Heb 1
1
Dios tahuy n'amejen häp tä n'aisej Lhäs
1Häp fwalas tä pajche, Dios tahuyejpej lhachätilis lhimphajpej lhimphajpej häp tä isej profetas, wet w'enhache lhamej m'ak tä iwoyepej tä tahuyej lhachätilis. 2Mat athana, fwalas tä ilepesena, tahuy n'amejen häp tä n'aisej Lhäs, häp lham tä Dios yenejlhi pule lhäy'e honhat lhäy'e nilhokej m'ak tä iche, wet äp yen häpeya elh tä Lewukla m'ayhayna. 3Lham häpe Dios lesilatyaj hutunek wet äp lepeyak, wet itsokyenej lhämet tä takhajay nilhokej m'ayhay.#Juan 1.1-3; Col 1.15-17 Tä wak'alh lechumet tä ilej n'amejen lhasukyajay, tatayhiphä lefwomkat häp Dios tä N'owujtaj tä ikaphä.
Dios Lhäs inu'pe ángeles
4Dios inuhatpe ángeles häp Lhäs, häp tä hiw'enho Lhey tä lewujyaj inu'pe lhamel lheyes. 5Tsi Dios tek tahuyej elh ángel chik häpe wet yok:
“Ahäpe Olhäs.
Tälhe fwalana Ajchan'o.”#Sal 2.7
Wet yämhiyet'a ángel elh chik häpe wet yok:
“Ohäpkhila Lajcha,
wet lham häpkhila Olhäs.”#2~Sam 7.14
6Wet tä äp iche honhatena häp Lhäs tä Lechunkatsek, wet häp tä yok:
“Nilhokej amel tä ahäpe oka ángeles,
n'okwiyayej häp lham.”#Deut 32.43; Sal 97.7
7Häpet ángeles, Dios yok:
“Otech'aynej yafwthi lhayis häp oka ángeles,
wet häp okawos otech'aynej itäj lhayis.”#Sal 104.4
8Mat tä yäme p'ante Lhäs, wet yok:
“Dios, Aniyatyaj t'un yämlek tiyäj'attsiy,
wet häp m'ak tä lhamya tä ische alhoho,
häp tä Aniyatyaj lakeyes.
9Lehumin m'ak tä is,
wet len'äyiho m'ak tä ni'isa.
Häp tä tamenej tä olham
tä ohäpe aka Dios ottshupi ame,
wet otsäy atape akäjyaj tä inu'pe aniyatfwas.”#Sal 45.6-7
10Wet ifwenho tä äp yok:
“Am, Iwuk, lhäm t'unhi honhat,
tälhe tä nech'enyaya,
wet am t'at tä enek pule.
11Tähesna nemla ichehen,
mat am tek attäy, lheche t'at.
Nilhokej nofwila,
hätehlat iwoye n'ow'uy tä noj.
12Lekäfwnhichela, hätet iwoye
n'ow'uy tä õ'käfwelche.
Lewohla elha, hätehlat iwoye
hin'o tä iwo elha lew'uy.
Mat am, elh tä ahäpe ahäpe t'at,
nofwit'ala haw'atshancheyaj.”#Sal 102.25-27
13Dios tek tahuyej elh ángel chik häpe wet yok:
“Tayhiphä olhip tä ofwomkat
wet otihlachufwi apach'ol häp atayhfwas.”#Sal 110.1
14Tä mälhyejtso, ¿atsi m'ak tä häpe ángeles, wet atsi m'ak tä lechumet? Oyok, häpehen espíritu lhayis tä Dios lakawos, wet ichen yämlek tach'ote wichi tä lewuhuyla n'ofwayhyaj.
Currently Selected:
Heb 1: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.