Oseas 3
3
Oseas inachaj lhame Gomer
1Lhawuk yachajo tä tahuy n'oyej wet yok:
–Humin t'at atsinha tä yen humneka elh wet iwoyeje lakain'oyaj. Häp tä otettso tä ohumin Israel lhayis, tej tä yen humneka tähespa kalewuhuya wet yenhoplhipej t'ewayhtes tä uvas tä tamchäyhen.
2Tä oläte Lhawuk lhämettso, wet ochäj naji atsinha tä lahanaj quince chinaj t'ähes wet äp ciento cincuenta kilos yachuyaj lhoy tä cebada. 3Wet ofwenho naji tä oyok:
–Pajla'tham tä lhe n'oyej. Yej wo akain'oyaja, te äp n'am w'enhit amho elh at che häpe. Te olham olhay'amkat amej.
4Tsi häp tä Israel lhayis pajla'tham tä lajit laka niyata wok elh che itetshan lhamel. Che nichäte ifwalastso, nemla iwo t'ewayhata dios che häpe, wet nemla iwo len'okhayajayej lecheyä che häpe, wet nemla iche tunte wok m'ak at che häpek w'et t'ekhaye. 5Che tajyäme täjtso, Israel lhayis yachajihola tä t'ukwe Lewuk Dios, wet t'uhlahläk yen niyata häp rey David leles tä lepes lheley elh. Che paj wet lhamel t'upiyejahchä Lewuk Dios wet isiyeja nilhokej m'ak tä tälhe.
Currently Selected:
Oseas 3: WCHB
Highlight
Copy
Compare
Share
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
