Juan 10
10
Tson'ataswo lhäy'e leläy
1Wet Jesús äp yok:
–Matche, matche tä ofwel amhohen, Häp elh tä nitiyäjache lepe häp tson'atas lehi, mat taw'ulhpe lhip wet iho lech'oye, häpe t'at etantsaj wet äp wit'äyhtsaj. 2Mat elh tä tiyäjche lepe wet iho lech'oye tson'atas lehi, häpe t'at tson'atas lewo. 3Wet häp lepewo ifwoyenlä, wet tson'ataswo t'äneje elh tefwajpejni leläy häp lhey tä häpe, wet lhamel iläte lechos, wet yikchufwi tä tälho lehi. 4Wet tä leläy nilhokphä, nech'e ichunlä wet lhamel ihän t'at len'äyij tsi nitäfwelche lechos. 5Mat ihänhit'a hin'o che lhamel nitäfwelayej, mat nowaye wet yikch'oye tsi nitäfwenhichet'a lechos.
6Jesús itech'aynej täjtso m'ak tä ifwenho wichi, mat lhamel ihanhiyejt'a m'ak tä häpe. 7Häp tä tamenej tä Jesús yachajo tä tahuyej wichi wet yok:
–Matche, matche tä ofwel amhohen, Olham ohäpe t'at lepe tä tson'atas tiyäjche. 8Nilhokej lhamel tä ichun n'ohlä häpehen etantses wet äp wit'äyhtses, mat tson'atas tach'ahuhiyet'a. 9Olham ohäpe lepe, wet elh che tiyäjche lepena tä ohäpe tafwayhla. Hätehlat iwoye tson'ataj tä tiyäjo lehi wet inuphä, wet hiw'en hup tä lhäk. 10Häp hin'o tä etantsaj, che näm häpe t'at t'etanyaj, lhäy'e tä ilän, wet äp itäyhat. Mat olham tä onäm häpkhilek lhamel ikatej lew'atshancheyaj, wet lhäy'e lhip lew'atshancheyaj che ikatej.
Jesús häpe tson'ataswo tä matche
11“Olham ohäpe tson'ataswo tä matche. Häp tson'ataswo tä matche iwompe lew'atshancheyaj häp leläy. 12Mat häp hin'o tä n'ochumyenek, che hiw'enlä t'owalhaj tä fwitsaj, inu alhoho tä yikch'oye tson'atas wet iwom, wet nech'e t'owalhaj inuho tson'atas wet itsatkatpe honhat. Tsi hin'otso lhamhit'ak lewo, lhäy'e tä lewukhit'a, 13tajlhama tä n'ochumyenek t'at wet yenhit'a lhakliya tson'atas.
14-15“Olham ohäpe tson'ataswo tä matche.#Isa 40.11; Ezeq 34; Luc 15.4-5; Heb 13.20 Mälhyej iwoye tä Ojcha nitäfwel n'oyej wet olham ontäfwelej lham,#Mat 11.27 häte olham ontäfwelej oläy tson'atas wet lhamel nitäfwel n'oyej. Wet olham owompe ow'atshancheyaj lhamel. 16Häte iche oläy iyhäj tä kalehiya oläyhina, wet ochäjla alhoho lhamel. Lhamel tach'ahuhiyela ochos, häpkhilek weihalhahchä olhoksek wet weihalha lewo tä t'uye.#Ef 2.11-22
17“Ojcha ihuminn'o häp tä on'äyhiyejt'a ow'atshancheyaj, häpkhilek oyachajo tä otchumlä. 18Nehit katsik iso n'oyej ow'atshancheyaj, mat olham t'at tä owom. On'ohyaj in'oyej yämthilek owom wet äp otchumlahlä, tsi häp täjtso tä Ojcha ne'tek owoye.”
19Tä Judío lhayis iläte lhämtestso, yachajo tä nem y'ajejwek lhamel letichunhayaj. 20Wet wujpe iyhäj tä yopejkwe:
–¿Chipte tä letach'ahuyaye? ¡Ahät tä ihi, wet ch'isuk!
21Mat iyhäj yopejkwe:
–Elh tä ahät länek tek mälhyejentso lhämtes, wet ahät ihanhiyejt'ak hiw'enyenche honhat asnam.
Judío lhayis tachumhit'ahlä Jesús
22Tä häpe p'ante lewhäy tä fwiy'etil, Judío lhayis iwo lakäjyaja tä nichäte n'okäjyaj tä lhey Dedicación, tä lhamel yen tichunhayaja ifwala p'ante Dios Lew'et tä ihi Jerusalén yachajo tä T'amajchet. 23Wet Jesús ihi t'at Dios Lew'et, wet ilunche lhip tä lhey Pórtico de Salomón. 24Wet Judío lhayis lhaihutej wet tay'ätshane tä yok:
–¿Atsihila lewhäy che alekalelhät n'ohohen? Che ahäpe N'ofwayhthi tä Dios Chenek, lhek afwel n'ohohen.
25Jesús nichulho lhamel wet yok:
–Pajche ofwel amhohen, mat lekachuyay. Häp m'ayhay tä oyenlhi häp tä isej tä Ojcha lhämet n'oyej, hin'älit t'at elh tä ohäpe. 26Mat amel lekachuyay tsi ahäpkhihent'a oläy tson'atas. 27Tson'atas tä olham oläy tach'ahuye ochos, wet ontäfwelej lhamel wet ihänlhin'o. 28Wet ow'enhomche lew'atshancheyaj tä t'un, wet tatäyhit'ala, wet äp nehit katsik isohla n'oyej. 29Häp Ojcha tä hiw'en n'oho lhamel, inu'pe nilhokej m'ayhay, wet nehit katsik ihanhiyeja iwoyneje che isoyej. 30Olham lhäy'e Ojcha oweihalhahchä.
31Tä Judío lhayis iläte lhämettso, yachajo tä tachuma tuntey tä t'uhläk ithatej. 32Mat lham yok:
–Wujpe m'ayhay tä isen tä oyenlhi tä amel lew'enay, häp tä oisej Ojcha lakhajyhayaj. Wet ¿atsi m'ak tä tamenej tä let'uhläk lethat n'oyej tuntey?
33Judío lhayis nichulho wet yok:
–Häpkhit'a m'ak at che häpe tä is tä lewoye tä omenyen amej tä ot'uhläk othat amej tuntey. Mat ämtes tä lesitäynej Dios, häp tä tamen amej.#Lev 24.16 Tsi ahin'o t'at, mat alhen häpeya Dios.
34Wet Jesús äp yok:
–Iche Dios lhämet tä ihi Lehi tä yok, “Amel ahäpehen dios lhayis.”#Sal 82.6 35Tä mälhyejtso, y'aw'en tä Dios yen lheya dios lhayis häp lhamel tä lham ifwenho lhämet. Wet y'ahanej tä nilhokej m'ak tä Dios lhämet yäme, nehit katsik yok, “Mathichet'a.” 36Wet häp tä mälhyejtso, tä Dios yen t'amajchetan'o wet ichenn'o honhatena, ¿chipte tä amel lefwetajay ositäyen Dios tä oyok, “Ohäpe Dios Lhäs”? 37Lhek yahinya, che n'am nenlhi m'ak tä Ojcha yenlhi, yej t'ekhache olhämtes. 38Mat oyok, che oyenlhi, tej che kat'ekhayache m'ak tä oyäme, mat ekhayaye m'ayhay tä oyenlhi, häpkhilek lehanayej tä matche tä Ojcha in'oyej wet olham oiyej Ojcha, hätet iwoye che otefwaj'atni.
39Tä wichi iläte tä iwoyetso, yachajo tä t'uhläk itsoklhi. Mat lham yik 40wet yäple tewok tä Jordán lhip tä tumej hichä, häp lhip tä Juan pajche ihi tä ibautisaynhen wichi.#Juan 1.28 Wet Jesús ihi t'at lhiptso 41wet wujpe wichi tä ihoye, wet lhamel yopejkwe:
–Tej tä Juan nenalhi n'otetnek che häpe, mat nilhokej lhämtes tä yämeje häp hin'ona, n'äl tä matche t'at.
42Wet wujpe wichi tä ihi lhiptso ichaye Jesús.
Currently Selected:
Juan 10: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.