Pakɔsje 13
13
See mee Ala a kwəi dɔ neḛ’g saar ndɔ gə́ ra wa
1Pa lə Dabid gə́ ar bao-pa mba karee ɔs sə dee lé.
2Njesigənea̰, see saar ndɔ gə́ ra ɓa i a kar məəi wəi dɔm’g wa.
See i a ko̰ kəmi səm saar ndɔ ka̰da wa.
3See məəm a pélé wəs-wəs saar ndɔ gə́ ra wa.
See m’a si gə məəm gə́ ndul saar ndɔ ka̰da wa.
See njeba̰ ləm a kḭ koma̰ səm saar ndɔ gə́ ra wa.
4Njesigənea̰, Ala ləm,
Maji kari aa loo oo ndá tel ilam keneŋ ya.
Ar kəm to jəgəgə
Mba kam m’toɓi gə́ wɔji dɔ yoo lé el ləm,
5Mba kar njeba̰ ləm ḭ pana:
Neḛ n’dum dɔm mba̰ bèe el ləma,
Mba kar njékoma̰ səmje lé d’al rɔ dee
Loo gə́ m’unda ndolè lé el ləm tɔ.
6Ma lé m’ɔm məəm dɔ meemaji’g ləi,
Boo-rɔlel kara taa məəm pəl-pəl
Mbata kaji ləi gə́ i ajim ne lé ya tɔ.
M’ɔs pa m’ar Njesigənea̰
Mbata yeḛ ra səm maji.
Currently Selected:
Pakɔsje 13: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
