Jeremi 37
37
D’ila Jeremi daŋgai’g
1Sedesias, ŋgolə Jojias o̰ ɓee tor Jekonia, ŋgolə Jojakim’g. Nebu#2Mb 24.17, 2SgI 36.10 kadnesar, mbai gə́ babylɔnə ɓa undá gə́ mbai gə́ Juda lé. 2Yeḛ əsé kuraje ləa əsé koso-dəwje gə́ mee ɓee’g kara d’un mbi dee rəw dɔ taje gə́ Njesigənea̰ pa gə ndu Jeremi, njetegginta lé.
3Mbai Sedesias ula Jukal, ŋgolə Selemia, gə Soponi, ŋgolə Maaséja, njekinjanéməs rɔ Jeremi, njetegginta’g mba kar dee d’ulá pana: Maji kari ra ndòo rɔ Njesigənea̰ Ala’g lə sí lé mbata lə sí.
4Mbata Jeremi lé aw njaa mbuna koso-dəwje’g yo gə́ nee ɓó d’ilá daŋgai el ɓəi. 5Njérɔje lə Parao̰ d’unda loo mee Ejiptə’g teḛ. Kaldeje gə́ d’aḭ dɔ Jerusalem sub gə rɔ lé loo gə́ d’oo sorta nee ndá d’ḭ d’ya̰ Jerusalem. 6Yen ŋga Njesigənea̰ ula Jeremi, njetegginta ta gə rɔtaje nee pana: 7Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo. 8Ndá Kaldeje lé d’a tel ree rɔ ɓee-boo neelé ləm, d’a taa ləma, d’a roo dula-dula ləm tɔ. 9Njesigənea̰ pa togə́bè pana: Maji kar meḛ sí ər sí ar sí pajena: Kaldeje d’a sa rɔ dee rɔ sí’g kaw əw bèe lé a paje bèe el. Mbata deḛ d’a kaw el! 10Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.
11Loo gə́ njérɔje lə Kaldeje saa rɔ dee Jerusalem mbata njérɔje lə Parao̰ lé 12ndá Jeremi ndigi kunda loo Jerusalem teḛ kaw ɓee’g lə Bḛjamije gə mba kaw taa nénduba gə́ wɔji dəa mbuna gel-bɔje’g ləa. 13Loo gə́ yeḛ teḛ tarəwkɔg’d lə Bḛjamije ndá ɓé-njéŋgəmlooje gə́ ria lə Jireija gə́ to ŋgolə Selemia, ŋgolə Hanania aar lée’g neelé ndá yeḛ uba Jeremi, njetegginta wá pana: I si aw mba kɔm gə Kaldeje na̰’d. 14Jeremi ilá keneŋ pana: Bèe el! Ma m’isi m’aw mba kiŋga Kaldeje el,
Nɛ Jireija ɔs ta ləa rəw. Yeḛ wa Jeremi aw səa no̰ ŋgan-mbaije’g. 15Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ. 16Togə́bè ɓa Jeremi aw ne kəi-daŋgai’g. D’udee ne duu-looje’g d’aree si keneŋ kuree əw yaa̰.
17Mbai Sedesias ula kula ɓaree aree ree dəjee ta gə́ mee kəi’g ləa gə goo ŋgəḭ pana: See Njesigənea̰ pata kára wɔji ne dɔm-ma wa.
Jeremi tel ilá keneŋ pana: Oiyo. Tɔɓəi yeḛ ila ta gə́ raŋg keneŋ pana: I ya d’a kilai ji mbai gə́ Babilɔn’g.
18Jeremi dəji mbai Sedesias tɔɓəi pana: See kaiya ɗi ɓa m’ra nɔḭ’g ləm, gə no̰ kuraje’g ləi ləma, gə no̰ koso-dəwje’g nee ləm tɔ ɓa seḭ ilamje ne daŋgai’g gə mbəa wa. 19See njéteggintaje lə sí gə́ tegginta pana: Mbai gə́ Babilɔn a ree rɔ sə sí-seḭ əsé ɓee nee el lé d’əd ra ɓəi wa.
20Ɓasinè mbai ləm, i gə́ to njekaa dɔm lé, m’ra ndòo rɔi’g, maji kar ndòo raje ləm oso mbii’g pad ya. Am m’tel m’aw kəi lə Jonatan, njendaji-maktub lé el nà m’a kwəi keneŋ!
21Yen ɓa mbai Sedesias, un ndia ar dee gə mba kar dee ŋgəm Jeremi gad kəi-daŋgai’g ləm, gə mba kar dee d’aree pil muru kára gə́ deḛ ndogo mba̰-rəw’g lə njékoro muruje lé gə ndɔje kára-kára lai ləm tɔ saar kar pil muruje gə́ mee ɓee-boo’g neelé godo lai. Togə́bè ɓa Jeremi nai ne mee gad kəi-daŋgai’g lé tɔ.
Currently Selected:
Jeremi 37: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
