NA SAME 43
43
A masu ni tamata sa gadreva na Kalou.
1Kemuni na noqu Kalou, mo ni lewai au mai, mo ni ia na veilewai e na vukuqu kei ira na matanitu sa sega ni loloma:
Ni vakabulai au mai na tamata daulasu ka tawa dodonu.
2Ni sai kemuni ga na Kalou ni noqu kaukauwa: o ni sa biuti au tani e na vuku ni cava?
A cava ka'u sa tagi voli kina ka ni ra sa vakasaurarataki au na meca?
3Mo ni tala mai na nomuni rarama kei na nomuni dina: me rau tuberi au tiko;
Me rau kauti au ki na nomuni ulu-ni-vanua tabu,
Kei na nomuni tikotiko.
4Au na qai lako ki nai cabocabo-ni-soro ni Kalou,
Vua na Kalou na noqu vu ni marau dina sara;
Ia ka'u na vakavinavinaka e na api vei kemuni na Kalou, na noqu Kalou.
5Na yaloqu, o sa bibi lako e na vuku ni cava?
O sa nuiqawaqawa e lomaqu e na vuku ni cava?
Mo nuitaka na Kalou: ni'u na vakavinavinaka tiko vua,
Na vu ni bula ni mataqu, kei na noqu Kalou.
Currently Selected:
NA SAME 43: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
