Nehemi 7
7
Tura bula lə Israɛlje gə́ Jorobabel ree sə dee ɓee gə́ Juda lé
1Loo gə́ kula gɔl ndògo-bɔrɔ lé godo ləm, m’tula tabidi-rəwkɔgje lé ləm tɔ ndá d’unda njéŋgəm takəije, gə njékɔspaje gə Ləbije loo-kula’g lə dee tɔ. 2Ma m’ɔm kula kaa dɔ ɓee gə́ Jerusalem ji ŋgokɔm Hanani’g ləm, gə ji Hanania gə́ to mbai gə́ njekaa dɔ kəi-kaar-kɔgərɔ gə́ to Jerusalem ləm tɔ, yeḛ lé to dəw gə́ maji ur dɔ dəwje gə́ raŋg bula gə goo ŋgonkoji ləa ləm, gə goo ɓəl gə́ yeḛ ɓəl Ala ləm tɔ. 3Ma m’ula dee m’pana: Tarəwkɔgje gə́ Jerusalem lé d’a kɔr el saar k’ar kàr a kɔs ɓa, tɔɓəi d’a kudu tabidi-rəwkɔgje gə pəgərə kəm sí’g ya. Dəwje gə́ Jerusalem d’a kaa dɔ loo, ndá nana kara a kaar takəi’g ləa-ləa tɔ.
4Ɓee-boo lé boi yaa̰ ləm, tad rəg-rəg ləm tɔ nɛ dəwje ɓa bula lam ba tɔɓəi kəije kara d’unda el tɔ. 5Ala ləm ɔs məəm am mbo̰ dəwje gə́ boo ləm, gə njéko̰ɓeeje ləma, gə koso-dəwje ləm tɔ mba tura bula lə dee. Ndá m’teḛ dɔ maktub ginka’g lə dee-deḛ gə́ d’ḭ ɓee-ɓər’g ree kédé lé ndá m’iŋga taje gə́ ndaŋg keneŋ ɓa nee:
6Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé deḛ gə́ Nebukadnesar, mbai gə́ Babilɔn wa dee ɓər aw sə dee nɛ deḛ tel ree Jerusalem gə Juda lé nana kara aw mee ɓee’g ləa-ləa ya. 7Deḛ d’aw gə Jorobabel gə Juje gə Nehemi gə Ajaria gə Raamia gə Nahamani gə Mardose gə Bilsan, gə Misperet gə Bigbai gə Nehum gə Baana. Bula lə koso-dəwje gə́ Israɛl lé ɓa nee: 8Deḛ gə́ to gel-bɔje lə Pareos d’as tɔl-dɔg-loo joo gə dəa tɔl gə dɔ dee rɔ siri giree-joo (2.172), 9deḛ gə́ to gel-bɔje la Sepatia d’as tɔl munda gə dɔ dee rɔ siri giree-joo (372), 10deḛ gə́ to gel-bɔje lə Ara d’as tɔl misa̰ gə dɔ dee rɔ mi giree-joo (652), 11deḛ gə́ to gel-bɔje lə Pahat-Moab gə́ to ŋgaka Juje gə Joab d’as tɔl-dɔg-loo joo gə dəa tɔl jinaijoo gə dɔ dee dɔg giree-jinaijoo (2.818), 12deḛ gə́ to gel-bɔje lə Elam d’as tɔl-dɔg gə dəa tɔl joo gə dɔ dee rɔ mi giree-sɔ (1.254), 13deḛ gə́ to gel-bɔje lə Jatu d’as tɔl jinaijoo gə dɔ dee rɔ-sɔ giree-mi (845), 14deḛ gə́ to gel-bɔje lə Jakai d’as tɔl siri gə dɔ dee rɔ misa̰ (760), 15deḛ gə́ to gel-bɔje lə Binui d’as tɔl misa̰ gə dɔ dee rɔ-sɔ giree-jinaijoo (648), 16deḛ gə́ to gel-bɔje lə Bebai d’as tɔl misa̰ gə dɔ dee rɔ joo giree-jinaijoo (628), 17deḛ gə́ to gel-bɔje lə Ajgad d’as tɔl-dɔg-loo joo gə dəa tɔl munda gə dɔ dee rɔ joo giree-joo (2.322), 18deḛ gə́ to gel-bɔje lə Adonikam d’as tɔl misa̰ gə dɔ dee rɔ misa̰ giree-siri (667), 19deḛ gə́ to gel-bɔje lə Bigbai d’as tɔl-dɔg-loo joo gə dəa rɔ misa̰ giree-siri (2.067), 20deḛ gə́ to gel-bɔje lə Adḭ d’as tɔl misa̰ gə dɔ dee rɔ mi giree-mi (655), 21deḛ gə́ to gel-bɔje lə Ater gə́ to ŋgaka Ejekias d’as rɔ jinaikara giree-jinaijoo (98), 22deḛ gə́ to gel-bɔje lə Hasum d’as tɔl munda gə dɔ dee rɔ joo giree-jinaijoo (328), 23deḛ gə́ to gel-bɔje lə Besai d’as tɔl munda gə dɔ dee rɔ joo giree-sɔ (324), 24deḛ gə́ to gel-bɔje lə Harip d’as tɔl gə dɔ dee dɔg giree-joo (112), 25deḛ gə́ to gel-bɔje lə Gabao̰ d’as rɔ jinaikara giree-mi (95), 26dəwje gə́ Betlehem gə Netopia d’as tɔl gə dɔ dee rɔ jinaijoo giree-jinaijoo (188), 27dəwje gə́ Anatot d’as tɔl gə dɔ dee rɔ joo giree-jinaijoo (128), 28dəwje gə́ Bet-Ajmabet d’as rɔ-sɔ gir dee joo (42), 29dəwje gə́ Kirjat-Yearim gə Kepira, gə Beerot d’as tɔl siri gə dɔ dee rɔ-sɔ giree-munda (743), 30dəwje gə́ Rama, gə Geba d’as tɔl misa̰ gə dɔ dee rɔ joo giree-kára (621), 31dəwje gə́ Mikmas d’as tɔl gə dɔ dee rɔ joo giree-joo (122), 32dəwje gə́ Betel gə Ai d’as tɔl gə dɔ dee rɔ joo giree-munda (123), 33dəwje gə́ Nebo gə́ raŋg d’as rɔ mi gir-dee-joo (52), 34deḛ gə́ to gel-bɔje lə Elam gə́ raŋg d’as tɔl-dɔg gə dəa tɔl joo gə dɔ dee rɔ mi giree-sɔ (1.254), 35deḛ gə́ to gel-bɔje lə Harim d’as tɔl munda gə dɔ dee rɔ joo (320), 36dəwje gə́ Jeriko d’as tɔl munda gə dɔ dee rɔ-sɔ giree-mi (345), 37dəwje gə́ Lod, gə Ono d’as tɔl siri gə dɔ dee rɔ joo giree-kára (721), 38dəwje gə́ Senaa d’as tɔl-dɔg-loo munda gə dəa tɔl jinaikara gə dɔ dee rɔ munda (3.930).
39Njékinjanéməsje lé to gel-bɔje lə Jedaeja gə́ to ŋgaka Juje ndá d’as tɔl jinaikara gə dɔ dee rɔ siri giree-munda (973), 40deḛ gə́ to gel-bɔje lə Imer d’as tɔl-dɔg gə dɔ dee rɔ mi giree-joo (1.052), 41deḛ gə́ to gel-bɔje lə Pasur d’as tɔl-dɔg gə dəa tɔl joo gə dɔ dee rɔ-sɔ giree-siri (1.247), 42deḛ gə́ to gel-bɔje lə Harim d’as tɔl-dɔg gə dɔ dee dɔg giree-siri (1.017) tɔ.
43Ləbije lé to gel-bɔje lə Juje gə Kadmiel gə́ to ŋgaka Hodba ndá d’as rɔ siri gir-dee-sɔ (74).
44Njékɔspaje gə́ to gel-bɔje lə Asap lé d’as tɔl gə dɔ dee rɔ-sɔ giree-jinaijoo (148).
45Njéŋgəm takəije gə́ to gel-bɔje lə Salum gə Ater gə Talmo̰ gə Akub gə Hatita gə sobai lé d’as tɔl gə dɔ dee rɔ munda giree-jinaijoo (138).
46Njéra kula kəi-Ala’d gə́ raje lé to ŋgaka Siha gə Hasupa gə Tabaot, 47gə Keros gə Sia gə Pado̰, 48gə Lebana gə Hagaba gə Salmai, 49gə Hanan gə Gidel gə Gahar, 50gə Reaja gə Resin gə Nekoda, 51gə Gajam gə Uja gə Pasəa, 52gə Besai gə Mehunim gə Nepisim, 53gə Bakbuk gə Hakupa gə Harur, 54gə Baslut gə Mehida gə Harsa, 55gə Barkos gə Sisera gə Tama, 56gə Nesiah gə Hatipa tɔ.
57Ŋgaka kuraje lə Salomo̰ lé to ŋgaka Sotai gə Soperet gə Perida, 58gə Jala gə Darko̰ gə Gidel, 59gə Sepatia gə Hatil, gə Pokéret-Hasebayim, gə Amo̰ tɔ.
60Bula lə njéra kula kəi-Ala’d gə́ raje ləm, gə ŋgaka kuraje lə Salomo̰ ləm tɔ lé to tɔl munda gə dɔ dee rɔ-jinaikara giree-joo (392).
61Deḛ gə́ d’ḭ ɓee-ɓər’d gə́ Tel-Melah gə Tel-Harsa gə Kerub-Adon gə Imer gə́ d’askəm gər gin bauje lə dee gə ginkoji deeje gə mba gər deḛ gə́ Israɛlje gə́ gəd el lé ɓa to nee: 62deḛ gə́ to ŋgaka Delaja, gə ka̰ Tobija, gə ka̰ Nekoda lé d’as tɔl misa̰ gə dɔ dee rɔ-sɔ giree-joo (642).
63Njékinjanéməsje gə́ na̰je to togə́bè tɔ, deḛ gə́ to ŋgaka Hobaja gə Hakos, gə Barjilai, yeḛ gə́ taa ŋgolə Barjilai gə́ dené kára gə́ dené ləa lé, Barjilai lé to dəw gə́ Galaad, ndá deḛ ɓaree gə ri dee-deḛ neelé ya. 64Deḛ saŋg ri dee gə́ wɔji dɔ ginkoji dee nɛ deḛ d’iŋga el. Bèe ɓa deḛ tuba dee ne loo kula kḭjanémes’g 65ndá njeguburuɓee ula dee gə mba kar dee d’usɔ néje gə́ to gə kəmee el saar gə mba kar njekinjanéməs dəji Ala gée gə né gə́ ɓaree urim gə tumim ɓa#Tr 28.30, TtG 33.8.
66Bula lə Israɛlje lai gə́ d’ḭ ɓee-ɓər’g tel ree lé d’as dəwje tɔl-dɔg-loo rɔ-sɔ giree-joo gə dəa tɔl munda gə dɔ dee rɔ misa̰ (42.360) 67lal tura kuraje lə deḛ gə́ diŋgam gə njé gə́ dené gə́ d’as tɔl-dɔg-loo siri gə dəa tɔl munda gə dɔ dee rɔ munda giree-siri (7.337) ləm, gə njékɔspaje gə́ diŋgam gə njé gə́ dené d’as tɔl joo gə dɔ dee rɔ-sɔ giree-mi (245) ləm tɔ. Kundaje lə dee d’as tɔl siri gə dɔ dee rɔ munda giree-misa̰ (736) ləm, kundaje-mulayḛ̀jeje lə dee d’as tɔl joo gə dɔ dee rɔ-sɔ giree-mi (245) ləm, 68jambalje lə dee d’as tɔl sɔ gə dəa rɔ munda giree-mi (435) ləma, mulayḛ̀je-je lə dee d’as tɔl-dɔg-loo misa̰ gə dəa tɔl siri gə dɔ dee rɔ joo (6.720) ləm tɔ.
69Mbai dɔ njémeekəije gə́ na̰je bula d’ar nénojije mbata lə kula neelé. Njeguburuɓee ɔm ŋgan larlɔr as tɔl-dɔg (1.000) ləm, gə baije gə́ to gə kəmee as rɔ-mi ləma, gə kubuje gə́ boi yul-yul gə́ wɔji dɔ kula kḭjanémes tɔl-mi gə dəa rɔ munda (530) ləm tɔ mbata kula gə́ wɔji dɔ kəi gə́ to gə kəmee lé. 70Mbai dɔ njémeekəije d’ar ŋgan larlɔr tɔl-dɔg-loo rɔ joo (20.000) ləm, gə larnda as nékwɔji kwɔi-lə-né tɔl-dɔg gə dəa tɔl (1.100) ləma, gə kubuje gə́ boi yul-yul gə́ wɔji dɔ kula kḭjanémes as rɔ misa̰ giree-siri ləm tɔ. 71Ges dəwje gə́ nai d’ar ŋgan larlɔr as tɔl-dɔg-loo rɔ joo (20.000) ləm, gə larnda as nékwɔji kwɔi-lə-né tɔl-dɔg (1.000) ləma, gə kubuje gə́ boi yul-yul gə́ wɔji dɔ kula kḭjanémes as rɔ-misa̰-giree-siri ləm tɔ.
72Njékinjanéməsje gə Ləbije gə njéŋgəm takəije gə njékɔspaje gə dəw-mee-ɓeeje, gə njéra kula kəi-Ala’d gə́ raje gə Israɛlje lai lé tel d’aw d’isi mee ɓee-booje’g lə dee lə dee#1SgI 9.2, Neh 11.3.
Esdras tura maktub godndu kəm koso-dəwje’g
Naḭ gə́ njekɔm’g siri teḛ ndá Israɛlje d’isi mee ɓee-booje’g lə dee tɔ.
Currently Selected:
Nehemi 7: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
