Tel tura Godndu 25

Godnduje gə́ wɔji dɔ néraje gə́ gə dɔ najee

1Loo gə́ ta to mbuna dəwje’g joo ɓa d’aw ne loo gaŋg-rəwtaree’g kar dee gaŋgta dɔ’g ndá, dəw gə́ ta wa dəa el lé d’a kɔr ta dəa’g ya ləm, dəw gə́ ta wa dəa lé d’a kila ta dəa’g ya ləm tɔ. 2Ɓó lé dəw gə́ ta wa dəa lé to kəm kar dee kundá ne ndá njegaŋ-rəwta a karee to naŋg tɔɓəi a kar dee kundá nea̰’g as ji dee bula gə goo majel gə́ yeḛ ra lé ya. 3Yeḛ a kar dee kundá karee al dɔ ji dee rɔ-sɔ el nà banelə loo gə́ kundá gə́ kédé-kédé ndá, a kal dəa yaa̰ kar ŋgoko̰ sí lé tel to nérɔkul kəm sí’g#1Kɔr 11.24.

4Bɔ maŋg gə́ i ilá dɔ kó’g mba karee njaa dɔ’g kar ka̰dee tal lé i a tɔ təa el#1Kɔr 9.9, 1Tim 5.18.

Njekəisḭga gə́ lal ŋgon lé

5Loo gə́ ŋgako̰ na̰je d’a si na̰’d ɓa yeḛ gə́ kára a kwəi lal ŋgon ndá dené lə yeḛ gə́ wəi lé a taa dəw gə́ raga gə́ to dəw-dɔ-ɓee el, nɛ wareeje lé a kaw rəa’g kaw təa gə́ dené ləa karee to dené nduba lə ŋgokea̰ lé ya#Mat 22.24, Mar 12.19, Lug 20.28. 6Ŋgondəree gə́ yeḛ a koji səa lé d’a kunda ri ŋgokea̰ gə́ wəi lé ɓa dəa’g karee taa toree gə mba kar ria udu mbuna Israɛlje’g el.

7Ɓó lé diŋgam neelé ndigi taa wareeje lé el ndá wareeje gə́ dené lé a kaw səa rɔ ŋgatɔgje’g tarəw-kəikɔg’d ndá a kula dee pana: Warmje neelé ndigi kar ri ŋgokea̰ ɓar mbuna Israɛlje’g el, yeḛ ndigi taam gə́ dené-nduba lə ŋgokea̰ lé el#Rud 4.7-8. 8Ŋgatɔgje gə́ mee ɓee-boo’g lé d’a ɓaree kulá ta. Ɓó lé yeḛ aar dɔ gɔlee’g njaŋg pana: N’a təa el ndá 9wareeje lé a kaw pər gə́ rəa’g kəm ŋgatɔgje ɓa a tɔr markob lə debee neelé gɔlee’g ləm, a tibi yiro kəmee’g ləm tɔ pa ne pana: Yeḛ gə́ nee ɓa kəm ra gə diŋgam gə́ ndigi kar ri njémeekəije lə ŋgokea̰ godo lé. 10Ndá d’a kunda ri kəi ləa mbuna Israɛlje’g pana: Kəi lə yeḛ gə́ deḛ tɔr markob gɔlee’g lé.

11Loo gə́ diŋgamje d’aar kunda na̰, ɓó lé dené lə yeḛ gə́ kára aw pər gə mba taa ŋgabeeje ji yeḛ gə́ aar kundá’g lé ɓa yeḛ ula jia wa ne barkəmreaje gə́ to rɔkul ndá, 12seḭ a kinjaje ji dené lé gaŋgje ɓó seḭ a kooje kəmtondoo ləa el.

13Seḭ a karje nékwɔji kwɔi lə néje gə́ wɔi əsé gə́ wɔilɔ kara to mee ɓɔl’g lə sí as gel joo el#Ləb 19.35-36. 14Seḭ a karje ka-kwɔji-né gə́ boi gə yeḛ gə́ lam to mee kəi’g lə sí as gel joo el. 15Seḭ a karje nékwɔji kwɔi lə né lə sí to gə goo rəbee gə́ aw lée’g béréré ləm, gə ka-kwɔji-né lə sí a to gə goo rəbee gə́ aw lée’g béréré ləm tɔ gə mba kar kuru ndɔje lə sí a kḭ ne dɔ maree’g gə́ kédé-kédé mee ɓee gə́ Ala lə sí gə́ Njesigənea̰ ar sí lé. 16Mbata nana ɓa gə́ ra néje gə́ kori-kori gə́ togə́bè lé ndá, yeḛ to dəw gə́ mina̰ kəm Njesigənea̰ Ala’g lə sí tɔ.

Amalekje d’a to njéba̰je lə sí

17Arje meḛ sí olé dɔ né gə́ Amalekje ra sə sí rəw’g loo gə́ seḭ undaje ne loo mee ɓee gə́ Ejiptə teḛje lé#Tr 17.8-14, 1Sam 15.2-9. 18To gə́ deḛ ree d’iŋga sí rəw’g rɔ sə sí lal ɓəl ne Ala ndá deḛ tel rɔ dee goo sí’g d’ur ne dɔ deḛ lai gə́ ndɔr rɔ dee goo sí’g, loo gə́ seḭje kara daoje yaa̰ ləm, gə siŋga sí godo lé ləm tɔ. 19Loo gə́ Ala lə sí gə́ Njesigənea̰ a kɔr sí ji njéba̰je’g lə sí gə́ gugu dɔ sí sub ɓa ar sí waje rɔ sí mee ɓee gə́ Ala lə sí gə́ Njesigənea̰ ar sí gə́ nédɔji lə sí gə́ to né ka̰ sí ndá seḭ a tujije riɓar lə Amalekje dɔ naŋg nee pugudu ya, arje meḛ sí wəi dɔ’g el.

Currently Selected:

Tel tura Godndu 25: SBA2015

Highlight

Copy

Compare