Loo gə́ killa rea kəm Ja̰’g 13
13
Dakɔb unda loo teḛ dan baa-boo-kad’g
1Tɔɓəi ma m’oo da gə́ gajeeje dɔg ləm, dəaje siri ləm tɔ lé ḭ dan baa-boo-kad’g. Dɔgugu kára-kára dɔg to dɔ gajeeje’g neelé ləm, deḛ ndaŋg ri ndɔl dəaje’g kára-kára siri ləm tɔ#LkD 7.3, LkJ 17.3, 7.12. 2Da gə́ ma m’ée lé to tana gə kàg. Gɔlee to tana gə gɔl da-urs nɛ təa to asəna gə ta toboḭ. Dakɔb lé ar kàg siŋgamoŋ ləa-yeḛ ləm, aree kalimbai ləa-yeḛ ləma, aree si gə́ dəw dɔ dee ləm tɔ#LkD 7.4-6. 3Ma m’oo dəa gə́ kára lé iŋga doo-yoo keneŋ nɛ doo-yoo lé ər kəmsə. Dəwje lai gə́ dɔ naŋg nee d’ɔm goo da’g lé gə kəm dee gə́ bə̰dərə bə̰. 4Deḛ d’wa dakɔb lé meḛ dee’g mbata yeḛ ar da lé siŋgamoŋ, tɔɓəi d’wa da lé meḛ dee’g pana: See na̰ ɓa as gə da lé wa. See dəw gə́ ra ɓa askəm rɔ səa wa.
5D’ula ta beelé gə ta ndɔlje təa’g ləm, d’un ndu dee d’aree mba karee ra ne né as naḭ rɔ-sɔ-giree-joo ləm tɔ#LkD 7.8,25, 11.36. 6Tea teḛ gə ta ndɔlje ɔm dɔ Ala’g ləm, gə dɔ ri Ala’g ləm, gə dɔ kəi’g ləa ləma, gə dɔ deḛ gə́ d’isi dara lé ləm tɔ. 7D’aree siŋga mba rɔ gə deḛ gə́ to gə kəmee mba dum dee ne tɔ. D’aree siŋga mba sí gə́ dəw dɔ gelɓee-gelɓee ləm, gə dɔ ginkoji dəwje gə raŋg ləm, gə dɔ deḛ gə́ tapa dee to gə ria-ria ləma, gə dɔ ginka dəwje-dəwje ləm tɔ#LkD 7.21. 8Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud#Pak 69.29.
9Ɓó lé nana ɓa gə́ mbia to gən ndá maji karee oo ne ta nee lé ya 10Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee#Jer 15.2, 43.11.
Da gə́ unda loo teḛ dɔ naŋg nee lé
11Tɔɓəi ma m’oo da gə́ raŋg gə́ ḭ dɔ naŋg neelé, gajeeje joo to tana gə ka̰ ŋgon badə bèe ləm, tapea to asəna gə tapa dakɔb bèe ləm tɔ. 12Yeḛ to dəw dɔ dəwje asəna gə da gə́ kédé loo gə́ da gə́ kédé lé si keneŋ ləm, yeḛ ar naŋg nee gə dəwje lai gə́ d’isi keneŋ lé d’wa da gə́ kédé gə́ doo-yoo ər rəa’g kəmsə lé meḛ dee’g ləm tɔ. 13Yeḛ ra boo-nékɔbje saar ar pər ḭ dara ree sur-sur dɔ naŋg nee kəm dəwje’g. 14Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ. 15Yeḛ iŋga siŋga gə mba kar néndaji da neelé tel si kəmba mba kar néndaji da neelé pata ləm, yeḛ ra né mba kar deḛ lai gə́ d’wa néndaji da neelé meḛ dee’g el lé d’a tɔl dee ləm tɔ. 16Tɔɓəi yeḛ un ndia mba kar dəwje lai, njé gə́ gɔ-gɔ gə njé gə́ boo-boo ləm, baoje gə njéndooje ləma, ŋgankojije gə ɓərje ləm tɔ lé d’inja ndaji jikɔl dee’g əsé ŋgo no̰ dee’g. 17Nana ɓa gə́ si gə ri da neelé əsé nétura néndaji ria lé el ndá a koo loo mba ndogo né gə dəwje el.
18Yee neelé ɓa gə́ kəmkàr. Nana ɓa gə́ si gə gosonégər ndá maji karee tura nétura gə́ wɔji dɔ da lé. Mbata to nétura lə dəw ya ndá nétura ləa lé to tɔl-misa̰-dəa-rɔ-misa̰-giree-misa̰ ya.
Currently Selected:
Loo gə́ killa rea kəm Ja̰’g 13: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
