Pakɔsje 23
23
Kankəm njekul sí
1Pakɔs lə Dabid.
Njesigənea̰ lé to njekulbadje gə́ ulm-ma ya,
Né kára kara a naa̰m el.
2Yeḛ am m’wa rɔm dan mu gə́ təb gə́ idi lururu’g ləm,
Yeḛ ɔr nɔm teḛ səm ta duu-mán’g ləm tɔ#LkJ 7.17.
3Yeḛ ar siŋga ŋgaw məəm ḭ dɔ maree’g ləm,
Yeḛ onm rəwje gə́ ka̰ néra gə́ gə dɔ najee’g ləm tɔ
Gə mba kar nea̰ oso ne.
4Loo gə́ m’njaa mee wəl-yoo gə́ ndul’g lé ndá
M’a ɓəl némajel kára kara keneŋ el
Mbata i nja nai səm,
Ɗuguru-kag gə kag-ɗugu gə́ to jii’g lé
Ar məəm oso ne naŋg po̰.
5I wa dɔ gɔl nésɔ unda nɔm’g
Kəm njéba̰je’g ləm,
I wa dɔm gə ubu ləm,
Ŋgo-kai-ma̰ ləm lé
Man rusu tub ləm tɔ.
6Tɔgərɔ ya, rɔlel gə meemaji d’a korè səm rəw na̰’d més
Mee ndɔje lai gə́ m’isi ne kəmba
Ndá m’a si kəi’g lə Njesigənea̰ saar rudu ndɔje’g ləm.
Currently Selected:
Pakɔsje 23: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
