Jɔb 29
29
Rudu ta kila’g lə Jɔb
1Jɔb un gosota ləa ɓəi pana:
2Ǝi ma m’ndiŋga rɔm mba to to gə́ mee naḭje gə́ dəs,
Gə mee ndɔje gə́ kédé gə́ Ala aa ne dɔm lé
3Loo gə́ néndogó ləa ndogó dɔm’g ləm,
Lookàr ləa ɔr nɔm dan loo gə́ ndul njudu-njudu’g ləm tɔ!
4Ma m’ndiŋga rɔm mba to to gə́ mee ndɔje gə́ kédé gə́ siŋgam to ne kɔgərɔ-kɔgərɔ ləm,
Loo gə́ Ala aa ne dɔ kəi ləm kər-kər ləm,
5Loo gə́ Bao-siŋgamoŋ nai ne səm ɓəi
Ar ŋganəmje kara d’aḭ ne dɔm sub lé ya ɓəi ləm tɔ,
6Loo gə́ m’isi dan maji’g bèdèg ləm,
Ubu taa loo-kas-ubu ləm pəl-pəl ləm tɔ.
7Loo gə́ m’teḛ raga mba kaw tarəwkɔg’d lə ɓee-boo
Esé loo gə́ ma m’ar dee gɔl kag-sim ndaa-loo’g
8Ɓa basaje d’oom ndá
Deḛ saa rɔ dee loo gə́ m’aw pər gə́ rɔ dee’g ləm,
Ɓugaje kara d’ḭ d’aar tar ləm tɔ.
9Dəwje gə́ boo lé d’əw rɔ dee pata ləm,
D’ila ji dee sud-sud ta dee’g ləm tɔ.
10Kaa mbi mbaije pa doi-doi ləm,
Ndo̰ dee tia̰ kil dee’g tig-tig ləm tɔ.
11Mbi dəw gə́ oo ta ləm lé tɔr ndia dɔm’g pana: Maji kar rɔlel nai səm ləm,
Kəmee gə́ oom lé kara ɔr goo ta ləm maji ləm tɔ.
12Mbata ma m’aji njendoo gə́ no̰ wəl ɓar njela səa ləm,
Gə ŋgonal gə́ dəw gə́ njegədee godo ləm tɔ.
13Njénékəmndooje lé tɔr ndu dee dɔm’g ləm
Ma m’ar rɔlel taa meḛ njékəisiŋgaje pəl-pəl ləm tɔ.
14Néra gə́ gə dɔ najee lé ma m’ula gə́ kubu rɔm’g,
Néra gə́ danasur to gə́ kubu ləm gə́ boi yul ləm, gə kubu kə́ dɔm ləm tɔ.
15Ma m’to gə́ kəm mbata lə njekəmtɔ ləm,
Ma m’to gə́ gɔl mbata lə njemədə ləm tɔ.
16Ma m’to gə́ bɔ mbata lə njéndooje ləm,
Ma m’to gə́ njekə̰d gel ta lə dəw gə́ dee gər ta ləa el ləm tɔ.
17M’unda ka ta njera né gə́ lal najee m’təd ləm,
M’tɔr nékwaje gə́ ŋgaŋgee’g ləm tɔ.
18Yen ɓa m’pana: M’a gə kwəi mee kəi tom’g ləm,
Ndɔje ləm d’a bula to gə́ nagəra bèe ləm tɔ.
19Ŋgiramje a to dan mán’g ləm,
Barkəmje kara d’a kwa dɔ dee’g yududu loondul’g ləm tɔ.
20Rɔnduba ləm a tel ree gə́ kédé-kédé ləm,
Siŋga ɓandaŋgje ləm a ɓar mèr-mèr meḛ jim’g ləm tɔ.
21D’oo ta ləm ndá d’ur mbi dee njor,
Deḛ d’isi régégé gə mba koo takwɔji-kəmkàrje ləm,
22Goo tapamje lé dəw kára kara ila ta gə́ raŋg keneŋ el,
Bèe ɓa taje ləm ɔm dɔ dee’g lai to gə́ mán-tàl bèe,
23Deḛ ŋginam to gə́ deḛ ŋgina ne ndi bèe ləm,
Deḛ teḛ ta dee to gə́ dəw teḛ təa ai ne mán ndi dɔ naḭ bèe ləm tɔ.
24Ma m’kogo dee gə meendakaḭ loo gə́ meḛ dee ila kas,
Deḛ d’askəm kar ŋgaŋ-kogo ləm godo el.
25Ma m’aw rɔ dee’g ndá m’isi gə́ dəw dɔ dee,
M’to asəna gə mbai bèe mbuna njérɔje’g ləm,
M’to asəna gə njegɔl meḛ deḛ gə́ d’isi dan nékəmndoo’g bèe ləm tɔ.
Currently Selected:
Jɔb 29: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
