,21; Gal 6,11; 2 Ts 3,17; Flm 19. Chijultiko'q eere naq b'ak'b'ookin chi kareen. Li Usilal chiwanq taxaq eerik'in.

Currently Selected:

Kol 4: QQC

Highlight

Copy

Compare