Jɔb 22
22
Ta gə́ njekɔm’g gɔl munda gə́ Elipaj ula Jɔb
1Elipaj, dəw gə́ Teman un ta pa pana:
2See dəw lé askəm ra né gə́ maji kar Ala wa.
Wah! Njekəmkàr lé a ra né gə́ maji la ne gə rəa-yeḛ ya ba#Jɔb 35.6-8.
3Ɓó lé i to gə́ njemeekarabasur ndá
See ɗi ɓa Bao-siŋgamoŋ iŋga keneŋ wa.
Esé ɓó lé i tɔs kəmi bao-bao dɔ rəw-kabi’g ndá
See ɗi ɓa yeḛ iŋga keneŋ wa.
4See mbata ɓəl gə́ yeḛ ɓəli ɓa yeḛ wɔjii ne kəmkàr
Esé aw səi loo gaŋg-rəwta’g gə mbəa wa.
5See némeeyèr ləi to yaa̰ el wa.
See néra kori-korije ləi al dɔ loo el wa.
6I taa né lə ŋgakɔḭje gə́ tonai dɔ maree’g lal gelee ləm,
I tɔr kubu rɔ dee’g ya̰ kudu dee dum ləm tɔ.
7Dəw gə́ kṵdaman tɔlee lé i aree mán ai el ləm,
Dəw gə́ ɓó rəa kara i ɔgee muru ləm tɔ.
8Ɓee lé to ka̰ dəw gə́ njesiŋgamoŋ
Ndá njekəsta ɓa si keneŋ.
9I tuba njékəisiŋgaje ji dee kari kari-kari ləm,
I təd ji ŋganalje pal-pal ləm tɔ.
10Gelee gə́ nee ɓa gumje d’aḭ ne dɔi sub ləm,
Néɓəlje teḛ ne dɔi’g wai ləm tɔ.
11See i oo loo gə́ ndul njudu-njudu neelé ləm,
Gə manje gə́ taa loo pəl-pəl gə́ tur dɔi ləm tɔ lé el wa.
12See Ala to njesi dɔ dara gə́ tar el wa.
Maji kari oo loo gə́ tar to gə́ yeḛ si tar ndoi!
13Ndá i pana: See ɗi ɓa Ala gər wa.
See yeḛ askəm koo loo gə́ ndul njudu-njudu ɓa mba kɔr kəm ta wa.
14I pana: Kil-lə-ndi ɔnee mbèd ndá yeḛ oo né kára kara el,
Dɔ dara gə́ tar ɓa yeḛ gugu loo keneŋ.
15Sèm! See i ndiŋga rɔi mba kun rəw gə́ ləw
Gə́ dəwje gə́ njéra né kori-korije d’aw njaa keneŋ wa.
16Deḛ lé kédé ɓa kar ndɔ dee as ɓəi ndá d’ɔd d’aw ləm,
Kur dee əw asəna gə mán béləm gə́ dəs kalaŋ bèe ləm tɔ.
17Deḛ d’ula Ala pana: Maji karee ɔr rəa rɔ neḛje’g.
See ɗi ɓa Bao-siŋgamoŋ askəm ra kar neḛje wa.
18Lé bèe kara Ala nja ar némajije taa mee kəije lə dee pəl-pəl.
Ma m’ndigi taa ta-kwɔji kəmkàr lə njémeeyèrje el!
19Njéra nédanaje d’oo loo koso lə dee ndá rɔ dee lel dee.
Deḛ gə́ ta wa dɔ dee el kara d’a kogo kula ne sul dɔ dee-deḛ’g pana:
20Aa ooje, njéba̰je lə sí lé tuji pugudu mba̰.
Aa ooje, nébaoje lə dee lé pər roo dula-dula mba̰ tɔ.
21Maji kari ɔm na̰’d sad gə Ala ndá i a kiŋga meelɔm,
Togə́bè ɓa i a kal ne rɔi dan némajije’g.
22Maji kari taa ta ndooje gə́ teḛ təa’g ləm,
Ar taje ləa wa dɔ ɓəŋgəri ləm tɔ.
23Ɓó lé i tel ree rɔ Bao-siŋgamoŋ’d ləm,
Ɓó lé i ɔs néraje gə́ kori-kori rɔi’g rəw ləm tɔ ndá
I a tel si maji ɓəi.
24Maji kari ila larlɔr dan babur’g,
Larlɔr gə́ opir mbuna jərje gə́ kəm-rəw-manje’g,
25Yen ɓa Bao-siŋgamoŋ a to larlɔr ləi ləm,
Gə larnda ləi ləma, gə nébaoje ləi ləm tɔ.
26Togə́bè ɓa i a kar Bao-siŋgamoŋ to nérɔlel ləi ndá
I a tel ne kəmi par gə́ rɔ Ala’g lé!
27I a ra tamaji təa’g ndá yeḛ a koo ta ləi,
Tɔɓəi i a tɔl ne ta ndukunje ləi bém tɔ.
28Ɓó lé i wɔji néje məəi’g mba ra ndá
A teḛ mbi gə teḛ boo ləm,
Kila rəw-kabije lé lookàr a ndogó dɔ’g ləm tɔ.
29Ɓó lé d’ari ula dɔi ndá
I a dəjee gə mba kɔr dɔi gə́ tar,
Mbata Ala la gə dəw gə́ ula dəa.
30Dəw gə́ ta wa dəa ya kara yeḛ a kilá tar ləm,
Mbɔl dɔ jii gə́ àr ŋgad-ŋgad lé ɓa yeḛ a kɔri ne ləm tɔ.
Currently Selected:
Jɔb 22: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jɔb 22
22
Ta gə́ njekɔm’g gɔl munda gə́ Elipaj ula Jɔb
1Elipaj, dəw gə́ Teman un ta pa pana:
2See dəw lé askəm ra né gə́ maji kar Ala wa.
Wah! Njekəmkàr lé a ra né gə́ maji la ne gə rəa-yeḛ ya ba#Jɔb 35.6-8.
3Ɓó lé i to gə́ njemeekarabasur ndá
See ɗi ɓa Bao-siŋgamoŋ iŋga keneŋ wa.
Esé ɓó lé i tɔs kəmi bao-bao dɔ rəw-kabi’g ndá
See ɗi ɓa yeḛ iŋga keneŋ wa.
4See mbata ɓəl gə́ yeḛ ɓəli ɓa yeḛ wɔjii ne kəmkàr
Esé aw səi loo gaŋg-rəwta’g gə mbəa wa.
5See némeeyèr ləi to yaa̰ el wa.
See néra kori-korije ləi al dɔ loo el wa.
6I taa né lə ŋgakɔḭje gə́ tonai dɔ maree’g lal gelee ləm,
I tɔr kubu rɔ dee’g ya̰ kudu dee dum ləm tɔ.
7Dəw gə́ kṵdaman tɔlee lé i aree mán ai el ləm,
Dəw gə́ ɓó rəa kara i ɔgee muru ləm tɔ.
8Ɓee lé to ka̰ dəw gə́ njesiŋgamoŋ
Ndá njekəsta ɓa si keneŋ.
9I tuba njékəisiŋgaje ji dee kari kari-kari ləm,
I təd ji ŋganalje pal-pal ləm tɔ.
10Gelee gə́ nee ɓa gumje d’aḭ ne dɔi sub ləm,
Néɓəlje teḛ ne dɔi’g wai ləm tɔ.
11See i oo loo gə́ ndul njudu-njudu neelé ləm,
Gə manje gə́ taa loo pəl-pəl gə́ tur dɔi ləm tɔ lé el wa.
12See Ala to njesi dɔ dara gə́ tar el wa.
Maji kari oo loo gə́ tar to gə́ yeḛ si tar ndoi!
13Ndá i pana: See ɗi ɓa Ala gər wa.
See yeḛ askəm koo loo gə́ ndul njudu-njudu ɓa mba kɔr kəm ta wa.
14I pana: Kil-lə-ndi ɔnee mbèd ndá yeḛ oo né kára kara el,
Dɔ dara gə́ tar ɓa yeḛ gugu loo keneŋ.
15Sèm! See i ndiŋga rɔi mba kun rəw gə́ ləw
Gə́ dəwje gə́ njéra né kori-korije d’aw njaa keneŋ wa.
16Deḛ lé kédé ɓa kar ndɔ dee as ɓəi ndá d’ɔd d’aw ləm,
Kur dee əw asəna gə mán béləm gə́ dəs kalaŋ bèe ləm tɔ.
17Deḛ d’ula Ala pana: Maji karee ɔr rəa rɔ neḛje’g.
See ɗi ɓa Bao-siŋgamoŋ askəm ra kar neḛje wa.
18Lé bèe kara Ala nja ar némajije taa mee kəije lə dee pəl-pəl.
Ma m’ndigi taa ta-kwɔji kəmkàr lə njémeeyèrje el!
19Njéra nédanaje d’oo loo koso lə dee ndá rɔ dee lel dee.
Deḛ gə́ ta wa dɔ dee el kara d’a kogo kula ne sul dɔ dee-deḛ’g pana:
20Aa ooje, njéba̰je lə sí lé tuji pugudu mba̰.
Aa ooje, nébaoje lə dee lé pər roo dula-dula mba̰ tɔ.
21Maji kari ɔm na̰’d sad gə Ala ndá i a kiŋga meelɔm,
Togə́bè ɓa i a kal ne rɔi dan némajije’g.
22Maji kari taa ta ndooje gə́ teḛ təa’g ləm,
Ar taje ləa wa dɔ ɓəŋgəri ləm tɔ.
23Ɓó lé i tel ree rɔ Bao-siŋgamoŋ’d ləm,
Ɓó lé i ɔs néraje gə́ kori-kori rɔi’g rəw ləm tɔ ndá
I a tel si maji ɓəi.
24Maji kari ila larlɔr dan babur’g,
Larlɔr gə́ opir mbuna jərje gə́ kəm-rəw-manje’g,
25Yen ɓa Bao-siŋgamoŋ a to larlɔr ləi ləm,
Gə larnda ləi ləma, gə nébaoje ləi ləm tɔ.
26Togə́bè ɓa i a kar Bao-siŋgamoŋ to nérɔlel ləi ndá
I a tel ne kəmi par gə́ rɔ Ala’g lé!
27I a ra tamaji təa’g ndá yeḛ a koo ta ləi,
Tɔɓəi i a tɔl ne ta ndukunje ləi bém tɔ.
28Ɓó lé i wɔji néje məəi’g mba ra ndá
A teḛ mbi gə teḛ boo ləm,
Kila rəw-kabije lé lookàr a ndogó dɔ’g ləm tɔ.
29Ɓó lé d’ari ula dɔi ndá
I a dəjee gə mba kɔr dɔi gə́ tar,
Mbata Ala la gə dəw gə́ ula dəa.
30Dəw gə́ ta wa dəa ya kara yeḛ a kilá tar ləm,
Mbɔl dɔ jii gə́ àr ŋgad-ŋgad lé ɓa yeḛ a kɔri ne ləm tɔ.
Ngambai Bible © Alliance Biblique du Tchad 1989, 2015.