(Evangelio según San Mateo) 16
16
Fariseo saduceo aidaujai, wainchatai iwainakta tusa Jesusan segamú
(Mr. 8.11-13; Lc. 12.54-56)
1Fariseo aidau, saduceo aidaujai pegkegchau anentaiyai dekapsagtatus Jesusan jegaantajui, nunikag nayaimpinmaya wainchatain iwainakti tusag segaidau.
2Tiagtai ni ayaak: “Atumek agkuantai: Pegkeg tsawan atatui, nayaim kapantu wajasé”, tinu ainagme; 3untsu kashikmasjum: “Yamai tsawanta juik senchi dasenkattawai, wagki nayaim kapantu wajas yujagkim suwe wajasé”, tajume. Atum nayaimpi niimé diisjum nuniktatui tinu ainayatkugmesh, ¿wajuk asagmea tsawan aina nui wantinkagtin aina dusha dekamainchaush dekapeagme? 4Jujú aents pegkegchau aidau Apajuí chichamenash umigchau aina nu, wainchatai iwainakta tusag segatuinawai. Tujash dita tuina nunak nuigtuk iwaintukchattajai, ayatak Jonás wajukauwa nunisnuk ditanak iwaintuktatjai, tusa ukuak weuwai.
Fariseo jintinkagtuina duka, levaduraya numamtinai tibau
(Mr. 8.14-21)
5Jesusa jintintaiji aidau kuchá amain weenak pagkan kajimatki jutsuk katigkajui. 6Nunikbaunum Jesús ditan chichajak:
—Nijah, fariseo aidau nuigtú saduceo levaduraji aina nujai kuitamamkatajum, tau.
7Tutai niina jintintaiji aidau pempeentunikiag:
—Junak ii pag takukchag dui tujamji, 8tusa tuinamun Jesús antuk:
—Aents imanis dekaskeapi tuchau aidauwah, ¿wagka pagkak atsugtamji tajume? 9¿Eke dekamainchauk dekapeajum nuigtush aneaktsugmek, wi cinco pagka nuiyan cinco mil aents tinamkam yuinak ampijagmataish, wajupa chagkina aimjabiugme duka? 10¿Nuigtush aneaktsugmek, wi siete pagka nuiyan cuatro mil aents tinamkam yuinak ampijagmataish, wajupa chagkina aimjabiugme dusha? 11¿Wagka antumainchaush dekapeagme, wi kuitamamkatajum fariseo, saduceo levadurajiya nujai taja nunak pagkan pachisan tatsug duka? tiuwai.
12Timatai dekawajui, Jesusak levadura pag najanatasa pachimtaiya nuna tatsuapita; fariseo, saduceo jintinkagtutaiji aidaunap tawa tusag.
Pedro, Jesusan amek Cristuitme tibau
(Mr. 8.27-30; Lc. 9.18-22)
13Jesús nugka Cesarea, Filipo yaaktamamua nui jegaatatus wesa, ni jintintaiji aidaun iniak:
—¿Aents aidaush Aentsmaga akiinauwa nunash yayai tuinawa?, tau.
14Tutai dita aiinak:
—Ujumak aents aidau: “Juan Yamijatnai”, tuinai; tikich chichaidau: “Auk Eliasai”, taush ainawai. Nuniai tikich tuidau: “Jeremiasai nuniachkush profeta aajakú aina nuiyaskaitai” tuinawai, tuidau.
15Tiagtai ditan iniak:
—¿Tujash atumesh minash yayai tujutjume?, tau.
16Tutai Simón Pedro ayaak:
—Amek Cristo, Apajuí tuke pujuuwa nuna Uchijiyaitme, tiuwai.
17Tutai Jesús ayaak:
—Simón, Jonasa uchijiyah amek shiig aneasta, aminak aents nejentin numpenna nuninkesh tujamchae, mina Apag nayaimpinum puja nunú dekamtijamae. 18Wishakam amina tajame, yamaik amek Pedro#16.18 “Pedro” tawa duka griego chichamnumag “Petros” tawai, nunak “kaya” taku tawai. atatme. Jujú kaya muunta jui ekenin mina iglesiagnak#16.18 Griego chichamnum “ekklesia” tawa nunak tayatak apach chichamnum againak “iglesia” tuinawai. Nunak “asamblea” (ijunbau) taku tawai. jegamkattajai, nunak jaamua dukesh depetkashtinai; 19amina idaitustatjame Apajuí inama nuna llave#16.19 Llave, “llavé amastatjame” tawa nunak Juan capítulo 20 versículo 23num tawa nunak tayatak tawai; tujash nu dutikatna nunak imá apóstol aina duke dutikawagtinun tiuwai. ujatiama numamtuk awajkati tusan; dutikamu asam ame ju nugka jui chicham etsegbaun dekaskeapi tachauk nayaimpinmag tsagkugnagchatnai. Untsu ame chicham etsegbaun dekaskeapi tauk aantsag nayaimpinmashkam tsagkugnagtinai, —tiuwai.
20Nuna tusa ni jintintaiji aidaun, makichkish tikich aidauk, nigka Cristuwai tusagmek tiigpajum, tiuwai.
Jesús ni maam atinji etsegkamu
(Mr. 8.31-33; Lc. 9.22)
21Nui nagkamas Jesús ni jintintaiji aidau ujatan nagkabau, ni Jerusalén jegamtai apu aidau, sacerdote apuji aidau, maestro chicham umiktinun jintinkagtin aidaujai waitkasa maam, kampatum tsawanta jui nantaktina nuna pachis. 22Tutai Pedro akanak juki kakaakan chichajak:
—Apuh, Apajuí wakechataik, duka nuninuk makichkish nagkaetamaitsui, tau.
23Tujash Jesús Pedron ayampatua chichajak:
—¡Wetá Iwanchih, ukugkita! Ame utugchat aputugme, amek dekatsme Apajuí dutikatjai tabaujiya duka, nuadui nuna umikai tusam tujutme, aentsú anentaimtaig anentaimam duwi, tiuwai.
Jesús mina nemagtukta tautigmek atum wakegamuk idaikujum nemagtuktajum tibau
(Mr. 8.34-38; Lc. 9.23-27)
24Nuna tii Jesús ni jintintaiji aidaun:
—Makichik aentskesh mina jintintaig atatus wakegauk, niinunak idaiyak, waitiakush nemagtukti. 25Wagki aents ju nugka jui pujutan imá senchi wakegak, mina nemagtuk waittan dakitauk uwemjashtin ainawai. Tujash mina nemagtak niina pujutinash puyatjukchauk, uwemjatnai. 26¿Wajinma yaimainaita aentsnash ashí nugka juiyan niinu emakush, wakanin megkaemaina nuish? ¿Nuniachkush wajupa wakaninash akikmatmainaita? 27Wagki Aentsmaga akiinauwa duka, ni Apají imanjiya nujai nuigtú niina angelji aidaujai minitnai, nuniak makí makichik aents takasbaujiya dutiksag akiktinai. 28Dekas tajime Atum jui ijunjum juiyatijum ujumak aidautijum eke jatsuk, Aentsmaga akiinauwa nu inamjatatus minau wainkatnutigmesh ajume, tiuwai.
Currently Selected:
(Evangelio según San Mateo) 16: AGR
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
(Evangelio según San Mateo) 16
16
Fariseo saduceo aidaujai, wainchatai iwainakta tusa Jesusan segamú
(Mr. 8.11-13; Lc. 12.54-56)
1Fariseo aidau, saduceo aidaujai pegkegchau anentaiyai dekapsagtatus Jesusan jegaantajui, nunikag nayaimpinmaya wainchatain iwainakti tusag segaidau.
2Tiagtai ni ayaak: “Atumek agkuantai: Pegkeg tsawan atatui, nayaim kapantu wajasé”, tinu ainagme; 3untsu kashikmasjum: “Yamai tsawanta juik senchi dasenkattawai, wagki nayaim kapantu wajas yujagkim suwe wajasé”, tajume. Atum nayaimpi niimé diisjum nuniktatui tinu ainayatkugmesh, ¿wajuk asagmea tsawan aina nui wantinkagtin aina dusha dekamainchaush dekapeagme? 4Jujú aents pegkegchau aidau Apajuí chichamenash umigchau aina nu, wainchatai iwainakta tusag segatuinawai. Tujash dita tuina nunak nuigtuk iwaintukchattajai, ayatak Jonás wajukauwa nunisnuk ditanak iwaintuktatjai, tusa ukuak weuwai.
Fariseo jintinkagtuina duka, levaduraya numamtinai tibau
(Mr. 8.14-21)
5Jesusa jintintaiji aidau kuchá amain weenak pagkan kajimatki jutsuk katigkajui. 6Nunikbaunum Jesús ditan chichajak:
—Nijah, fariseo aidau nuigtú saduceo levaduraji aina nujai kuitamamkatajum, tau.
7Tutai niina jintintaiji aidau pempeentunikiag:
—Junak ii pag takukchag dui tujamji, 8tusa tuinamun Jesús antuk:
—Aents imanis dekaskeapi tuchau aidauwah, ¿wagka pagkak atsugtamji tajume? 9¿Eke dekamainchauk dekapeajum nuigtush aneaktsugmek, wi cinco pagka nuiyan cinco mil aents tinamkam yuinak ampijagmataish, wajupa chagkina aimjabiugme duka? 10¿Nuigtush aneaktsugmek, wi siete pagka nuiyan cuatro mil aents tinamkam yuinak ampijagmataish, wajupa chagkina aimjabiugme dusha? 11¿Wagka antumainchaush dekapeagme, wi kuitamamkatajum fariseo, saduceo levadurajiya nujai taja nunak pagkan pachisan tatsug duka? tiuwai.
12Timatai dekawajui, Jesusak levadura pag najanatasa pachimtaiya nuna tatsuapita; fariseo, saduceo jintinkagtutaiji aidaunap tawa tusag.
Pedro, Jesusan amek Cristuitme tibau
(Mr. 8.27-30; Lc. 9.18-22)
13Jesús nugka Cesarea, Filipo yaaktamamua nui jegaatatus wesa, ni jintintaiji aidaun iniak:
—¿Aents aidaush Aentsmaga akiinauwa nunash yayai tuinawa?, tau.
14Tutai dita aiinak:
—Ujumak aents aidau: “Juan Yamijatnai”, tuinai; tikich chichaidau: “Auk Eliasai”, taush ainawai. Nuniai tikich tuidau: “Jeremiasai nuniachkush profeta aajakú aina nuiyaskaitai” tuinawai, tuidau.
15Tiagtai ditan iniak:
—¿Tujash atumesh minash yayai tujutjume?, tau.
16Tutai Simón Pedro ayaak:
—Amek Cristo, Apajuí tuke pujuuwa nuna Uchijiyaitme, tiuwai.
17Tutai Jesús ayaak:
—Simón, Jonasa uchijiyah amek shiig aneasta, aminak aents nejentin numpenna nuninkesh tujamchae, mina Apag nayaimpinum puja nunú dekamtijamae. 18Wishakam amina tajame, yamaik amek Pedro#16.18 “Pedro” tawa duka griego chichamnumag “Petros” tawai, nunak “kaya” taku tawai. atatme. Jujú kaya muunta jui ekenin mina iglesiagnak#16.18 Griego chichamnum “ekklesia” tawa nunak tayatak apach chichamnum againak “iglesia” tuinawai. Nunak “asamblea” (ijunbau) taku tawai. jegamkattajai, nunak jaamua dukesh depetkashtinai; 19amina idaitustatjame Apajuí inama nuna llave#16.19 Llave, “llavé amastatjame” tawa nunak Juan capítulo 20 versículo 23num tawa nunak tayatak tawai; tujash nu dutikatna nunak imá apóstol aina duke dutikawagtinun tiuwai. ujatiama numamtuk awajkati tusan; dutikamu asam ame ju nugka jui chicham etsegbaun dekaskeapi tachauk nayaimpinmag tsagkugnagchatnai. Untsu ame chicham etsegbaun dekaskeapi tauk aantsag nayaimpinmashkam tsagkugnagtinai, —tiuwai.
20Nuna tusa ni jintintaiji aidaun, makichkish tikich aidauk, nigka Cristuwai tusagmek tiigpajum, tiuwai.
Jesús ni maam atinji etsegkamu
(Mr. 8.31-33; Lc. 9.22)
21Nui nagkamas Jesús ni jintintaiji aidau ujatan nagkabau, ni Jerusalén jegamtai apu aidau, sacerdote apuji aidau, maestro chicham umiktinun jintinkagtin aidaujai waitkasa maam, kampatum tsawanta jui nantaktina nuna pachis. 22Tutai Pedro akanak juki kakaakan chichajak:
—Apuh, Apajuí wakechataik, duka nuninuk makichkish nagkaetamaitsui, tau.
23Tujash Jesús Pedron ayampatua chichajak:
—¡Wetá Iwanchih, ukugkita! Ame utugchat aputugme, amek dekatsme Apajuí dutikatjai tabaujiya duka, nuadui nuna umikai tusam tujutme, aentsú anentaimtaig anentaimam duwi, tiuwai.
Jesús mina nemagtukta tautigmek atum wakegamuk idaikujum nemagtuktajum tibau
(Mr. 8.34-38; Lc. 9.23-27)
24Nuna tii Jesús ni jintintaiji aidaun:
—Makichik aentskesh mina jintintaig atatus wakegauk, niinunak idaiyak, waitiakush nemagtukti. 25Wagki aents ju nugka jui pujutan imá senchi wakegak, mina nemagtuk waittan dakitauk uwemjashtin ainawai. Tujash mina nemagtak niina pujutinash puyatjukchauk, uwemjatnai. 26¿Wajinma yaimainaita aentsnash ashí nugka juiyan niinu emakush, wakanin megkaemaina nuish? ¿Nuniachkush wajupa wakaninash akikmatmainaita? 27Wagki Aentsmaga akiinauwa duka, ni Apají imanjiya nujai nuigtú niina angelji aidaujai minitnai, nuniak makí makichik aents takasbaujiya dutiksag akiktinai. 28Dekas tajime Atum jui ijunjum juiyatijum ujumak aidautijum eke jatsuk, Aentsmaga akiinauwa nu inamjatatus minau wainkatnutigmesh ajume, tiuwai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.