Oseas 14
14
Oseas lhaip'altsene Israel lhayis che tapile Lhawuk
1Israel lhayis, tapilayej Awuk Dios,
amel tä hach'isukyajay tamen amejen
tä awit'äyhyaj ihi.
2Tapilayeje Lhawuk häp alhyaj, oyaykwe:
“Täyhat n'oyejen nilhokej m'ak tä ni'isachehen.
Chumlä olhämtes häpkhilek oyachaj ame on'okhayajay.
3Asiria nifwayhata olhamel,
wet ot'ekhahiyet'a yel'atas tä n'oka'tshayajchal.
Nemla oyen häpeya oka dios lhayis
häp m'ayhay tä olhamel olhenek.
Tsi ats'ilak t'at tä oalewuk
wet lep'altsenhen wichi tä laj lech'otyaja.”
Lhawuk ifwenho lakäpfwayajay tä isen häp Israel
4Lhawuk yok:
“Ochesthiyeja lefwitseyaj,
otihiyeja ohumnhayaj,
tej tä kalhamelak letichunhayaj,
tsi otiyej kanhihlä owäkw.
5Olhayenla iyasa'pe Israel,
wet lhamel tehlat iwoye hal'ä w'atshan tä tawoy,
wet lefwettsil t'unhihichela,
tehlat iwoye Líbano katayhi.
6Lhachal lhaich'enhihila,
lesilatyaj tehlat iwoye olivos
wet lenij tehlat iwoye pänhichetek tä ihi Líbano.
7Israel yachajihola tä õt'uyehen.
Tehlat iwoye yachuyaj tä lhaichiyhelit,
tawoyhila tehlat iwoye uva lhiley,
wet letoyaj ihihila,
tehlat iwoye hat'es tä tälhe Líbano.
8Lhamel nemla lhay'aje n'ocheyälis.
Olham t'at tä otetshan oka wichi wet ot'uyehen.
Olham otet iwoye hal'ä tä w'atshan,
wet oka wichi itälhthila n'oye lakäpfwayaj.”
Oseas lhämet tä lepes
9Is che wichi tä ihan honhatejen
lhäy'e iyhäj tä lehusey ihi
ihanej osilätyajna:
Lhawuk len'äyij häp tä is alhoho,
wet häp tä wichi tä isen inukwe t'at,
mat wichi tä ni'isahen tanhäphänwethä.
Currently Selected:
Oseas 14: WCHB
Highlight
Copy
Compare
Share
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
