1 Mbaije 4
4
Salomo̰ wa dɔ gɔl nduru ɓeeko̰ ləa
1Mbai Salomo̰ lé o̰ ɓee dɔ Israɛlje’g lai. 2Aa oo, njéra səa kulaje gə́ boo-boo ɓa ri dee to nee:
Ajaria ŋgolə Sadɔk, njekinjanéməs ləm, 3Elihorep gə Aija, ŋgalə Sisa, deḛ to njéndaji-maktubje, Josapat, ŋgolə Ahilud to njeŋgəm maktubje, 4Benaja, ŋgolə Jeojoda to ɓé-njérɔje, Sadɔk gə Abiatar to njékinjanéməsje, 5Ajaria, ŋgolə Natan to mbai dɔ njékaa dɔ néje, Jabud ŋgolə Natan, to njekaa dɔ ɓeeko̰ gə́ mbai undá dan kəmee’g, 6Ahisar to njekaa dɔ njémeekəije lə mbai, ndá Adoniram, ŋgolə Abda to njekaa dɔ njérakula gə́ kari baje.
7Salomo̰ lé njéguburuɓeeje ləa gə́ mee ɓee gə́ Israɛl lai lé d’as dɔg-gir-dee-joo. Deḛ ɓa to njékwa dɔ gɔl nésɔje gə nduree-nduree mbata lə mbai ləm, gə mbata lə njémeekəije ləa ləm tɔ, nana kara ra as naḭ kára mee ləb kára-kára ya. 8Aa ooje, deḛ ɓa nee: Ŋgolə Hur guburu ɓee dɔ mbal gə́ Eprayim. 9Ŋgolə Deker guburu ɓee gə́ Makas ləm, gə Saalbim ləm, gə Bet-Semes ləm, gə Elo̰ ləma, gə Bet-Hanan ləm tɔ. 10Ŋgolə Hesed guburu ɓee gə́ Arubot, yeḛ aa dɔ Soko gə ɓeeje lai gə́ Eper tɔ. 11Ŋgolə Abinadab guburu ɓee dɔ naŋgje gə́ Dor. Yeḛ lé taa Tapat, ŋgolə Salomo̰ gə́ dené ləa. 12Baana, ŋgolə Ahilud guburu ɓee gə́ Taanak gə Megido, gə loo gə́ Bet-Səan gə́ to mbɔr Sartan gel njé gə́ Jisreel’g, un kudee Bet-Səan saar teḛ Abel-Mehola ləm, saar teḛ gir loo gə́ Jokmeam ləm tɔ. 13Ŋgolə Geber guburu ɓee gə́ Ramot dɔ naŋg gə́ Galaad, yeḛ aa dɔ ɓee-kogoje lə Jayir, ŋgolə Manasə gə́ Galaad, yeḛ aa dɔ Argob dɔ naŋg gə́ Basan, gə́ to ɓee-booje rɔ-misa̰ gə́ ndògo-bɔrɔje gə́ pəgərə-larje to ta’g lé. 14Ahinadab, ŋgolə Ido guburu ɓee gə́ Mahanayim. 15Ahimas guburu ɓee lə Neptalije. Yeḛ lé taa Basmat, ŋgolə Salomo̰ gə́ dené ləa. 16Baana, ŋgolə Usai guburu ɓee gə́ Aser gə Bealot. 17Josapat, ŋgolə Paruah guburu ɓee lə Isakarje. 18Simei, ŋgolə Ela, guburu ɓee lə Bḛjamije. 19Geber, ŋgolə Uri guburu ɓee gə́ Galaad, yeḛ aa dɔ loo gə́ dɔ naŋg lə Sihon, mbai lə Amɔrje ləm, gə Ɔg, mbai gə́ Basan ləm tɔ. Ɓeeje neelé njekaa dɔ néje gə́ keneŋ kára ba.
20Judaje gə Israɛlje lé bula yaa̰ d’asəna gə nagəra gə́ ta baa-boo-kad’g bèe. Deḛ d’usɔ gə d’ai d’isi ne dan rɔlel’g tɔ.
Currently Selected:
1 Mbaije 4: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
