NA SAME 6
6
A masu ni sa vakararawataki
Vua na Domo-ni-sere e na Nikinoca e na Seminica. A Same i Tevita.
1I Jiova, mo ni kakua ni vunauci au e nomuni cudru,
Kakua ni cudruvi au e na nomuni cudru katakata.
2I Jiova mo ni yalololoma mai vei au; ni'u sa malumalumu:
Ni vakabulai au, Jiova, ni sa rarawa na suiqu.
3A yaloqu talega sa rarawa vakalevu;
Ia koi kemuni, Jiova, ena vakaevei na kena dede?
4I Jiova, ni lesu tale mai ni vakabula na yaloqu:
Ni vakabulai au e na vuku ni nomuni loloma.
5Ni sa sega ni rawa na vakananumi kemuni e na mate:
O cei ena vakamolimoli vei kemuni e nai bulubulu?
6Au sa oca e na noqu vutugu:
Au sa vakanawa na noqu i mocemoce e na bogi kecega;
Au sa vakasuasuataka na noqu i davodavo e na wai ni mataqu.
7Sa buawa na mataqu e na vuku ni noqu rarawa;
Ka sa qase mai e na vukudra kecega na noqu meca.
8Dou lako tani vei au, koi kemudou kecega sa kitaka na ca;
Ni sa rogoca ko Jiova na domo ni noqu tagi.
9Sa rogoca ko Jiova na noqu kerekere,
Ena vakabauta na noqu masu ko Jiova.
10Me ra madua kecega na noqu meca ka me ra velavela sara;
Me ra lesu tale, ka me ra madua vakasauri sara.
Currently Selected:
NA SAME 6: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
