Njé gə́ Pilibə 3
3
Kankəm rəw-kaji lé
1Ŋgakɔmje, ges taje gə́ nai ɓa nee: Ndaje meḛ sí kaḭ dɔ Mbaidɔmbaije’g. Ta néje neelé gə́ ma m’tel m’ndaŋg m’ar sí lé m’ar məəm ila kas dɔ’g el mbata ta neelé a kunda sí rəw gə́ maji’g. 2Aaje rɔ sí dɔ bisije’g ləm, aaje rɔ sí dɔ njékulaje gə́ majel’g ləma, aaje rɔ sí dɔ njékḭja tamɔd deeje gə́ ŋgɔm lé ləm tɔ. 3Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el. 4Nɛ ma lé m’a kaskəm kɔm məəm dɔ dakasrɔm’g ya. Ɓó lé dəw gə́ raŋg oo loo mba kɔm mée dɔ dakasrea’g ndá ma kara m’oo loo mba kɔm məəm dɔ dakasrɔm’g unda kea̰-yeḛ ɓəi. 5Ma lé m’ra ndɔ jinaijoo ɓa d’inja tamɔdəm ɓəi ləm, ma m’to Israɛl gə́ kojikəi ləm, ma m’to ginkoji Bḛjami ləm, m’to ŋgonkoji Ǝbrəje ləma, ta gə́ wɔji dɔ godndu lé m’to ne Parisiḛ ya ləm tɔ . 6Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el . 7Nɛ néje nee lai gə́ ma m’wa dee gə́ nékiŋgamje lé ɓasinè ma m’oo dee gə́ néje gə́ tuji mbata lə Kristi. 8Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm, 9gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g. 10Tɔgərɔ ma m’ndiŋga rɔm gə mba gər ndəaa ləm, gə mba gər siŋgamoŋ gə́ yeḛ teḛ ne dɔkumbwa’g ləma, gə mba gər kula rɔ ndòo ləa lé m’ɔm səa na̰’d keneŋ sad ləma, m’ɔm səa na̰’d sad loo kwəi’g ləa ləm tɔ 11bèe ɓa məəm to yel mba kunda loo teḛ səa dan njé gə́ d’wəi’g ɓəi tɔ.
12Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰. 13Ŋgakɔmje, ma lé m’oo rɔm to gə́ m’teḛ lée’g el ɓəi: né kára ba gə́ m’isi m’ra lé m’wa məəm mbidi m’ti dɔ né gə́ m’ya̰ goom’g gogo, 14nɛ ma mbudu ŋgwɔd m’aḭ m’wɔji dɔ né gə́ to nɔm’g kédé mba taa nékiŋga gə́ Ala lé wɔji mba kar deḛ gə́ d’isi gin Jeju Kristi’g tel ne rɔ dee par gə́ dara lé.
15Jeḛ lai gə́ n’tɔg j’as lé mba̰ lé maji kar sí j’ə̰ji ta meḛ sí’g togə́bè tɔ, ɓó lé takə̰ji gə́ raŋg wa meḛ sí ndá Ala a kar kəm sí inja dɔ’g ɓəi. 16Nɛ ooje maji, lé gə́ jeḛ n’teḛje keneŋ mba̰ ndá ar sí j’ɔmje na̰’d yəg kəm sí gə́ kédé ya.
17Ŋgakɔmje, ndajije kəm-ma ya oreeje kəm sí ndəŋ dɔ deḛ gə́ njaa gə goo rəw gə́ jeḛ n’tɔji sí . 18Mbata ma m’ula sí gɔl bula, nɛ m’a kula sí gɔl kára gə mán-no̰ kəm’g ɓəi tɔ, njé gə́ na̰je d’aw gə́ njéba̰je lə kag-dəs lə Kristi. 19Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ. 20Nɛ jeḛ lé jeḛ n’to gə́ kojikəi gə́ dara, yee nja ɓa Mbaikaji lə sí Mbaidɔmbaije Jeju Kristi gə́ jeḛ ŋginá lé a kḭ keneŋ ree lé. 21Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.
Currently Selected:
Njé gə́ Pilibə 3: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Njé gə́ Pilibə 3
3
Kankəm rəw-kaji lé
1Ŋgakɔmje, ges taje gə́ nai ɓa nee: Ndaje meḛ sí kaḭ dɔ Mbaidɔmbaije’g. Ta néje neelé gə́ ma m’tel m’ndaŋg m’ar sí lé m’ar məəm ila kas dɔ’g el mbata ta neelé a kunda sí rəw gə́ maji’g. 2Aaje rɔ sí dɔ bisije’g ləm, aaje rɔ sí dɔ njékulaje gə́ majel’g ləma, aaje rɔ sí dɔ njékḭja tamɔd deeje gə́ ŋgɔm lé ləm tɔ. 3Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el. 4Nɛ ma lé m’a kaskəm kɔm məəm dɔ dakasrɔm’g ya. Ɓó lé dəw gə́ raŋg oo loo mba kɔm mée dɔ dakasrea’g ndá ma kara m’oo loo mba kɔm məəm dɔ dakasrɔm’g unda kea̰-yeḛ ɓəi. 5Ma lé m’ra ndɔ jinaijoo ɓa d’inja tamɔdəm ɓəi ləm, ma m’to Israɛl gə́ kojikəi ləm, ma m’to ginkoji Bḛjami ləm, m’to ŋgonkoji Ǝbrəje ləma, ta gə́ wɔji dɔ godndu lé m’to ne Parisiḛ ya ləm tɔ . 6Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el . 7Nɛ néje nee lai gə́ ma m’wa dee gə́ nékiŋgamje lé ɓasinè ma m’oo dee gə́ néje gə́ tuji mbata lə Kristi. 8Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm, 9gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g. 10Tɔgərɔ ma m’ndiŋga rɔm gə mba gər ndəaa ləm, gə mba gər siŋgamoŋ gə́ yeḛ teḛ ne dɔkumbwa’g ləma, gə mba gər kula rɔ ndòo ləa lé m’ɔm səa na̰’d keneŋ sad ləma, m’ɔm səa na̰’d sad loo kwəi’g ləa ləm tɔ 11bèe ɓa məəm to yel mba kunda loo teḛ səa dan njé gə́ d’wəi’g ɓəi tɔ.
12Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰. 13Ŋgakɔmje, ma lé m’oo rɔm to gə́ m’teḛ lée’g el ɓəi: né kára ba gə́ m’isi m’ra lé m’wa məəm mbidi m’ti dɔ né gə́ m’ya̰ goom’g gogo, 14nɛ ma mbudu ŋgwɔd m’aḭ m’wɔji dɔ né gə́ to nɔm’g kédé mba taa nékiŋga gə́ Ala lé wɔji mba kar deḛ gə́ d’isi gin Jeju Kristi’g tel ne rɔ dee par gə́ dara lé.
15Jeḛ lai gə́ n’tɔg j’as lé mba̰ lé maji kar sí j’ə̰ji ta meḛ sí’g togə́bè tɔ, ɓó lé takə̰ji gə́ raŋg wa meḛ sí ndá Ala a kar kəm sí inja dɔ’g ɓəi. 16Nɛ ooje maji, lé gə́ jeḛ n’teḛje keneŋ mba̰ ndá ar sí j’ɔmje na̰’d yəg kəm sí gə́ kédé ya.
17Ŋgakɔmje, ndajije kəm-ma ya oreeje kəm sí ndəŋ dɔ deḛ gə́ njaa gə goo rəw gə́ jeḛ n’tɔji sí . 18Mbata ma m’ula sí gɔl bula, nɛ m’a kula sí gɔl kára gə mán-no̰ kəm’g ɓəi tɔ, njé gə́ na̰je d’aw gə́ njéba̰je lə kag-dəs lə Kristi. 19Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ. 20Nɛ jeḛ lé jeḛ n’to gə́ kojikəi gə́ dara, yee nja ɓa Mbaikaji lə sí Mbaidɔmbaije Jeju Kristi gə́ jeḛ ŋginá lé a kḭ keneŋ ree lé. 21Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.