(Evangelio según San Mateo) 15
15
Aentsun pegkegchau ema nu pachisa tibau
(Mr. 7.1-23)
1Ujumak fariseo aidau nuigtú maestro chicham umiktinun jintinkagtin aidaujai Jerusalegnumia kaunawag Jesusan jegaantag iniinak:
2—¿Wagka amina jintintaijum aidaush iina muunji umiktajum tibauwa nuna umitskesh ikigmatskesh yuinawa? tuidau.
3Tiagtai Jesús ayaak:
—¿Wagka tujash atumesh atumi muunjum umiktajum tibauwa nu umiakjumesh, Apajuí umiktajum tibauwa dusha umiatsjume? 4Wagki Apajuí: “Amina apa, dukujai eme anentsam diistá, tuja apajin, dukujinakesh pegkegchaun chichajuk tsagkugtsuk maatajum”, tiuwai. 5Tujash atumek: Makichik aentsuk apajin, nuniachkush dukujinakesh: “Wika yaimaitsugme, wagki ashí ajutuina junak, Apajuin ofrendan susajai”, tumainai tajume, 6nuniau asag, apajinak dukujinash yaimaitsui tajume. Aaja tau asajum atumek, atumi muunjumi umitaijiya nu umiakjum Apajuí umiktajum tibauwa duka imanchauch awajsaugme. 7¡Tsanumin aidauwah! profeta Isaías atumin pachipasag shiig tiuwai:
8“Ju aents aina juka weninig eme anenjuinawai; tujash anentainig atushat minaig ainawai.
9Mina emematjuina duka wainkayai; jintinkagtuina nunak, aents tibauwa nuna jintinkagtuinawai”.
10Nuna tii, Jesús aents aidaun untsuká:
—Antuktajum, nuniakjum dekaatajum, tiuwai. 11Wenunum wayá duka aentsnak pegkegchauk ematsui; untsu wenunmaya jiina nuwai aentsun pegkegchau ema duka.
12Timatai ni jintintaiji aidau Jesusan jegaantag iniinak:
—¿Amesh wainkamkum fariseo aidau ame tame nuna antukag kajekagma dusha?, tuidau.
13Tama ni ayaak:
—Ashí ajak mina Apag nayaimpinum puja nu ajachbau aidauk, kagkapejai tegam agtinai. 14Idaisatajum, ditak wainmainatsui, nuninaitak tikich wainmachu aidaun jintan inaktustatus wajukmaina nuninawai. Wainmachua nunú tikich wainmachun jintan inaktustatus weakug mai waanum iyaumainai.
15Tutai Pedro Jesusan:
—Ame augmatbau pachisa timaum nu ujajatkata, tau.
16Tutai Jesús ayaak:
—¿Atumesh duka dekamainchauk dekapeajum? 17¿Dekatsjumek ashí wenunum wayauk ampugnum nagkaemaki, atsumamunum wegam letrinanum ajapna duka? 18Tujash wenunum jiina duka anentainmaya jiinui; nuniau asa aentsnash pegkegchau emawai. 19Anentainmaya jiinui pegkegchau anentaibau aidau, magkagtamu aidau, tsanijinat, ashí pegkegchau iyashnum takanit, kasamat aidau, dekaskechu aig tsanumjut aidau, pegkegchau chichagkagtut aina nu. 20Ju aina juuwai aentsun pegkegchau ema duka, tujash ikigmagjum yuwatajum timawa nunú, ikigmatsuk yuwamuk aentsnak pegkegchauk ematsui.
Canaagnumia nuwa Jesusan dekaskeapi tibau
(Mr. 7.24-30)
21Jesús nuiya jiinki Tiro nugkanum, Sidón nugkanmash weuwai. 22Nui jegattaman canaagnumia nuwa Jesusan untsukmaikia minis:
—¡Apuh, Davita uchijiyah, minash wait anenjugta! ¡Mina nawanjun wakan pegkegchau egkemtug senchi waitkagta nu!, tau.
23Tamash Jesusak machikish aikchauwai. Nunitai ni jintintaiji aidau jegaantag:
—Iina ukujin minis untsú untsumkawa minajama, wakitkita tikia, tuidau.
24Tama Jesús:
—Apajuik minak Israel aents megkaejau aina nuig awetiuwai.
25Tujash nuwak Jesusa eemtin tikishmatug pujus:
—Apuh, yainkata, tau.
26Tutai Jesús ayaak:
—Uchijui aidau pag atankí yawá suwamuk pegkegchauwai, tau.
27Tutai nuwa ayaak:
—Apuh dekaske; tujash yawashkam mesanmayan apají tsaisá akakeamun yuwamajamah, tau.
28Tutai Jesús chichajak:
—Nawantah, dekaskeapi tabaujum shiig muun ajutjamui, ame wakegam duka nunisag uminkati, tiuwai.
Nuna taig wamkes niina nawanjishkam tsagajui.
Jesús kuashat aents jaidau etsagakbau
29Jesús nuiya jiinki Galilea kuchajin tikiju jegauwai; nunik nainnum waka ekeemsauwai. 30Nunikmatai kuashat aents aidau ni eketbaunum tuwakaju; nuninak shutú aidaun, wainmachu aidaun, manchantuku aidaun, chichachu aidaun, nuigtú kuashat jau aidaunashkam ni eketbaunum ikautuidau. Nunikmatai Jesuschakam etsagakui. 31Nuna Dutikamtai aents aidauk anentai jegagchaju chichachu aidaush chichaidau, manchantuku aidaush pegkeg wedau, shutú aidaushkam wekagaidau, wainmachu aidaushkam wainmaidaun wainaidau asag. Nuninak Israela Apajuijiya nuna emematuidau.
Jesús cuatro mil aents ayugkamu
(Mr. 8.1-9)
32Nunikagmatai Jesús ni jintintaiji aidaun untsuká chichajak:
—Aents aina juna wait anentuinajai, wagki kampatum tsawan jui wijai batsatainawai; tujash yumainjig atsujuinawai. Yujumkan ayugtsukek ditá jeenig ishimaitsujai, wagki jintá wekamag jaka iyaantainum tau asan, tau.
33Tutai ni jintintaiji aidau:
—¿Tuwiya jukiya yumainush sumainaita, aents atsamunum pujag juniautish?, tuidau.
34Tiagtai Jesús ditan iniak:
—¿Wajupa pagka ajutjamainawa?, tau.
Tutai dita aiinak:
—Siete pag nuigtú wajumchik namak ajutjamui, tiajui.
35Tiagmatai Jesús aents aidaunak nugká batsamsatajum tusa 36siete pag aina nuna juki nuigtú namak aina nunashkam juki Apajuin see tii, puujá jintintaiji aina nuna susajui, dutikam dita aents aidaun tinamkajui. 37Dutikawajam ashí shiig yuwawajui, nuigtushkam ampinjau aidaun siete chagkinnum aimjajui. 38Nui yuawajuk cuatro mil aishmag aajakajui; nuwa aidau, uchi aidaush dekapatsuk. 39Juna dutika Jesús aents aidaun akateg ukuak, barcanum egkemag Magdala nugkanum weuwai.
Currently Selected:
(Evangelio según San Mateo) 15: AGR
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
(Evangelio según San Mateo) 15
15
Aentsun pegkegchau ema nu pachisa tibau
(Mr. 7.1-23)
1Ujumak fariseo aidau nuigtú maestro chicham umiktinun jintinkagtin aidaujai Jerusalegnumia kaunawag Jesusan jegaantag iniinak:
2—¿Wagka amina jintintaijum aidaush iina muunji umiktajum tibauwa nuna umitskesh ikigmatskesh yuinawa? tuidau.
3Tiagtai Jesús ayaak:
—¿Wagka tujash atumesh atumi muunjum umiktajum tibauwa nu umiakjumesh, Apajuí umiktajum tibauwa dusha umiatsjume? 4Wagki Apajuí: “Amina apa, dukujai eme anentsam diistá, tuja apajin, dukujinakesh pegkegchaun chichajuk tsagkugtsuk maatajum”, tiuwai. 5Tujash atumek: Makichik aentsuk apajin, nuniachkush dukujinakesh: “Wika yaimaitsugme, wagki ashí ajutuina junak, Apajuin ofrendan susajai”, tumainai tajume, 6nuniau asag, apajinak dukujinash yaimaitsui tajume. Aaja tau asajum atumek, atumi muunjumi umitaijiya nu umiakjum Apajuí umiktajum tibauwa duka imanchauch awajsaugme. 7¡Tsanumin aidauwah! profeta Isaías atumin pachipasag shiig tiuwai:
8“Ju aents aina juka weninig eme anenjuinawai; tujash anentainig atushat minaig ainawai.
9Mina emematjuina duka wainkayai; jintinkagtuina nunak, aents tibauwa nuna jintinkagtuinawai”.
10Nuna tii, Jesús aents aidaun untsuká:
—Antuktajum, nuniakjum dekaatajum, tiuwai. 11Wenunum wayá duka aentsnak pegkegchauk ematsui; untsu wenunmaya jiina nuwai aentsun pegkegchau ema duka.
12Timatai ni jintintaiji aidau Jesusan jegaantag iniinak:
—¿Amesh wainkamkum fariseo aidau ame tame nuna antukag kajekagma dusha?, tuidau.
13Tama ni ayaak:
—Ashí ajak mina Apag nayaimpinum puja nu ajachbau aidauk, kagkapejai tegam agtinai. 14Idaisatajum, ditak wainmainatsui, nuninaitak tikich wainmachu aidaun jintan inaktustatus wajukmaina nuninawai. Wainmachua nunú tikich wainmachun jintan inaktustatus weakug mai waanum iyaumainai.
15Tutai Pedro Jesusan:
—Ame augmatbau pachisa timaum nu ujajatkata, tau.
16Tutai Jesús ayaak:
—¿Atumesh duka dekamainchauk dekapeajum? 17¿Dekatsjumek ashí wenunum wayauk ampugnum nagkaemaki, atsumamunum wegam letrinanum ajapna duka? 18Tujash wenunum jiina duka anentainmaya jiinui; nuniau asa aentsnash pegkegchau emawai. 19Anentainmaya jiinui pegkegchau anentaibau aidau, magkagtamu aidau, tsanijinat, ashí pegkegchau iyashnum takanit, kasamat aidau, dekaskechu aig tsanumjut aidau, pegkegchau chichagkagtut aina nu. 20Ju aina juuwai aentsun pegkegchau ema duka, tujash ikigmagjum yuwatajum timawa nunú, ikigmatsuk yuwamuk aentsnak pegkegchauk ematsui.
Canaagnumia nuwa Jesusan dekaskeapi tibau
(Mr. 7.24-30)
21Jesús nuiya jiinki Tiro nugkanum, Sidón nugkanmash weuwai. 22Nui jegattaman canaagnumia nuwa Jesusan untsukmaikia minis:
—¡Apuh, Davita uchijiyah, minash wait anenjugta! ¡Mina nawanjun wakan pegkegchau egkemtug senchi waitkagta nu!, tau.
23Tamash Jesusak machikish aikchauwai. Nunitai ni jintintaiji aidau jegaantag:
—Iina ukujin minis untsú untsumkawa minajama, wakitkita tikia, tuidau.
24Tama Jesús:
—Apajuik minak Israel aents megkaejau aina nuig awetiuwai.
25Tujash nuwak Jesusa eemtin tikishmatug pujus:
—Apuh, yainkata, tau.
26Tutai Jesús ayaak:
—Uchijui aidau pag atankí yawá suwamuk pegkegchauwai, tau.
27Tutai nuwa ayaak:
—Apuh dekaske; tujash yawashkam mesanmayan apají tsaisá akakeamun yuwamajamah, tau.
28Tutai Jesús chichajak:
—Nawantah, dekaskeapi tabaujum shiig muun ajutjamui, ame wakegam duka nunisag uminkati, tiuwai.
Nuna taig wamkes niina nawanjishkam tsagajui.
Jesús kuashat aents jaidau etsagakbau
29Jesús nuiya jiinki Galilea kuchajin tikiju jegauwai; nunik nainnum waka ekeemsauwai. 30Nunikmatai kuashat aents aidau ni eketbaunum tuwakaju; nuninak shutú aidaun, wainmachu aidaun, manchantuku aidaun, chichachu aidaun, nuigtú kuashat jau aidaunashkam ni eketbaunum ikautuidau. Nunikmatai Jesuschakam etsagakui. 31Nuna Dutikamtai aents aidauk anentai jegagchaju chichachu aidaush chichaidau, manchantuku aidaush pegkeg wedau, shutú aidaushkam wekagaidau, wainmachu aidaushkam wainmaidaun wainaidau asag. Nuninak Israela Apajuijiya nuna emematuidau.
Jesús cuatro mil aents ayugkamu
(Mr. 8.1-9)
32Nunikagmatai Jesús ni jintintaiji aidaun untsuká chichajak:
—Aents aina juna wait anentuinajai, wagki kampatum tsawan jui wijai batsatainawai; tujash yumainjig atsujuinawai. Yujumkan ayugtsukek ditá jeenig ishimaitsujai, wagki jintá wekamag jaka iyaantainum tau asan, tau.
33Tutai ni jintintaiji aidau:
—¿Tuwiya jukiya yumainush sumainaita, aents atsamunum pujag juniautish?, tuidau.
34Tiagtai Jesús ditan iniak:
—¿Wajupa pagka ajutjamainawa?, tau.
Tutai dita aiinak:
—Siete pag nuigtú wajumchik namak ajutjamui, tiajui.
35Tiagmatai Jesús aents aidaunak nugká batsamsatajum tusa 36siete pag aina nuna juki nuigtú namak aina nunashkam juki Apajuin see tii, puujá jintintaiji aina nuna susajui, dutikam dita aents aidaun tinamkajui. 37Dutikawajam ashí shiig yuwawajui, nuigtushkam ampinjau aidaun siete chagkinnum aimjajui. 38Nui yuawajuk cuatro mil aishmag aajakajui; nuwa aidau, uchi aidaush dekapatsuk. 39Juna dutika Jesús aents aidaun akateg ukuak, barcanum egkemag Magdala nugkanum weuwai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.