Deuteronomio 3
3
21Unfin Moisés un Josué yoini isca huaquin, “Na niaifo rafu nocon Ifo Diosin ato nama cusca man min oian. Min mai futsa sharacoin ano nocon Ifo Diosin manifoti ano ato nanscari huaashquin. 22Ascacun atoqui ratuyamahuun. Nocon Ifo Diosin nanfo mia ato cuyoshoshquin,” ishon un Josué yoini.
Nocon Ifo Diosicai Moisés Canaán mai ano iquimanima
23Nantian un fasi nocon Ifo Diosi cufini isca huaquin, 24“Uhuun Ifon, min nantifi iquina. Unfin min oinmatiquin. Min ahuamamishti huatiro cusca huafain min nantifi finoncoian mian tau huaquin ismani. Nai muran iyamarai mai anocai diosi futsa yamai. Min atiro cuscacai tsoa futsan huatiroma. Min curushhuunshon min ahuamamishti atiro cusca tsoa futsa huatiroma. 25Uhuun Ifon, ua nichipun urifi na mai shara unu Jordán ocuma futsa ari nan machi sharafo yafi Líbano mai shara un oinon,” ishon un nocon Ifo Dios cufini.
26Un nannori cufiainton nocon Ifo Diosin matohuunoashu uqui sinani ua nicacasmani. Ascashon ua yoini isca huaquin, “Nanscanon. Afanan nanfohuunoa ua yoiyamahuu. 27Machi Pisga mamaqui mapuhuun. Nannoshon fari iquiaiquiri oinfain nan fari oai istafariri oinfain fari cai istafariri oinfain fari oaiquiri ointahuun. Nan mai shara un min caifo Israelifo inannon. Min oinfiaquicai min unu Jordán pocutiroma. 28Min Josué yoitiro afin mia cuscaran maton caifoan aton niaifo inon. Maton caifofo na mai shara ano Josué ato iyoshquin. Ascatan unu Jordán pocufainshquin. Josué tsain shara yoihuun ahuun nomuran unimamahuu. Ascashon yoihuun un mi fu imisi cusca un a fu iishqui uhuunshon ahuun yorafo na mai shara ano ato iyosharashquin. Na mai min oiain Josué min yorafo nan Israelifo inanshquinran,” ishon nocon Ifo Diosin ua yoia.
29Ascano pushu rasi Bet-peor chaimashta nan machifo nushmancayan non nituyoni.
Currently Selected:
Deuteronomio 3: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
