NA SAME 41
41
A masu ni tamata sa kila na nona ca.
Vua na Domo-ni-sere. A Same i Tevita.
1Sa kalougata ko koya sa nanuma na dravudravua:
Ena vakabulai koya ko Jiova e na siga ni rarawa.
2Ena maroroi koya ko Jiova, ka vakabulai koya tiko: ena vakalougatataki e vuravura
Ko ni na sega ni soli koya me ra veitaliataki koya ko ira na nona meca.
3Ena vakaukauwataki koya ko Jiova ni sa malumalumu koto;
O na cakava me vinaka tiko na nonai mocemoce ni sa mate no.
4Au a kaya, I Jiova, ni lomani au mai:
Ni vakavinakataka na yaloqu; ni'u a caka ca vei kemuni.
5Sa vosavakacacataki au ko ira na noqu meca, ka kaya,
Ena mate beka ninaica, ka me boko laivi kina na yacana?
6Kevaka sa mai raica ko koya, sa na vosa vakailasu ga:
Sa vakananuma tiko ki na ka ca e na vu ni yalona:
Ia ni sa lako voli e tautuba sa tukuna.
7O ira kecega era sa cati au, era sa vakasolokakanataki au vata:
Era sa vakananuma na ka me'u ca kina.
8Era kaya, Sa dua na mate ca sa kabiti koya:
Ia ni sa qai koto ena sega ni duri cake tale.
9Io, ko koya sa noqu i tau vakaidina, au vakararavi vua, o koya sa kania na noqu madrai,
Sa laqeti au e na bukubuku ni yavana.
10Ia koi kemuni, Jiova, mo ni lomani au mai, ka vakaduri au cake tale,
Me'u sauma ga vei ira.
11A ka oqo ka'u kila kina ni kemuni sa vinakati au,
Ni sa sega ni gumatua vei au na noqu meca.
12Ia koi au, ko ni sa vakataudeitaki au e na noqu yalododonu,
Ka vakataudeitaki au e matamuni ka sega ni mudu.
13Me vakavinavinakataki ko Jiova na Kalou ni Isireli,
Mai na gauna sa sega ni tekivu ki na gauna sa sega ni oti.
Emeni, Emeni.
Currently Selected:
NA SAME 41: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
