NA SAME 132
132
Sa tukuna ko Tevita na nona nanuma na kato ni veiyalayalati, 1-7; sa masu ni sa kau, 8-10. A vosa ni yalayala ni Turaga, 11-18.
A Same ni cabecabe.
1I Jiova, mo ni nanuma e na vuku i Tevita
Na nona rarawa kecega:
2Ni sa bubului vei Jiova ko koya,
Ka ia na veiyalayalati kei Koya na Kaukauwa i Jekope, ka kaya,
3Au na sega mada ni curu ki na vale laca ka'u sa tiko kina,
Se cabe ki na noqu i mocemoce;
4Au na sega ni solia na mataqu me'u moce,
Se na dakudaku-ni-mataqu me sosovu;
5Ia ka'u na kunea mada eliu e dua na yasana me nei Jiova,
Io e dua nai tikotiko me nei Koya na Kaukauwa i Jekope.
6Raica, eda a rogoca ni sa tiko mai Efiraca:
Eda a kunea e na dua na were mai veikau.
7Eda na curuma na nona vale;
Eda na cuva ki nai tutu-ni-yavana.
8Mo ni cabe cake, Jiova, ki na nomuni vakavakacegu;
Oi kemuni kei na kato ni nomuni kaukauwa:
9Me ra vakaisulu e na yalododonu ko ira na nomuni bete;
Ka kaikaila e na reki ko ira na nomuni tamata yalosavasava.
10E na vukuna na nomuni tamata ko Tevita;
Me kakua ni gole tani na matamuni maivua ko ni a lumuta.
11Sa bubului vakaidina ko Jiova vei Tevita;
Ena sega ni lesu tani maikina;
Maivei ira na vua ni yagomu ka'u na vakatikora na kemui sosomi e na nomu i tikotiko vakaturaga:
12Kevaka era na vakabauta na noqu veiyalayalati ko ira na luvemu,
Kei na noqu vunau ka'u na vakatavulica vei ira,
Ena tiko talega ko ira na luvedra ka sega ni mudu e na nomu i tikotiko vakaturaga.
13Ni sa digitaki Saioni ko Jiova;
Sa vinakata ko koya me nonai tikotiko.
14Oqo na noqu i vakavakacegu ka sega ni mudu:
Au na tiko ga eke: ni'u sa vinakata.
15Au na vakalougatataka vakalevu na kena kakana:
Au na vakamamautaki ira na nona dravudravua, e na madrai.
16Au na vakaisulutaki ira talega na nona bete e na bula:
Era na kaikaila talega e na reki na nona tamata yalosavasava.
17Au na cakava me kubu maikina nai leu i Tevita:
Au sa vakarautaka na cina me nei koya ka'u sa lumuta.
18Au na vakaisulutaki ira na nona meca e na madua:
Ia ena serau tu e na uluna na nonai sala.
Currently Selected:
NA SAME 132: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
