NA SAME 19
19
Sa tukuni Jiova na nona cakacaka, kei na nona vosa.
Vua na Domo-ni-sere. A Same i Tevita.
1Sa tukuna na lagilagi ni Kalou ko lomalagi;
Ka sa vakatakila na cakacaka ni ligana na maliwa levu.
2Sa dautukuna na vosa na veisiga sa veitarataravi,
Ka sa vakaraitaka na vuku na veibogi sa veitarataravi,
3Sa sega nai tukutuku, sa sega na vosa, Sa sega ni rogo na domodra.
4Sa lako yani ga ki vuravura taucoko na nodra i vakarau,
Kei na nodra vosa ki nai yalayala kei vuravura.
Sa viritoka ko koya me tu kina na kena vale na mata-ni-siga,
5O koya sa vaka na tagane sa qai vakawati sa lako mai na nonai vakaruru vakaiukuuku,
A sa marau me vaka na qaqa ni sa la'ki cici cere.
6Sa vakatekivu na nonai cadracadra e na vu ni lomalagi,
Kei na nonai lakolako sa yacova na kenai yalayala:
Ka sa sega na ka sa vakarurugi rawa mai na kena katakata.
7Sa vinaka sara na vunau i Jiova, ka sa saumaka na yalo:
Sa dina nai tukutuku i Jiova, ka sa vakavukui ira era sa sega ni vuku.
8Sa dodonu nai lesilesi i Jiova, ka sa vakamarautaka na yalo:
Sa savasava nai vakaro i Jiova, ka sa vakararamataka na matada:
9Sa savasava na rerevaki Jiova, ka sa tu dei ka tawa mudu:
Sa dina na lelewa i Jiova, ka sa dodonu kecega.
10A ka oqo sa daugadrevi vakalevu cake, ka vakalailai na koula, io, na koula vinaka sara e levu:
Sa uasivi cake e na oni na kena kamikamica, io, e na qa ni oni.
11Sa vakasalataki talega na nomuni tamata e na ka oqo:
Ka sa levu na kenai sau ni sa vakabauti tiko.
12O cei sa kila rawa na nona caka cala?
Mo ni vakasavasavataki au mai nai valavala ca sa vuni tu.
13Ni tarova talega na nomuni tamata me'u kakua ni douvaka na ca;
Me kakua ni daurawai au: ka'u na qai dodonu sara,
Ka'u na sega talega ni cala e nai valavala ca levu;
14Me vinaka vei kemuni na vosa ni gusuqu, kei na vakanananu ni yaloqu,
I Jiova, na noqu uluvatu, kei na noqu i vakabula.
Currently Selected:
NA SAME 19: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
