NA SAME 3
3
Sa tiko vinaka sara ko ira sa maroroi ira na Kalou.
A same i Tevita, ni sa drotaki Apisalomi na luvena.
1Kemuni Jiova, sa ka tani na tamata sa tubu me vakararawataki au!
Era sa lewe vuqa sa tu me bolei au.
2Era sa lewe vuqa sa vosataka na yaloqu, ka vaka,
Ena sega sara ni vakabulai koya na Kalou. Sela.
3Ia koi kemuni, Jiova, ko ni sa noqu i sasabai;
Na noqu i ukuuku, kei koya sa tabea cake na uluqu.
4Au a tagi vei Jiova e na domoqu,
A sa rogoci au ko koya mai na nona ulu-ni-vanua tabu. Sela.
5Au a davo no ka moce;
Au a yadra tale; ni sa maroroi au ko Jiova.
6Au na sega ni rerevaki ira era le udolu vakatini,
Era sa vakavolivoliti au vakaivalu.
7Ni tu cake, Jiova; ni vakabulai au, noqu Kalou;
Sai kemuni ka yaviti ira kecega na noqu meca e na sui ni baludra;
Ko ni sa musulaka na batidra na tamata ca.
8Sa vu maivei Jiova na veivakabulai:
Me tu vei ira na nomuni tamata na nomuni vosa ni veivakalougatataki. Sela.
Currently Selected:
NA SAME 3: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
