Jɔb 23
23
Ta gə́ Jɔb ila Elipaj’g
1Jɔb tel ilá keneŋ pana:
2Ɓogənè gɔl kára ya ɓəi no̰ ndòo ləm tɔ gə́ kɔs ta rəw ɓəi
Nɛ némeeko̰ lé tur dɔ tuma̰ ŋgururu-ŋgururu ləm.
3Ǝi, ɓó lé m’gər loo gə́ kəm kiŋgá keneŋ ləm,
Ɓó lé m’askəm kaw saar no̰ kalimbai’g ləa ləm tɔ ndá
4M’a kɔr kəm ta ləm nea̰’g ləm,
Taje d’a rusu tam tub-tub ya ləm,
5Ma gər ta gə́ yeḛ askəm kilam keneŋ ləma,
M’a koo ta gə́ yeḛ aw mba kulam lé ləm tɔ.
6See yeḛ a kḭ gə siŋgamoŋgee bura ya rɔ ne səm wa.
Wah! Yeḛ a kur mbia koo ne ta ləm ya.
7A to dəw gə́ njera nédanasur ɓa aw no̰ dəa’g
Ndá njegaŋ-rəwta ləm a kɔr ta dɔm’g gə no̰ ya.
8Nɛ ɓó lé m’aw bər ndá yeḛ godo keneŋ ləm
Ɓó lé m’aw dɔ-gó kara m’iŋgá el ləm tɔ.
9Lé yeḛ aw ra né dɔgel lé m’askəm kée el ləm,
Lé yeḛ iya rəa loo gə́ dɔkɔl kara m’askəm teḛ dəa’g el ləm tɔ.
10Lé bèe kara yeḛ gər rəw-kabm gao,
Loo gə́ yeḛ a naam ndá
M’a kunda loo teḛ gə rɔm gə́ àr ŋgad-ŋgad to gə́ larlɔr bèe.
11Ma m’un dɔ gɔlee lad-lad ya.
Ma m’aa dɔ rəw ləa kər-kər ɓó m’aw yo-yo nee-nee el.
12Godndiaje gə́ teḛ təa’g lé ma m’uba m’ya̰ el,
Taje gə́ teḛ təa’g lé ma m’ŋgəm məəm’g m’ra née tɔ.
13Nɛ yeḛ lé wɔji né njaŋg gə́ mba ra ndá see na̰ ɓa askəm kɔgee wa.
Né gə́ yeḛ ndigi gə mba ra ndá yeḛ ra ya.
14Bèe ɓa né gə́ yeḛ wɔji-kwɔji ra mbata ləm lé a kaw lée’g béréré ləm,
Yeḛ a kḛji néje gə́ raŋg bula mba ra ya ləm tɔ.
15Aa oo, gelee gə́ nee ɓa m’unda ne bala tigi-tigi nea̰’g,
Loo gə́ m’ə̰ji dəa’g ndá m’ɓəlee ne.
16Ala təd siŋgam rém-rém ləm,
Bao-siŋgamoŋ ɓa ɔm ɓəl dɔm’g ləm tɔ.
17Mbata to gə́ loondul ɓa am m’isi mundu el ləm,
Loo gə́ ndul njudu-njudu kara ɔn dɔm el ləm tɔ.
Currently Selected:
Jɔb 23: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jɔb 23
23
Ta gə́ Jɔb ila Elipaj’g
1Jɔb tel ilá keneŋ pana:
2Ɓogənè gɔl kára ya ɓəi no̰ ndòo ləm tɔ gə́ kɔs ta rəw ɓəi
Nɛ némeeko̰ lé tur dɔ tuma̰ ŋgururu-ŋgururu ləm.
3Ǝi, ɓó lé m’gər loo gə́ kəm kiŋgá keneŋ ləm,
Ɓó lé m’askəm kaw saar no̰ kalimbai’g ləa ləm tɔ ndá
4M’a kɔr kəm ta ləm nea̰’g ləm,
Taje d’a rusu tam tub-tub ya ləm,
5Ma gər ta gə́ yeḛ askəm kilam keneŋ ləma,
M’a koo ta gə́ yeḛ aw mba kulam lé ləm tɔ.
6See yeḛ a kḭ gə siŋgamoŋgee bura ya rɔ ne səm wa.
Wah! Yeḛ a kur mbia koo ne ta ləm ya.
7A to dəw gə́ njera nédanasur ɓa aw no̰ dəa’g
Ndá njegaŋ-rəwta ləm a kɔr ta dɔm’g gə no̰ ya.
8Nɛ ɓó lé m’aw bər ndá yeḛ godo keneŋ ləm
Ɓó lé m’aw dɔ-gó kara m’iŋgá el ləm tɔ.
9Lé yeḛ aw ra né dɔgel lé m’askəm kée el ləm,
Lé yeḛ iya rəa loo gə́ dɔkɔl kara m’askəm teḛ dəa’g el ləm tɔ.
10Lé bèe kara yeḛ gər rəw-kabm gao,
Loo gə́ yeḛ a naam ndá
M’a kunda loo teḛ gə rɔm gə́ àr ŋgad-ŋgad to gə́ larlɔr bèe.
11Ma m’un dɔ gɔlee lad-lad ya.
Ma m’aa dɔ rəw ləa kər-kər ɓó m’aw yo-yo nee-nee el.
12Godndiaje gə́ teḛ təa’g lé ma m’uba m’ya̰ el,
Taje gə́ teḛ təa’g lé ma m’ŋgəm məəm’g m’ra née tɔ.
13Nɛ yeḛ lé wɔji né njaŋg gə́ mba ra ndá see na̰ ɓa askəm kɔgee wa.
Né gə́ yeḛ ndigi gə mba ra ndá yeḛ ra ya.
14Bèe ɓa né gə́ yeḛ wɔji-kwɔji ra mbata ləm lé a kaw lée’g béréré ləm,
Yeḛ a kḛji néje gə́ raŋg bula mba ra ya ləm tɔ.
15Aa oo, gelee gə́ nee ɓa m’unda ne bala tigi-tigi nea̰’g,
Loo gə́ m’ə̰ji dəa’g ndá m’ɓəlee ne.
16Ala təd siŋgam rém-rém ləm,
Bao-siŋgamoŋ ɓa ɔm ɓəl dɔm’g ləm tɔ.
17Mbata to gə́ loondul ɓa am m’isi mundu el ləm,
Loo gə́ ndul njudu-njudu kara ɔn dɔm el ləm tɔ.
Ngambai Bible © Alliance Biblique du Tchad 1989, 2015.