NA SAME 98
98
Sa vakarota vei ira na kai vuravura kecega me ra ia na vakavinavinaka vua na Kalou.
1Dou seretaka vei Jiova na sere vou,
Ni sa cakava oti na ka mana;
A ligana i matau, kei na ligana daucaka dodonu, sa rawa kina na veivakabulai.
2Sa vakatakila ko Jiova ni sa dauia na veivakabulai ko koya:
Sa vakaraitaka votu na nona caka dodonu e na matadra na veimatanitu.
3Sa nanuma ko koya na nona yalololoma kei na nona lomadina kivei ira na mataqali i Isireli:
Sa kunea nai yalayala kecega kei vuravura ni sa dauia na veivakabulai na noda Kalou.
4Dou ia na sere vei Jiova, na vuravura kecega:
Dou lagata sara, dou kaila e na reki, dou ia na vakavinavinaka.
5Dou sere vei Jiova ka qiri api;
Io na api kei na domo ni same.
6E na davui kei na domo ni koneti,
Dou ia na sere e na mata i Jiova, na Tui.
7Me vadugu mada na wasawasa, kei na ka e sinai kina;
Ko vuravura, kei ira era tiko kina.
8Me cobo na uciwai:
Me reki vata na veiulu-ni-vanua
9E na mata i Jiova; ni sa lako mai me lewai vuravura:
Ena lewai vuravura e na yalododonu,
Kei ira na tamata e na lewa dodonu.
Currently Selected:
NA SAME 98: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
