Ezeq 15
15
Jerusalén õ'tech'aynej uva lhile tä niwohit m'ak chik tälhe
1Lhawuk tahuy n'oyej wet yok:
2–Hin'o, ¿hä uva lhile letes inu'pe iyhäj hal'äy? 3Tä häpe uva lhile letes, niwoya m'ak chik isej, nits'ilakhiyat chik iwoyek õ'fwuhthilhi n'okhäy. 4Niwohit m'ak chik isej, tajlhamat chik õyen itäj hukwa. Wet chik õ'lhän, imälhewek tä y'o wet imälhehit lefwiyho, ¿wet chiwoye chik õ'fwetaj iche m'ak tä isej? 5Wet tä imälhewek, niwohit m'ak chik isej chik õyenejlhi, wet tä y'o, nem koyhyaj tä hich'atej tä niwohit m'ak chik isej chik õ'fwetaj õyenejlhi.
6“Wet häp tä tamenej tä olham tä ohäpe Awuk Dios oyok, Häp tä tetso chik õ'thatho itäj häp uva lhile letes wet itäj y'oyejo, häp tä tehlattso häp wichi tä ihi Jerusalén chik othathohla häp itäj. 7Ottayhlahlä lhamel, wet tej tä lhamel tafwayej itäj, mat itäj elhlak hip'o. Chik ottayhlahlä lhamel, wet nech'e amel lehanhiyeja tä ohäpe Awuk Dios. 8Oyenla ts'anisa laka honhat, häp tä lhamel ile n'oyej. Olham tä ohäpe Awuk Dios olhämet täja.”
Currently Selected:
Ezeq 15: WCHB
Highlight
Copy
Compare
Share
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
