1 Sôrta Gḭka-Israɛlje 13
13
Dabid wɔji-kwɔji kar dee d’aw gə sa̰duk-manrɔ lé Jerusalem
2Sam 6.1-11
1Dabid mbo̰ ɓé-kudu-njérɔje gə́ tɔl-dɔg-dɔg (1.000) ləm, gə ɓé-kudu-njérɔje gə́ tɔl-tɔl (100) ləma, gə njékɔrno̰ deeje lai ləm tɔ dɔ na̰’d wɔji sə dee ta. 2Yen ŋga Dabid ula Israɛlje lai gə́ mbo̰ dɔ na̰ neelé pana: Ɓó lé seḭ ooje gə́ né gə́ maji kəm ra ləm, gə to né gə́ ḭ rɔ Njesigənea̰, Ala’g lə sí ləm tɔ ndá maji kar sí j’ilaje mberee gə looje lai j’ar ŋgako̰ síje gə́ d’isi Israɛl ləm, gə rɔ njékinjanéməsje’g gə Ləbije gə́ d’isi mee ɓee-booje’g lə dee gə looje gə́ gugu dɔ dee ləm tɔ gə mba kar dee ree mbo̰ sə sí dɔ na̰, 3gə mba kar sí j’unje sa̰duk-manrɔ lə Ala lə sí n’tel n’reeje ne rɔ sí’g gogo mbata jeḛ j’ə̰jije dəa’g mee ndɔ’g lə Sawul lé el.
4Deḛ lai gə́ mbo̰ dɔ na̰ neelé d’wɔji mba ra bèe ya mbata koso-dəwje lai d’oo gə́ né gə́ to lé’d gə́ kəm ra ya. 5Dabid mbo̰ Israɛlje lai dɔ na̰’d un kudee baa gə́ Sikɔr gə́ wɔji dɔ Ejiptə saar teḛ ne loo-kandə-kaw mee ɓee gə́ Amat gə mba tel gə sa̰duk-manrɔ lə Ala gə́ to Kirjat-Yearim lé ree ne gogo#1Sam 7.1-2. 6Ndá Dabid gə Israɛlje lai d’ḭ d’aw Baala gə́ to Kirjat-Yearim dɔ naŋg gə́ Juda gə mba kun sa̰duk-manrɔ lə Ala gə́ to keneŋ gə́ d’aw ɓar Njesigənea̰ gə́ njeboo-néje gə́ si mbuna néndaji Nékundaje gə́ dara’g dɔ sa̰duk’g lé keneŋ ta-ta#Tr 25.22. 7Deḛ d’un sa̰duk-manrɔ lə Ala gə́ to mee kəi’g lə Abinadab lé ree d’unda mee pusu’d gə́ sigi mba ree ne. Ndá Uja gə Ahjo ɓa d’ɔr no̰ pusu lé. 8Dabid gə Israɛlje lai la no̰ Ala’g lé gə sḭgarɔ dee bura gə pakɔs ləm, gə kṵdu-kagje ləm, gə kṵdu-ko̰déje ləm, gə dalè-bajḭgje ləm, gə ma̰dje gə́ sa səgə-səgə ləma, gə to̰to̰je ləm tɔ. 9Loo gə́ deḛ teḛ loo-kunda-kó’d gə́ Kido̰ ndá Uja ula jia gə mba kwa ne sa̰duk-manrɔ lé mbata maŋgje ra d’aree oso gə mbɔree. 10Oŋg lə Njesigənea̰ ḭ səa pu dɔ Uja’g aree undá mbata yeḛ ula jia wa ne sa̰duk-manrɔ lé. Ndá Uja wəi gə́ léegəneeya no̰ Ala’g lé tɔ.
11Mee Dabid ea̰ mbata kunda gə́ Njesigənea̰ unda Uja tɔlee togə́bè lé. Bèe ɓa d’unda ne ri loo neelé lə Peres-Uja saar teḛ mee ndɔ gə́ ɓogənè. 12Dabid ɓəl Njesigənea̰ mee ndəa’g neelé aree pana: Bèe ŋga see m’a ra to gə́ ban ɓa gə mba kar sa̰duk-manrɔ lə Njesigənea̰ lé ree ne rɔm’g wa.
13Yen ŋga Dabid ar dee d’un sa̰duk-manrɔ lə Njesigənea̰ lé d’aw ne rəa’g mee ɓee-boo’g ləa el nɛ yeḛ ar dee d’aw ne mee kəi’g lə Obed-Edɔm, dəw gə́ Gat lé tɔ. 14Sa̰duk-manrɔ lə Njesigənea̰ lé to mee kəi’g lə Obed-Edɔm as naḭ munda. Njesigənea̰ tɔr ndia dɔ njémeekəije’g lə Obed-Edɔm ləm, gə dɔ néje’g ləa lai ləm tɔ#1SgI 26.4-5.
Currently Selected:
1 Sôrta Gḭka-Israɛlje 13: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
