Ləbije 17

MEENDA LƎ ISRAƐLJE

Loo kinja nékinjanéməsje

1Njesigənea̰ ula Moyis 2karee ula Aaro̰, gə ŋganeeje ləm gə Israɛlje lai, pana: Né gə́ Njesigənea̰ un ndia dɔ’g ɓa nee:

3Ɓó lé dəw gə́ Israɛl kára inja gwɔb maŋg əsé badə əsé bya̰ loo-si dee’g əsé gir loo-si dee gə́ raga, 4ɓa yeḛ ree ne tarəw kəi-kubu-kiŋga-na̰’g mba karee to nékar Njesigənea̰ no̰ kəi gə́ to gə kəmee’g lə Njesigənea̰ lé el ndá, ta məs a kwa dɔ debee neelé, yeḛ ila məs da lé gə goo rəbee el, ndá d’a kɔree mbuna dəwje’g ləa ya. 5Gelee gə́ nee ɓa Israɛlje d’a kinja daje gə́ məs mee looje’g lə dee el nɛ d’a ree sə dee rɔ njekinjanéməs’g no̰ Njesigənea̰’g tarəw kəi-kubu-kiŋga-na̰’g mba kar dee d’inja dee gə́ nékinjanéməsje gə́ ka̰ kɔm na̰’d gə Njesigənea̰ ya. 6Njekinjanéməs a kɔm məs daje dɔ loo-nékinjaməs’g lə Njesigənea̰ gə́ to mbɔr tarəw kəi-kubu-kiŋga-na̰’g, yeḛ a roo ubee ndá baḭyee a kə̰d lel Njesigənea̰ tɔ. 7D’a kinja nékinjanéməsje lə dee kar ndilje gə́ yèr gə́ deḛ ndaji ne bàl bya̰je gə mba to ne kaiya dəwje el ŋga. Yee ɓa a to godndu gə́ a to saar-saar gə no̰ mbata lə dee ləm, gə mbata lə ŋgaka deeje ləm tɔ.

8Bèe ɓa i a kula dee pana: Ɓó lé dəw kára mbuna ginkoji Israɛlje’g əsé mbuna dəw-dɔ-ɓeeje gə́ d’isi dan dee’g lé inja nékinjaməs gə́ ka̰ roo əsé nékinjaməs gə́ raŋg, 9ɓa yeḛ ree ne tarəw kəi-kubu-kiŋga-na̰’g gə mba kḭjá gə́ məs kar Njesigənea̰ el ndá debee neelé d’a kɔree mbuna dəwje’g ləa ya.

10Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ#Gn 9.4, Ləb 7.26-27, 19.26, TtG 12.16,23, 15.23. 11Mbata nékunda lé kəmə ləa to dan məsee’g. Yee ɓa ma m’ar sí məs neelé dɔ loo-nékinjaməs’g mba karee to nékoga dɔ kaiya lə sí, mbata məs ɓa d’uga ne dɔ sí ya#Ǝbr 9.22. 12Gelee gə́ nee ɓa m’a m’ula ne Israɛlje m’pana: Dəw kára kara mbuna sí’g a sɔ məs da el ləm, dəw-dɔ-ɓee gə́ si mbuna sí’g kara a sɔ məs da el ləm tɔ.

13Ɓó lé dəw kára mbuna Israɛlje’g əsé mbuna dəw-dɔ-ɓeeje gə́ d’isi dan dee’g kara gə́ aw ndo̰ ɓa wa da əsé yel gə́ kəm sɔ ndá yeḛ a kɔm məsee naŋg ləm, a daa naŋg dɔ’g ləm tɔ. 14Mbata kəmə lə nékunda gə́ rara kara to dan məsee’d gə́ to darəa’g. Gelee gə́ nee ɓa m’ula ne Israɛlje m’pana: Seḭ a sɔje məs nékunda kára kara el mbata kəmə lə nékunda gə́ rara kara to məsee ya, yeḛ gə́ sɔ ndá d’a kɔree mbuna dəwje’g ləa ya.

15Nana ɓa to gə́ kojiɓee əsé dəw-dɔ-ɓee gə́ a sɔ da gə́ wəi gə́ kwəi əsé da maree ɓa wá tiee mbidi-mbidi ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ, ɓa yeḛ a kàr ɓəi. 16Ɓó lé yeḛ togo kubuje ləa el ləm, ndogo mán el ləm tɔ ndá taree a kwa dəa ya.

Currently Selected:

Ləbije 17: SBA2015

Highlight

Copy