1 Samel 24
24
Dabid mbad tɔl Sawul
1Dabid ḭ lée’g neelé aw looje gə́ siŋ siŋ-siŋ’d gə́ to En-Gedi ɓa si keneŋ. 2Loo gə́ Sawul ḭ loo tuba goo Pilistije’g tel ndá d’ulá pana: Aa oo, Dabid si mee dɔdilaloo gə́ En-Gedi’g. 3Sawul mbər goŋ-rɔje mbuna Israɛlje’g lai d’as tɔl-dɔg-loo-munda (3.000) aw saŋg ne Dabid gə njérɔje ləa saar teḛ ne dɔ biri mbalje gə́ to loo-kaar-bya̰je gə́ wala. 4Yeḛ ree loo-kaar-badje gə́ to mbɔr rəw’g dəb. Lée neelé bolè mbal to keneŋ ndá Sawul andə aw keneŋ mba tel mú. Nɛ Dabid gə njérɔje ləa d’isi duu bolè mbal’g lé ya tɔ#Pak 57.1, 42.1. 5Njérɔje lə Dabid d’ulá pana: Aa oo, ndɔ gə́ Njesigənea̰ ulai pana: Neḛ n’ila njeba̰ ləi jii’g lé teḛ mba̰. Maji kari ra səa né to gə́ məəi ndigi.
Dabid ḭ aw inja ta kubu lə Sawul gə́ boi yul jan-jan gaŋg. 6Gée gə́ gogo ndá kaaree ɓar dulug-dulug mbata yeḛ inja ta kubu lə Sawul gə́ boi yul lé gaŋg. 7Yen ŋga yeḛ ula njérɔje ləa pana: Maji kar Njesigənea̰ ɔgm dɔ kun jim kɔrɔ ne rɔ mbai ləm, yeḛ gə́ Njesigənea̰ wa dəa gə́ ubu lé mbata yeḛ to dəw gə́ Njesigənea̰ wa dəa gə ubu ya#1sam 26.11.
8Gə goo taje neelé ɓa Dabid ila ne njérɔje ləa kag ɔg dee dɔ kḭ ɓugu na̰ dɔ Sawul’g ya.
Sawul ḭta unda loo mee bolè mbal’g lé teḛ ndá un rəw ləa aw ya. 9Gée gə́ gogo Dabid unda loo mee bolè mbal’g lé teḛ raga tɔ. Yen ŋga yeḛ ra né wəl goo Sawul’g pana: Ǝi mbai ləm!
Sawul ɔm rəd gée’g ndá Dabid rəm bəbərə oso dəb kəmee naŋg. 10Dabid dəji Sawul pana: See gelee ban ɓa, i ur mbii dɔ ta’g lə dəwje gə́ pana: Aa oo, Dabid aw saŋg loo ra səi némajel lé wa. 11I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya. 12Bɔm, maji kari oo ta kubu ləi gə́ boi yul gə́ to jim’g nee. To gə́ ma m’inja ta kubu ləi gə́ boi yul nɛ m’tɔli el ndá maji kari ə̰ji gər ləm, ar kəmi inja dɔ’g ləm tɔ, to gə́ né gə́ majel əsé kɔs ta rəw godo rɔm’g ləm, m’ra kaiya m’ɔsi ne rəw el ləm tɔ. Nɛ i nja ɓa i umum rəw’g gə mba tɔlm ya. 13Njesigənea̰ a to njegaŋ-rəwta mbuna síjeḛ səi’g ləm, Njesigənea̰ ɓa a dal ba̰ ləm ləm tɔ. Nɛ ma ɓa yḛ̀ m’a kun jim kɔrɔ ne rɔi el. 14Gosɔta lə njé gə́ ləw pana: Néra gə́ majel ḭ rɔ njéra némajelje’g. Togə́bè ɓa m’a kun jim kɔrɔ ne rɔi el. 15See na̰ ɓa mbai lə Israɛlje aw mba rɔ səa wa#1Sam 26.20. 16Njesigənea̰ a gaŋg rəwta kɔr ne kəm ta mbuna síjeḛ səi’g. Yeḛ a koo ləm, a kɔr ta ləm ləma, a gaŋg rəwta ləm gə dɔ najee taam ne jii’g kilam tar ləm tɔ.
17Loo gə́ Dabid tɔl taje ləa gə́ yeḛ ula Sawul neelé bém ndá Sawul pana: See to ndui-i ya wa, ŋgonəm Dabid!
Ndá Sawul tel ɔr ndia gə́ tar wəl gə no̰ tɔ. 18Tɔɓəi yeḛ ula Dabid pana: I to njera né gə́ gə dɔ najee undam-ma mbata i ra səm meemaji nɛ ma ɓa m’ra səi némajel ya. 19Ɓogənè i riba dɔ meemaji ləi gə né gə́ i ra səm lé mbata Njesigənea̰ ilam jii’g ya nɛ i tɔlm el. 20Ɓó lé dəw iŋga njeba̰ ləa rəw’g ndá see a kyá̰ karee aw loo ləa gə meekulɔm wa. Maji kar Njesigənea̰ daai gə né mbata maji gə́ i ra səm ɓogənè lé. 21Ɓasinè aa oo, ma m’gər gao to gə́ i a ko̰ɓee tɔgərɔ ya ləm, ɓeeko̰ lə Israɛlje kara a to meḛ jii’g ya ləm tɔ. 22Ɓasinè, maji kari man rɔi gə ri Njesigənea̰ am to gə́ i a tuji ŋgakamje gə́ goom’g el ləm, gə i a kar rim udu mbuna njémeekəije’g lə bɔmje el ləm tɔ ɓa.
23Dabid man rəa ar Sawul. Bèe ɓa Sawul ɔd aw kəi ləa nɛ Dabid gə njérɔje ləa d’ɔd d’aw loo kiya rɔ dee gə́ siŋ siŋ-siŋ’d lé.
Currently Selected:
1 Samel 24: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
