1 Ti 3

Laj ilol re xtenamit li Yos

1Tz'aqal yaal li aatin a'in: wi wank junaq na'alaak sa' xch'ool wank cho'q aj ilol re xtenamit li Yos, chaab'il k'anjel li yo chi xrahinkil ru. 2Laj ilol re xtenamit li Yos tento naq maak'a'aq xq'usb'al, jun sut ajwi' sumsuuq, tuqtuuq xna'leb', chaab'ilaq xch'ool, tijb'ilaq, aj k'eholaq ochochnaal, seeb'aq xch'ool chi k'utuk, 3maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq. 4Tento naq tixnaw xjolominkil chi us li xjunkab'al, paab'ajelaq ut oxloq'inb'ilaq xb'aaneb' li ralal xk'ajol, 5xb'aan naq wi junaq ink'a' naxnaw xjolominkil li rochoch, chan put ru naq taaruhanq rilb'al li x'Iklees li Yos?

6Tento naq laj ilol re xtenamit li Yos ink'a' toj akaq rokik chi paab'ank: mare anchal tixnimob'resi rib' ut taat'ane'q sa' li tojb'amaak kit'ane'k wi' laj tza. 7Tento ajwi' naq chaab'il resil taayehe'q chirix xb'aaneb' li ink'a' neke'paab'ank, re naq ink'a' chit'ane'q sa' xutaan ut sa' xra'al laj tza.

Eb' li diákono

8Jo'kanaqeb' ajwi' li diákono, tento naq tiikaqeb' xch'ool, maawa'aqeb' aj ka'pak'al u, aj rahol ru b'iin chi moko aj sik'ol b'ihomal sa' b'alaq', 9k'uulanb'ilaq b'an sa' raanmeb' li qaloq'laj paab'aal li k'utb'esinb'il chiqu,#3,9 Cf. 3,16; Ef 1,9s; Kol 1,26s; Ro 16,25. ut saqaq ru xch'ooleb'. 10Xb'enwa tento xtz'ilb'aleb' rix, ut chirix chik a'an, wi maak'a' xch'a'ajkilaleb', te'ok chi k'anjelak cho'q diákono. 11Jo'kanaqeb' ajwi' li ixq, tento naq tiikaqeb' xch'ool, maawa'aqeb' aj yoob'anel aatin, tuqtuuq b'an xna'leb'eb' ut tiikaqeb' xch'ool rik'in chixjunil.

12Eb' li diákono tento naq jun sut ajwi' sumsuuqeb', jo'wi' che'xnaw xjolominkil chi chaab'il eb' li ralal xk'ajol ut li rochoch. 13Xb'aan naq eb' li neke'k'anjelak chi us cho'q diákono te'xtaw xnimal xloq'aleb' jo'wi' xkawub' xch'ooleb' re aatinak chirix xpaab'ankil li Kristo Jesus.

Li Iklees ut li qaloq'laj paab'aal k'utb'esinb'il chiqu

14Nintz'iib'a aawe chixjunil a'in, rik'in royb'eninkil naq chi seeb' tinxik aawik'in. 15Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal. 16Relik chi yaal naq q'axal nim li qaloq'laj paab'aal li k'utb'esinb'il chiqu:

A'an#3,16 A'an li Kristo Jesus. kixk'utb'esi rib' sa' li qach'och'el qasululel,

kixaqab'aak xwankil sa' li Musiq'ej,

ki'ile'k xb'aaneb' li ánjel,

kipuktesiik resil reheb' li tenamit,

kipaab'aak sa' li ruuchich'och'

ut kik'ame'k taqe'q sa' xnimal xloq'al.#3,16 Chixjunileb' li aatin a'in neke'chalk chaq sa' jun li himno nab'ichamank chaq najter sa' xtiklajik li Santiklees. Cf. 6,15-16; Fil 2,6-11; 2 Ti 2,11-13.

Currently Selected:

1 Ti 3: QQC

Highlight

Copy

Compare