Salmos 46
46
Nocon Ifo no fu ica
1Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.
2-3Ascacu noncai shinanchacatama ratuima. Ahuara chaca ifiaino mai curushcain nayanaiyaicaino machifo tsucuinifoantan unuhuan muran pacu yamarai unuhuanri fuchomanhuain fasi achacoin icaino machifori nayanaiyaifiainocai non ratuima Diosimain noco fu icun. Nanfohuunoa shinancahuun.
4Ascan unu yamainocai non nitiroma. Ascan nan ununfin non isharatiroquin. Nanscarifiai Jerusalén pushu rasi ano Diosin icano ahuun yorafori nannoashu unimacointirofo. Diosinhuunoashu isharatirofo. Nantofin nantifi finoncoianquin.
5Diosin Jerusalén icanoshocai tsoan ato ahuusca huatiroma. Ahuara chaca finononma shafaino Diosin ato cushui.
6Asca mani futsafo mucaifoanno mani futsafori cuyoshquicani. Diosin curushcain ato yoiaino maifoti anoafo tsoacai pusiquima.
7Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi. Nanfohuunoa shinancahuun.
8Diosin acai cuscan oinyopon. Nantofin mai chacana huatiroquin afanan ahuarafo ano inonfoma.
9Maifoti rutunainfoan Diosin ato unumatiro afanan rutunanonfoma. Nantofin aton piacatifo tucufain ashifori ato tucumishtipacushquiquin. Taramutifori cooi futsushquin afanan ahuun rutunanonfoma.
10Ascano nocon Ifo Diosin yoiquin isca huai, —¡Puusiyamacahuun! Unfin Diosiquin ua tapicahuun. Nantifi manifotiton uhuunoa yoishquicani unmain Diosicoincunfin. Unfin nantifi finoncoianquin, —ishon Diosin yoini.
11Ascacun afanan shinancahuun. Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi.
Currently Selected:
Salmos 46: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
