Njé gə́ Pilibə 2
2
Ala nja un Kristi lad unda ne daŋdɔ
1Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí 2ndá maji kar sí oreeje na̰ més rəw-kaw sí’g ləm, undaje na̰ dan kəm na̰’d ləm, ɔmje meḛ sí na̰’d téréré ləma, arje takə̰ji lə sí to gə goo kára ba ləm tɔ, gə mba kar rɔlel ləm ɔr ne dɔ jnja. 3Raje né kára kara mbata ba̰ ta gə́ wa meḛ sí el ləm, əsé gə mba kunda ne rɔ sí kəm dəwje’g el ləm tɔ nɛ maji kar sí osoje kul tədje ne kag na̰. 4Maji kar nana kara mbuna sí’g ə̰ji dɔ néje’g ləa goo kára ba el nɛ maji karee ə̰ji dɔ ka̰ mareeje’g tɔ. 5Maji kar takə̰ji lə sí to gə goo ka̰ Jeju Kristi ya kára ba: 6Yeḛ gə́ njekɔr rɔ Ala ya pai-pai nɛ yeḛ naji mbai gə Ala el.
7Yeḛ ɔr mbai dɔ rəa’g, ra rəa gə́ kura, tel rəa tana gə dəwje teḛ ne kəm dee’g ɔm ne sə dee na̰’d sad. Yeḛ teḛ kəm dee’g to gə́ gar deḛ gə́ dəw bèe, 8ɓa yeḛ nja ḭ gə mée ula dəa to ne ŋgonkoji saar wəi ne uru ne loo-yoo’g kaar kag-dəs’g. 9Gelee gə́ nee ɓa, Ala unee ne lad, undá ne daŋdɔ, unda ria gə́ ur dɔ rije’g lai. 10Ri Jeju lé dəwje gə́ d’isi mee dara’g ləm, gə deḛ gə́ d’isi dɔ naŋg nee ləma, gə deḛ gə́ d’isi gin naŋg’d ləm tɔ lé d’a rəm gə no̰ kəji dee naŋg nea̰’g ya . 11Ta dəw gə́ rara kara a teḛ ɓar ne ri Jeju Kristi Mbaidɔmbaije mba kula ne rɔnduba dɔ Ala Bɔ-dəwje’g lé tɔ.
Maji kar sí ndogóje dɔ naŋg nee
12Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ. 13Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ. 14Raje néje lai gə rɔkim el ləm, gə maḭje gə rɔ sí dɔ’g el ləm tɔ. 15Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma , 16ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.
17Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d. 18Seḭje kara maji kar sí raje ne rɔlel alje ne rɔ sí səm na̰’d togə́bè tɔ.
Timote gə Epaproditə
19Togə́bè ɓa, m’unda məəm yel dɔ Mbaidɔmbaije Jeju’g mba kar waga ɓa m’a koo loo kula Timote rɔ sí’g mba koo ne ta lə sí gə́ a kula diŋgam məəm’g. 20Mbata ma m’oo dəw gə́ raŋg gə́ ə̰ji dɔ sí’g koso gée’g to gə́ ma bèe lé el. 21Tɔgərɔ ya, deḛ lai d’ə̰ji dɔ né gə́ wɔji dɔ rɔ dee-deḛ ɓó d’ə̰ji dɔ né gə́ wɔji dɔ Jeju Kristi el. 22Seḭ gərje gao to gə́ Timote lé to ne majikoji ya, yeḛ orəm més loo kula gə́ wɔji dɔ Tagə́maji lé to gə́ ŋgon gə́ la gə bɔbeeje bèe. 23Yee ɓa, ma m’unda məəm yel gə mba kula Timote rɔ sí’g loo gə́ m’a koo né gə́ d’a gə ra səm. 24Ma m’ɔm məəm dɔ Mbaidɔmbaije’g mba karee ra rəw am mba kar nai lam bèe ndá ma nja kara m’a kaw rɔ sí’g gə rɔm tɔ.
25Ma m’ə̰ji məəm’g mba kula Epaproditə, ŋgokɔm gə́ njeboakula ləm, gə njeboarɔ ləm rɔ sí’g, yee ɓa m’oo gə́ né kəm ra. Yeḛ lé seḭ nja ɔreeje areeje ree rɔm’g mba karm né gə́ m’aw ndée. 26Mbata mal koo sí rəa ŋgwɔd-ŋgwɔd nɛ ta rɔko̰ ləa gə́ oso mbi sí’g lé rəa lelee ne el saar. 27Tɔgərɔ ya, rɔko̰ oso dəa’g ar ta yée nai tebdé bèe, nɛ Ala oo kəmtondoo ləa gə karee el, yeḛ oo kama ya tɔ, mba kar némeeko̰ gə́ ram lé a kɔs dɔ maree-maree el. 28Togə́bè ɓa, ma m’ḭ rad m’ulá gə tɔgəm mba kar meḛ sí lel sí loo gə́ seḭ ooje kəmee ləm, mba kar meeko̰ ləm-ma kara a kwəi ne bəl bèm ləm tɔ. 29Bèe ndá wáje gə́ rɔ sí’g gə ri Mbaidɔmbaije, ndaje ne meḛ sí kaḭ tɔ, dəwje gə́ togə́bè lé ilaje riɓar dɔ dee’g ya. 30Mbata kula lə Kristi ɓa ta yée nai ne tebdé bèe gə mbəa, yeḛ ya̰ rəa ar yoo mba nai ne gə́ darɔ sí-seḭ rɔm’g, tɔl ne ta kula lə sí gə́ seḭ ooje loo rəa el lé tɔ.
Currently Selected:
Njé gə́ Pilibə 2: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Njé gə́ Pilibə 2
2
Ala nja un Kristi lad unda ne daŋdɔ
1Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí 2ndá maji kar sí oreeje na̰ més rəw-kaw sí’g ləm, undaje na̰ dan kəm na̰’d ləm, ɔmje meḛ sí na̰’d téréré ləma, arje takə̰ji lə sí to gə goo kára ba ləm tɔ, gə mba kar rɔlel ləm ɔr ne dɔ jnja. 3Raje né kára kara mbata ba̰ ta gə́ wa meḛ sí el ləm, əsé gə mba kunda ne rɔ sí kəm dəwje’g el ləm tɔ nɛ maji kar sí osoje kul tədje ne kag na̰. 4Maji kar nana kara mbuna sí’g ə̰ji dɔ néje’g ləa goo kára ba el nɛ maji karee ə̰ji dɔ ka̰ mareeje’g tɔ. 5Maji kar takə̰ji lə sí to gə goo ka̰ Jeju Kristi ya kára ba: 6Yeḛ gə́ njekɔr rɔ Ala ya pai-pai nɛ yeḛ naji mbai gə Ala el.
7Yeḛ ɔr mbai dɔ rəa’g, ra rəa gə́ kura, tel rəa tana gə dəwje teḛ ne kəm dee’g ɔm ne sə dee na̰’d sad. Yeḛ teḛ kəm dee’g to gə́ gar deḛ gə́ dəw bèe, 8ɓa yeḛ nja ḭ gə mée ula dəa to ne ŋgonkoji saar wəi ne uru ne loo-yoo’g kaar kag-dəs’g. 9Gelee gə́ nee ɓa, Ala unee ne lad, undá ne daŋdɔ, unda ria gə́ ur dɔ rije’g lai. 10Ri Jeju lé dəwje gə́ d’isi mee dara’g ləm, gə deḛ gə́ d’isi dɔ naŋg nee ləma, gə deḛ gə́ d’isi gin naŋg’d ləm tɔ lé d’a rəm gə no̰ kəji dee naŋg nea̰’g ya . 11Ta dəw gə́ rara kara a teḛ ɓar ne ri Jeju Kristi Mbaidɔmbaije mba kula ne rɔnduba dɔ Ala Bɔ-dəwje’g lé tɔ.
Maji kar sí ndogóje dɔ naŋg nee
12Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ. 13Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ. 14Raje néje lai gə rɔkim el ləm, gə maḭje gə rɔ sí dɔ’g el ləm tɔ. 15Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma , 16ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.
17Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d. 18Seḭje kara maji kar sí raje ne rɔlel alje ne rɔ sí səm na̰’d togə́bè tɔ.
Timote gə Epaproditə
19Togə́bè ɓa, m’unda məəm yel dɔ Mbaidɔmbaije Jeju’g mba kar waga ɓa m’a koo loo kula Timote rɔ sí’g mba koo ne ta lə sí gə́ a kula diŋgam məəm’g. 20Mbata ma m’oo dəw gə́ raŋg gə́ ə̰ji dɔ sí’g koso gée’g to gə́ ma bèe lé el. 21Tɔgərɔ ya, deḛ lai d’ə̰ji dɔ né gə́ wɔji dɔ rɔ dee-deḛ ɓó d’ə̰ji dɔ né gə́ wɔji dɔ Jeju Kristi el. 22Seḭ gərje gao to gə́ Timote lé to ne majikoji ya, yeḛ orəm més loo kula gə́ wɔji dɔ Tagə́maji lé to gə́ ŋgon gə́ la gə bɔbeeje bèe. 23Yee ɓa, ma m’unda məəm yel gə mba kula Timote rɔ sí’g loo gə́ m’a koo né gə́ d’a gə ra səm. 24Ma m’ɔm məəm dɔ Mbaidɔmbaije’g mba karee ra rəw am mba kar nai lam bèe ndá ma nja kara m’a kaw rɔ sí’g gə rɔm tɔ.
25Ma m’ə̰ji məəm’g mba kula Epaproditə, ŋgokɔm gə́ njeboakula ləm, gə njeboarɔ ləm rɔ sí’g, yee ɓa m’oo gə́ né kəm ra. Yeḛ lé seḭ nja ɔreeje areeje ree rɔm’g mba karm né gə́ m’aw ndée. 26Mbata mal koo sí rəa ŋgwɔd-ŋgwɔd nɛ ta rɔko̰ ləa gə́ oso mbi sí’g lé rəa lelee ne el saar. 27Tɔgərɔ ya, rɔko̰ oso dəa’g ar ta yée nai tebdé bèe, nɛ Ala oo kəmtondoo ləa gə karee el, yeḛ oo kama ya tɔ, mba kar némeeko̰ gə́ ram lé a kɔs dɔ maree-maree el. 28Togə́bè ɓa, ma m’ḭ rad m’ulá gə tɔgəm mba kar meḛ sí lel sí loo gə́ seḭ ooje kəmee ləm, mba kar meeko̰ ləm-ma kara a kwəi ne bəl bèm ləm tɔ. 29Bèe ndá wáje gə́ rɔ sí’g gə ri Mbaidɔmbaije, ndaje ne meḛ sí kaḭ tɔ, dəwje gə́ togə́bè lé ilaje riɓar dɔ dee’g ya. 30Mbata kula lə Kristi ɓa ta yée nai ne tebdé bèe gə mbəa, yeḛ ya̰ rəa ar yoo mba nai ne gə́ darɔ sí-seḭ rɔm’g, tɔl ne ta kula lə sí gə́ seḭ ooje loo rəa el lé tɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.