1 Timote 2
2
Ra tamaji mbata dəwje lai
1Né gə́ kédé gə́ ma m’tɔgi dɔ’g lé maji ra tamaji ta Ala’g ləm, ra ndòo rəa’g ləm, to ne təa’g pəgə-pəgə ləma, rəa oiyo ləm tɔ mbata lə dəwje lai ləm, 2mbata mbaije ləma, mbata deḛ gə́ d’isi gə́ dəw dɔ mar deeje’g lé ləm tɔ mba kar sí j’isi ne dan maji’g gə dan meekulɔm’g ləm, kar sí j’wa Ala meḛ sí’g gə meendakaḭ ləm tɔ 3Yee ɓa gə́ né gə́ maji gə́ taa kəm Ala gə́ njekaji sí lé rəgm ya. 4Yeḛ nja ɓa ndigi kar dəwje lai d’aji kəbərə ləm, yeḛ ndigi kar kəm dee inja dɔ kankəmta’g ləm tɔ. 5Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé, 6Jeju Kristi, yeḛ gə́ ya̰ rəa ar yoo gə́ nékoga dɔ dəwje lai lé. Yee ɓa to ta gə́ d’ɔr taree mee ndəa gə́ to ndɔ kea̰-yeḛ lé nja ləm, 7d’ɔrm d’undam gə́ njekilamber taree ləm, gə njekaḭkula ləma, gə njendoo njépole-magəje ta gə́ wɔji dɔ meekun gə kankəmta lé ləm tɔ. Kankəmta ɓa ma m’pa, ɓó m’pa taŋgɔm el .
8Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ. 9Denéje kara ma m’ndigi kar dee d’ula kubu gə́ ka̰ kon rɔ dee ɓó gə ka̰ tər kəm loo el ləm, əsé gə tula dɔ dee d’aree yen pə gə larlɔr el ləm, əsé gə mərje el ləma, əsé gə kubuje gə́ ndoolé yḛd-yḛd gə́ lar dee uru kugu ndor-ndor el ləm tɔ .
10Nɛ néraje gə́ maji ɓa d’a kula rɔ dee’g gə́ kubu lə dee, yee ɓa gə́ né kəm ra lə denéje gə́ d’oo rɔ dee gə́ njékwa Ala meḛ deeje’g lé ya. 11Maji kar dené sí gə təa mundu loo gə́ deḛ d’isi ndée ta ləm, a koso ne kul ləm tɔ. 12Ma m’un ndum m’ar dené mba karee ndoo dee né el ləm, a si gə́ dəw dɔ diŋgam el ləm tɔ, nɛ yeḛ a si gə təa gə́ mundu ya. 13Mbata Ala unda Adam kédé ɓa unda Ebə orè ne gée ɓəi . 14Tɔɓəi Adam ɓa taa ta kər neelé kédé el nɛ dené ɓa d’əree d’aree taa ta sula neelé ar kalta wa ne dəa . 15Lé kalta nai dəa’g ɓəi kara ɓó lé yeḛ aw yururu ai mée sam-sam dɔ meekun’g ləm, gə dɔ meenoji’g ləma, gə dɔ meenda’g lé ləm tɔ ndá a kaji ne loo koji ŋganeeje’g ya.
Currently Selected:
1 Timote 2: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.