Esdras 2
2
Bula lə Israɛlje gə́ tel ree ɓee gə́ Juda gogo lé
1Aa ooje, deḛ gə́ dəb ɓeeko̰’d gə́ d’ḭ ɓee-ɓər’g tel ree lé ɓa nee, to dee gə́ Nebukadnesar, mbai gə́ Babilɔn wa dee gə́ ɓər aw sə dee Babilɔn lé. Deḛ tel ree Jerusalem dɔ naŋg gə́ Juda, ndá nana kara aw mee ɓee-boo’g ləa-ləa ya. 2Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee: 3deḛ gə́ to gel-bɔje lə Pareos gə́ diŋgam d’as tɔl-dɔg-loo joo gə dəa tɔl gə dəa rɔ-siri giree-joo (2.172), 4deḛ gə́ to gel-bɔje lə Sepatia d’as tɔl-munda gə dɔ dee rɔ-siri giree joo (372), 5deḛ gə́ to gel-bɔje lə Ara d’as tɔl-siri gə dɔ dee rɔ-siri-giree-mi (775), 6deḛ gə́ to gel-bɔje lə Pahat-Moab gə́ to ŋgaka Juje gə ŋgaka Joab lé d’as tɔl-dɔg-loo joo gə dɔ dee tɔl-jinaijoo gə dɔ dee dɔg-giree-joo (2.812), 7deḛ gə́ to gel-bɔje lə Elam d’as tɔl-dɔg gə dəa tɔl-joo gə dɔ dee rɔ-mi-giree-sɔ (2.254), 8deḛ gə́ to gel-bɔje lə Jatu d’as tɔl-jinaikara gə dɔ dee rɔ-sɔ-giree-mi (9045), 9deḛ gə́ to gel-bɔje lə Jakai d’as tɔl-siri gə dɔ dee rɔ-misa̰ (760), 10deḛ gə́ to gel-bɔje lə Bani d’as tɔl-misa̰ gə dɔ dee rɔ-sɔ-giree-joo (642), 11deḛ gə́ to gel-bɔje lə Bebai d’as tɔl-misa̰ gə dɔ dee rɔ-joo-giree-munda (623), 12deḛ gə́ to gel-bɔje lə Asgad d’as tɔl-dɔg gə dəa tɔl-joo gə dɔ dee rɔ-joo-giree-joo (1.224), 13deḛ gə́ to gel-bɔje lə Adonikam d’as tɔl-misa̰ gə dɔ dee rɔ-misa̰-giree-misa̰ (666), 14deḛ gə́ to gel-bɔje lə Bigbai d’as tɔl-dɔg-loo joo gə dɔ dee rɔ-mi-giree-misa̰ (2.056), 15deḛ gə́ to gel-bɔje lə Adin d’as tɔl-sɔ gə dɔ dee rɔ-mi-giree-sɔ (454), 16deḛ gə́ to gel-bɔje lə Ater gə́ to ŋgaka Ejekias lé d’as rɔ-jinaikara-giree-jinaijoo (98), 17deḛ gə́ to gel-bɔje lə Besai d’as tɔl-munda gə dɔ dee rɔ-joo-giree-munda (323), 18deḛ gə́ to gel-bɔje lə Jora d’as tɔl gə dɔ dee dɔg-giree-joo (112), 19deḛ gə́ to gel-bɔje lə Hasum d’as tɔl-joo gə dɔ dee rɔ-joo-giree-munda (223), 20deḛ gə́ to gel-bɔje lə Gibar d’as rɔ-jinaikara-dee-mi (95), 21diŋgamje gə́ ɓee gə́ Betlehem d’as tɔl gə dɔ dee rɔ-joo-giree-munda (123), 22diŋgamje gə́ ɓee gə́ Netopa d’as rɔ-mi-giree-misa̰ (56), 23diŋgamje gə́ ɓee gə́ Anatot d’as tɔl gə dɔ dee rɔ-joo-giree-jinaijoo (128), 24diŋgamje gə́ ɓee gə́ Ajmabet d’as rɔ-sɔ-giree-joo (42), 25diŋgamje gə́ ɓee gə́ Kirjat-Arim gə njé gə́ Kepira gə njé gə́ Beerot d’as tɔl-siri gə dɔ dee rɔ-sɔ-giree-munda (743), 26diŋgamje gə́ ɓeeje gə́ Rama gə Geba d’as tɔl-misa̰ gə dɔ dee rɔ-joo-giree-kára (621), 27diŋgamje gə́ ɓee gə́ Mikmas d’as tɔl gə dɔ dee rɔ-joo-giree-joo (122), 28diŋgamje gə́ ɓeeje gə́ Betel gə Ai d’as tɔl-joo gə dɔ dee rɔ-joo-giree-munda (223), 29diŋgamje gə́ ɓee gə́ Nebo d’as rɔ-mi-giree-joo (52), 30diŋgamje gə́ ɓee gə́ Magbis d’as tɔl gə dɔ dee rɔ-mi-giree-misa̰ (156), 31deḛ gə́ to gel-bɔje lə Elam gə́ raŋg lé d’as tɔl-dɔg gə dəa tɔl-joo gə dɔ dee rɔ-mi-giree-sɔ (1.254), 32deḛ gə́ to gel-bɔje lə Harim d’as tɔl-munda gə dɔ dee rɔ-joo (320), 33diŋgamje gə́ ɓeeje gə́ Lod gə Hadid gə Ono d’as tɔl-siri gə dɔ dee rɔ-joo-giree-mi (725), 34diŋgamje gə́ ɓee-boo gə́ Jeriko d’as tɔl-munda gə dɔ dee rɔ-sɔ-giree-mi (345), 35diŋgamje gə́ ɓee-boo gə́ Senaa d’as tɔl-dɔg-loo munda gə dəa tɔl-misa̰ gə dɔ dee rɔ-munda (3.630),
36Njékinjanéməsje ɓa nee: deḛ gə́ to gel-bɔje lə Jedaeja gə́ to ŋgaka Juje lé d’as tɔl-jinaikara gə dɔ dee rɔ-siri-gir-dee-munda (973), 37deḛ gə́ to gel-bɔje lə Imer d’as tɔl-dɔg gə dəa rɔ-mi-giree-joo (1.052), 38deḛ gə́ to gel-bɔje lə Pasur d’as tɔl-dɔg gə dəa tɔl-joo gə dɔ dee rɔ-sɔ-giree-siri (1.247), 39deḛ gə́ to gel-bɔje lə Harim d’as tɔl-dɔg gə dɔ dee dɔg-giree-siri (1.017) tɔ.
40Deḛ gə́ to Ləbije lé: deḛ gə́ to gel-bɔje lə Juje ləm, gə deḛ gə́ to gel-bɔje lə Kadmiel ləma, gə deḛ gə́ to gel-bɔje lə Hodabia ləm tɔ lé d’as rɔ-siri-giree-sɔ (74).
41Bao-paje ɓa nee: Deḛ gə́ to gel-bɔje lə Asap d’as tɔl gə dɔ dee rɔ-joo-giree-jinaijoo (128).
42Njéŋgəm tarəwje ɓa nee: Deḛ gə́ to gel-bɔje lə Salum ləm, gə gel-bɔje lə Ater ləm, gə gel-bɔje lə Talmo̰ ləm, gə gel-bɔje lə Akub ləm, gə gel-bɔje lə Hatita ləma, gə gel-bɔje lə Sobai ləm tɔ, deḛ lai d’as tɔl gə dɔ dee rɔ-munda-giree-jinaikara (139),
43Njérakula mee kəi-Ala’g gə́ raje ɓa nee: Deḛ gə́ to ŋgaka Siha ləm, gə ŋgaka Hasupa ləm, gə gel-bɔje lə Tabaot ləm, 44gə ŋgaka Keros ləm, gə ŋgaka Siaha ləm, gə ŋgaka Pado̰ ləm, 45gə ŋgaka Lebana ləm, gə ŋgaka Hagaba ləm, gə ŋgaka Akub ləm, 46gə ŋgaka Hagab ləm, gə ŋgaka Samlai ləm, gə ŋgaka Hanan ləm, 47gə ŋgaka Gidel ləm, gə ŋgaka Gahar ləm, gə ŋgaka Reaja ləm, 48gə ŋgaka Resin ləm, gə ŋgaka Nekoda ləm, gə ŋgaka Gajam ləm, 49gə ŋgaka Uja ləm, gə ŋgaka Pasəa ləm, gə ŋgaka Besai ləm, 50gə ŋgaka Asna ləm, gə ŋgaka Mehunim ləm, gə ŋgaka Nepusim ləm, 51gə ŋgaka Bakbuk ləm, gə ŋgaka Hakupa ləm, gə ŋgaka Harur ləm, 52gə ŋgaka Baslut ləm, gə ŋgaka Mehida ləm, gə ŋgaka Harsa ləm, 53gə ŋgaka Barkos ləm, gə ŋgaka Sisera ləm, gə ŋgaka Tama ləm, 54gə ŋgaka Nesiah ləma, gə ŋgaka Hatipa ləm tɔ.
55Ri deḛ gə́ to gel-bɔje lə kuraje lə Salomo̰ ɓa nee: Deḛ gə́ to ŋgaka Sotai ləm, gə ŋgaka Soperet ləm, gə ŋgaka Peruda ləm, 56gə ŋgaka Jala ləm, gə ŋgaka Darko̰ ləm, gə ŋgaka Gidel ləm, 57gə ŋgaka Sepatia ləm, gə ŋgaka Hatil ləm, gə ŋgaka Pokéret-Hasebayim ləma, gə ŋgaka Ami ləm tɔ.
58Bula lə deḛ gə́ to njéra kula mee kəi-Ala’g gə́ raje ləm, gə ŋgaka kuraje lə Salomo̰ ləm tɔ lé to tɔl-munda gə dɔ dee rɔ-jinaikara-giree-joo (392).
59Aa ooje, deḛ gə́ d’ḭ Tel-Melah gə Tel-Harsa gə Kerub-Adan gə́ d’askəm kar dee gər gel-bɔje lə dee əsé ginkojije lə dee to gə́ deḛ to gə́ Israɛlje bèe el lé 60deḛ to ŋgaka Delaja ləm, gə ŋgaka Tobija ləma, gə ŋgaka Nekoda ləm tɔ d’as tɔl-misa̰ gə dɔ dee rɔ-mi-giree-joo (652).
61Tɔɓəi mbuna gel-bɔje’g lə njékinjanéməsje lé: ŋgaka Habaja ləm, gə ŋgaka Hakos ləma, gə ŋgaka Barjilai ləm tɔ. Yeḛ gə́ rudu lé taa dené mbuna ŋgalə Barjilai gə́ dené’g ndá yeḛ to dəw gə́ Galaad ya nɛ d’unda ri dee dəa’g ɓaree ne. 62Deḛ neelé saŋg maktub gə́ wɔji dɔ ginkoji dee nɛ d’iŋga el. Ndá d’ɔg dee dɔ ra kula kḭjanémes’g. 63Tɔɓəi njeguburuɓee ula dee mba kar dee d’usɔ néje gə́ to gə kəmee doi el saar kar njekinjanéməs saŋg gə goo urim gə tumim ɓa#BI 27.21.
64Koso-dəwje lai gə́ mbo̰ dɔ na̰ neelé d’as tɔl-dɔg-loo rɔ-sɔ giree-joo gə dəa tɔl-munda gə dɔ dee rɔ-misa̰ (42.360) 65lal tura kuraje lə deḛ gə́ diŋgam gə njé gə́ dené gə́ bula lə dee to tɔl-dɔg-loo siri gə dəa tɔl-munda gə dɔ dee rɔ-munda-giree-siri (7.337). Mbuna dee’g lé bao-paje gə́ diŋgam gə njé gə́ dené d’as tɔl-joo (200) ləm tɔ. 66Deḛ d’aw gə kundaje tɔl-siri gə dɔ dee rɔ-munda-giree-misa̰ ləm (736), gə kundaje-mulayḛ̀jeje tɔl-joo gə dɔ dee rɔ-sɔ-giree-mi (245) ləm, 67gə jambalje tɔl-sɔ gə dɔ dee rɔ-munda-giree-mi (435) ləma, gə mulayḛ̀je-je tɔl-dɔg-loo misa̰ gə dəa tɔl-siri gə dɔ dee rɔ-joo (6.720) ləm tɔ.
68Mbai dɔ gel-bɔje gə́ na̰je lé loo gə́ deḛ ree mee kəi’g lə Njesigənea̰ gə́ to Jerusalem lé ndá, d’ar nékarje gə́ d’ḭ ne gə meḛ dee mbata kəi-Ala mba kar dee gɔl ne kəi-Ala neelé lé’d gə́ to keneŋ kédé lé. 69Deḛ d’ar gə goo nékiŋgaje lə dee lə dee, larlɔr gə́ d’unda ria lə darik as tɔl-dɔg-loo rɔ-misa̰ giree-kára (61.000) ləm, gə ŋgan larnda as nékwɔji kwɔi-lə-né tɔl-dɔg-loo joo gə dəa tɔl-mi (2.500) ləma, gə kubuje gə́ wɔji dɔ njékinjanéməsje as tɔl (100) ləm tɔ ndá d’ɔm néje neelé mee kəi-ŋgəm-lar gə́ wɔji dɔ kula neelé.
70Njékinjanéməsje gə Ləbije ləm, gə dəw-mee-ɓeeje gə́ na̰je ləm, gə bao-paje ləm, gə njéŋgəm tarəwje ləma, gə njéra kula mee kəi-Ala’d gə́ raje ləm tɔ lé d’isi mee ɓee-booje’g lə dee lə dee. Israɛlje lai kara d’isi mee ɓee-booje’g lə dee lə dee tɔ#1SgI 9.2, Neh 11.2.
Currently Selected:
Esdras 2: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
